Lukas 6
6
Yesus tempun kuasa hunjun andau Sabat
(Mat. 12:1-8; Mrk. 2:23-28)
1Intu andau Sabat metuh Yesus tuntang kawan murid-Ah mangguang kabun gandum tuntang mamutik bawak gandum te tuntang handak kuma'ah, metuh ewen mangupak ah umba lengen ewen. 2Balalu dumah ndai pire-pire uluh Farisi misek umba ewen: “Buhen Ikau manguan gawi je malanggar Hukum Musa intu andau sabat?” 3Tapi Yesus manjawab'ah: “Dia kah ikau mambasa huang Hukum Musa narai je inguan awi Raja Daud,” metuh iye tuntang uluh je umba iye te bala'u, 4kilenampi iye tame Huma Allah tuntang manduan roti surungan je barasih balalu kuma'ah tuntang iye kea manenga sebagian bara roti kudus te akan anak buah'ah, padahal roti jite dia tau ewen kuma'ah kecuali kawan imam. 5Auh Yesus tinai umba ewen: “Anak Kalunen yete Tuhan je bakuasa intu hunjun andau Sabat.”
Yesus mampakeleh uluh intu andau Sabat
(Mat. 12:9-14; Mrk. 3:1-6)
6Intu andau Sabat je beken, Yesus tame tuntang majar intu huma ibadah, intu hete tege ije uluh hatue je matei lenge gantau'ah. 7Intu hete kea tege kawan guru hukum Musa, uluh Farisi manaliti Yesus te, amun Iye mampakeleh intu andau Sabat, mangat akan alasan ewen manyala Iye. 8Tapi Yesus jadi mangatawan narai je mikir awi ewen, Yesus hamauh umba uluh je matei lenge sila'ah: “Mendengih intu bentuk huma ibadah tuh!” Balalu uluh te kea mendeng. 9Limbas te Yesus misek umba uluh Farisi tuntang guru hukum Musa auh-Ah: “Narai je tau inguan intu andau Sabat, manguan kahalap atawa je papa, manyalamat uluh atawa mangapehe'ah?” 10Limbas bapander auh jite Yesus mananture ewen uras'ah, Yesus hamauh umba uluh je pehe te: “Nyuluk lengemmu!” Uluh te manumun'ah, tuntang kea lenge'ah keleh tutu. 11Maka lembut ndai kasingin ewen, balalu ewen barundingah narai je inguan ewen umba Yesus te.
Yesus mamintih due belas biti murid
(Mat. 10:1-4; Mrk. 3:13-19)
12Intu ije andau Yesus tulak akan bukit balaku doa. Ije malem-malem Iye balaku doa umba Allah. 13Intu andau hanjewu'ah, Yesus mantehau karen uluh je pahayak-Iye, tuntang mamintih bara ewen te due belas biti, akan manjadi murid-Ah: 14Yetuh karen aran rasul te yete: Simon inenga ara te Petrus awi Yesus, Andreas paharin Simon, Yakobus, Yohanes, Filipus, Bartolomeus, 15Matius, Tomas, Yakobus anak Alfeus, tuntang Simon je inyewut kea uluh Zelot, 16Yudas anak Yakobus, tuntang Yudas Iskariot je manjadi penghiyanat.
Yesus majar tuntang mampakeleh karen uluh je haban
(Mat. 4:23-25)
17Yesus tuntang ewen je beken muhun bara bukit ewen hakumpul intu uka je datar: intu hete kakaren murid-Ah tuntang uluh are je dumah bara daerah Yudea, kota Yerusalem, tuntang bara daerah pantai Tirus tuntang Sidon. 18Ewen dumah akan mahining auh ajaran Yesus tuntang laku impakeleh bara kahaban ewen; ewen je inderoh awi kawan roh je papa uras mandinu kakeleh'ah. 19Uluh are ba'usaha manyantuk Yesus, awi bara Iye tege kuasa balua je tau mampakeleh ewen tuntang uluh are te uras keleh.
Ucapan kahanjak tuntang mampingat
(Mat. 5:1-12)
20Limbas jite Yesus nanture kawan murid-Ah sambil hamauh:
“Hanjak ih, oi ikau je susah,
awi ikau je akan manepun Karajaan Allah.
21Hanjak ih, oi ikau je bala'u metuh tuh,
awi ikau akan mandinu impesuh. Tuntang ikau je manangis hanjak ih,
awi ikau akan tatawe.
22Hanjak ih ikau, awi Anak Kalunen uluh dia rajin dengam mu, tuntang ewen kea mangejau bara ikau, mamapa ikau, tuntang manuduh ikau je papa. 23Awi kilau te ih tatu hiyang ewen manguan kawan nabi Allah intu zaman huran. Awi te amun hal te tarjadi dengam mu, keleh ikau hanjak ih, awi upahmu hai intu sorga.
24Tapi Calakaih ikau, oi ketun uluh je tatau,
awi huang panataumu te ikau jadi mandinu kahanjakmu.
25Kilau te kea ikau, je besuh metuh tuh,
awi ikau akan bala'u.
Calakaih ikau kea,
je metuh tuh hanjak, awi ikau akan mandinu kapehen atei tuntang manangis.
26Calakaih kea ikau, amun uras uluh manara ikau; sama je inguan tutu hiyang ewen umba kawan nabi palsu.”
Pasi ih kare musuh mu
(Mat. 5:38-48)
27“Tinai Yesus malanjut ajaran-Ah, yetuh auh-Ah: Pasi ih karen musuhmu, tuntang akan uluh je dia rajin umba ikau; 28laku ih berkat akan ewen je bamusuh dengam; balaku doa ih akan ewen je manahiu ikau tuntang mahina ikau. 29Kilau te kea amun uluh manampar pipi mu je sila nenga kea je sila'ah. Tuntang amun uluh balaku baju mu, nenga kea bajum mu je beken. 30Amun uluh je balaku sesuatu umba ikau, nenga ih; tuntang amun uluh manduan sesuatu ikau tempu, ela ih manduanah haluli. 31Nguanih akan uluh je beken uras sesuatu je Ikau handak ewen manguan'ah akam mu. 32Bahkan uluh je badosa kea masi umba uluh je masi ewen. Jadi, amun ikau cuma masi uluh je masi dengam mu, ikau pasti dia mandinu pujian. 33Amun ikau manguan je bahalap akan uluh je bahalap umba ikau, ikau dia manguan je pantas imuji awi eweh bewei, bahkan uluh je dia percaya Tuhan kea manguan kahalap akan kare uluh je manampa kahalap akan ewen. 34Dengan cara je sama, bahkan ewen je biasa manampa kasala ngutang duit cuma akan kare uluh je percaya ih tau ngambali'ah jumlah je sama akan ewen. Amun kilau te, ikau pakutang duit cuma akan uluh je akan mambayar akam mu ngambali, ikau pasti dia mandinu pujian. 35Sebalikah, ikau harus masi ih kawan musuh mu tuntang nampa ih kahalap akan ewen. Minjam ih akan ewen duit te dia maharap kambali'ah. Akan gantiah, awi Tuhan akan manenga upahmu je hai tuntang ikau akan manjadi kawan Anak Allah je pangkagantung, awi Tuhan manenga kasih karunia bahkan uluh je dia puji bersyukur. 36Tapi parahan ih kapasi, sama kilau Bapa itah, Allah, je are kapasi akan uras uluh.”
Hal mahakimi
(Mat. 7:1-5)
37“Amun ikau dia mahakimi uluh beken, maka ikau dia ihakimi kea. Kilau te kea amun ikau mahukum uluh je sala, maka ikau dia akan ihukum. Tuntang amun ikau mangampun kasala uluh je beken, maka ikau akan iampuni kea. 38Tuntang nenga ih narai bewei je imerlu uluh beken, tuntang ikau kea akan mandinu narai je ikau merlu'ah. Jite akan ingambali'ah akam mu dengan jumlah je are, sampai inenyek tuntang inggerek akan mampatame labih are tinai, tuntang jite tau akan batusuh huang kauntungan mu! Awi ukuran narai bewei je ikau hapa'ah, akan kahai atawa kakurik akan ihapan kea maukur narai je inenga'ah haluli akam mu.”
39Limbas te Yesus manenga suntu ije akan ewen: Uluh je babute dia tau mangandeng umba uluh babute je beken. Pasti ewen due te tau manjatu huang parit haya-hayak. 40Awi ije biti murid dia labih pintar bara guru'ah. Tapi setiap murid je jadi balajar uras sesuatu akan manjadi sama kilau guru'ah.
41Buhen kah ikau mananture kasalahan je kurik sama kilau kawu intu matan paharimmu tapi dia mananture kasalanmu je hai sama kilau tetek kayu? 42Kilenampi kea Ikau bapikir tau mansanan'ah, oi Wal, nyuhu ih aku mandohop Ikau manganan rutik kawu intu matammu: “sementara ikau kabuat dia mananture pisak kayu je hai intu matammu? Ikau te uluh je pura-pura ih! Je sulakah nganan ih helu pisak kayu bara matammu kabuat. Limbas te Ikau tau mananture dengan jelas akan mamapaluwa rutik kawu intu matan uluh je beken.”
Kayu tuntang bua'ah
(Mat. 7:16-20; 12:33-35)
43Awi kayu je bahalap mahasil bua je bahalap kea, tapi kayu je papa mahasil bua je papa 44Dengan cara jite, setiap kayu ingasene bara bua je ihasil'ah. Arti'ah, uluh dia mahasil bua je bahalap atawa tau ikinan sama kilau bua ara tuntang bua anggur bara kabun je dia bahalap atawa kea dia baguna sama kilau pulau ruwut je baduhi. 45Dengan cara je sama, uluh je bahalap mansanan kare hal je bahalap awi pikiran ewen te bahalap. Uluh je papa manguan kare hal je papa kea awi pikiran ewen je papa. Jadi, narai je ander uluh mamparahan ampin pikiran je tege intu huang pikiranah.
Due macam tamparan
(Mat. 7:24-27)
46Yesus malanjut auh-Ah, buhen ikau mantehau Aku tuh: “Tuhan, Tuhan,” tapi ikau dia manguan narai je inyuhu-Ku dengam mu? 47Awi setiap uluh je dumah mangguang-Aku tuntang manyeneh auh-Ku tuntang manumu'ah, Aku akan mansanan akam mu sama kilau narai iye, 48Iye sama kilau uluh je mampendeng huma: Iye te mangali petak handalem tutu, sampai batu je tege intu penda'ah tuntang mampendeng huma'ah intu hunjun batu te. Limbah jite, metuh danum handalem dumah, mampalelep huma te, tapi huma jite dia bahantung awi tege pondasi'ah je kuat. 49Tapi, eweh uluh je manyeneh auh Ku tapi dia manumu'ah, iye sama kilau uluh jituh. Je mampendeng huma intu hunjun petak je jatun pandasi je kuat katika danum handalem mampalelep huma jite balalu bakarak tuntang bahantung.
Attualmente Selezionati:
Lukas 6: AMGV
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Manuhing Bible by Beyond Translation is licensed under Creative Commons Attribution-ShareAlike 4.0 License.
