Lukas 20
20
Kawan imam Yahudi mamisek Yesus
(Mat. 21:23-27; Mrk. 11:27-33)
1Huang ije andau, Yesus metuh majar uluh are intu Huma Allah tuntang mansanan kabar bahalap mengenai Karajaan Allah. Pire-pire karen imam hai, kawan guru hukum Musa tuntang kawan uluh bakas Yahudi kea misek-Ah. 2Ewen misek umba Yesus: “Sananih akan ikei hapan kuasan narai Ikau manguan je macam tuh? Tuntang eweh kea je manenga akam-Mu kuasa te?” 3Yesus manjawab'ah: “Aku kea misek umba ketun, tuntang sanan akang-Ku. 4En kuasa pampandui uluh awi Yohanes te bara Allah atawa bara uluh kalunen?” 5Balalu ewen hakisek sama arep ewen: “Amun itah mansanan'ah Allah manyuhu Yohanes akan pampandui uluh, maka Iye akan misek itah, awi buhen ketun dia percaya umba iye?” 6Tapi amun itah mansanan bara uluh kalunen manyuhu Yohanes akan pampandui uluh, maka uras masyarakat te dia percaya umba itah ndai. Awi ewen percaya bahwa Yohanes yete ije biti uluh nabi. 7Maka kare imam Yahudi te manjawab Yesus, ikei dia mangatawan ewen je manenga Yohanes hak akan pampandui uluh. 8Balalu Yesus hamauh umba ewen: “Awi ikau dia manjawab je pamisek-Ku, Aku kea dia mansanan akam mu kuasa narai Aku manguanah akan manguan kare hal tuh.”
Ije suntu mengenai kawan pangimbul Kayu anggur
(Mat. 21:33-46; Mrk. 12:1-12)
9Yesus kea mansanan suntu tuh akan uluh are: Tege Ije biti uluh je tempun kabun anggur. Balalu iye manyuhu uluh manunuh'ah. awi iye tulak akan wilayah je beken dia inentu akan katahin. 10Tuntang sampai ndai katika iye dumah tuntang bua anggur te jadi masak, iye manyuhu ije biti pambantu'ah mangguang uluh je bagawi te mangat ewen manenga karen hasil kabun anggur te. Katika iye jadi sampai intu kanih, kawan panggawi te dia manenga'ah, malah ewen ngampehe pambantu te tuntang manyuhu iye buli jatun imbit narai-narai. 11Sinde tinai, Tempun kabun te manyuhu pambantu je beken akan manduan hasil bara kabun te. Tapi, pambantu te kea imukul, impahawen kea awi ewen, tuntang inyuhu buli jatun manenga narai bewei. 12Tinai kea iye manyuhu pambantu je katelu, tapi ewen kea mawi'ah sampai bahimang balalu ewen kea mampalua bara kabun te. 13Katika tempun kabun anggur te mahining hal jite, Iye hamauh huang atei'ah: Narai je harus aku nguanah metuh tuh? Aku akan manyuhu anak ku je inyintaku. Mungkin ewen akan mahormatah tuntang manenga narai je manjadi aku tempuah. 14Tapi metuh kawan pangawi te nanture anak tempun kabun te dumah, ewen hapakat, sambil hamauh: “Iye tuh akan manjadi tempun kabun tuh, awi te itah patei ih Iye mangat itah je akan manempun uras'ah. 15Balalu, ketika anak te jadi sampai, ewen manawan mamaksa'ah mampalua bara kabun anggur te tuntang mampateiah. Balalu Yesus misek umba ewen, narai je akan inguan awi tempun kabun anggur te umba ewen katika iye mangatawan narai je jadi ewen nguanah? 16Iye akan dumah mampatei kawan panggawi jite, tuntang kea kabun anggur te inyarah akan uluh je beken.” Katika ewen Mahining auh je insanan Yesus, ewen hamauh: “Mudahan Allah dia manantaluwa hal tuh tarjadi!” 17Yesus nanture ewen tuntang misek: “Amun je kilau jite narai arti je inulis huang Kitab Suci mengenai Masias je mansanan bahwa:
Iye kilau Batu je inganan awi karen tukang bangunan.
Tapi Allah akan mangguang batu je paling sulakah akan manampa huma te?
18Uluh je dia narima Yesus yete sama kilau uluh je manjatu intu hunjun batu hai'te. Iye akan hancur. Tuntang eweh uluh je kana penyet awi batu je hai'te. Iye akan ramuk rakai.”
19Balalu kawan guru Hukum Musa tuntang kawan imam hai manggau hila'ah mangat tau manawan Yesus intu metuh jite kea, awi ewen ngatawan Yesus jadi mansanan kare suntu je malawan ewen, tapi ewen dia bahanyi awi mikeh umba uluh are te.
Pisek mengenai pambayar pajak
(Mat. 22:15-22; Mrk. 12:13-17)
20Maka kawan imam kapala tuntang guru Hukum Musa te manyalidik Yesus tuntang mambayar pire-pire uluh akan menjebak Yesus dengan bapura-pura manjadi uluh je bujur. Ewen kea manggau hila manjebak'Ah, Yesus dengan auh-Ah kabuat mangat ewen tau manyarah Iye akan gubernur Romawi tuntang panguasa intu lewu te akan ihukum. 21Balalu kare uluh te hamauh umba Yesus: Guru, ikei jadi mangatawan bahwa uras je sanam-Mu tuntang auh ajaran-Mu te puna bujur tuntang Ikau manguan uras uluh dengan cara je adil. Tuntang Ikau dengan bujur mamajar cara belum je inyuhu awi Allah umba kalunen. 22Tuntang ewen mamisek umba-Ah: “Manumun hukum itah, enkah tau atawa dia amun itah mambayar pajak akan Kaisar Romawi?” 23Tapi Yesus jadi katawan maksud ewen te akan menjebak Iye. Balalu Yesus hamauh umba ewen: 24“Nenga akang-Ku ije kabawak duit dinar.” Sananih akang-Ku gambar tuntang tulisan eweh je tege intu duit tuh? Jawab ewen: “Gambar tuntang tulisan Kaisar.” 25Balalu Yesus hamauh umba ewen: “Amun kilau te nenga ih akan Kaisar narai je ayun Kaisar sama kilau te kea akan Allah nenga ih narai je ayun Allah!” 26Awi te ewen dia tau dinun kasalan huang pander-Ah intu taharep uluh are te. Ewen bingung umba auh-Ah te sampai ewen dia handak mangisek tinai umba Iye.
Pisek uluh Saduki mengenai belum haluli bara pampatei tuntang pangawin
(Mat. 22:23-33; Mrk. 12:18-27)
27Metuh jite tege pire-pire biti uluh Saduki mangguang Yesus, ewen dia percaya bahwa Tuhan akan tege kamisik uluh jadi matei. 28Balalu ewen mamisek umba Iye: “Guru, Musa jadi manulis aturan tuh akan itah, amun ije biti uluh hatue te tege pahariah uras hatue matei, tapi sawa'ah masih belum, tapi ewen due te jatun mandinu anak, maka pahariah je hatue te tau kawin umba balu te mangat mandinu katurunan akan pahariah je jadi matei. 29Katika te tege uju biti uluh hapahari. Je tambakas'ah kawin umba bawi te balalu bana'ah matei tuntang jatun mandinu anak. 30Je kadue kawin dengan balu pahariah, tapi iye kea matei jatun mandinu anak. 31Hal je sama kea tarjadi umba pahari je katelu. Tuntang ka uju ewen hapahari te uras kawin dengan bawi atawa balu jite tuntang matei jatun mandinu anak. 32Tuntang intu akhir'ah bawi te matei kea. 33Sabab awi jite ih Allah mampisik ka uju pahari tuntang bawi te belum haluli bara pampateiah, ketika Allah jadi manguan hal te, eweh je akan manjadi banan bawi te huang andau kamisik te kareh? Awi ewen uju te uras puji jadi bana'ah.” 34Yesus manjawab'ah akan ewen: Uras uluh intu dunia tuh harus kawin tuntang ingawin, 35Huang andau kamisik awi Tuhan te kareh ewen mandinu pambelum intu sorga, ewen dia kawin tuntang dia ingawin tinai. 36Tuntang ewen belum je katatahi. Ewen sama kilau utusan Tuhan tuntang ewen akan manjadi anak-anak Allah, awi ewen jadi mandinu kamisik bara helat uluh matei. 37Beken bara jite, ikau sala amun barima bahwa uluh matei dia tau belum haluli, awi intu huang Kitab Suci, Musa manulis narai je Allah sanan aka'ah mengenai pulau ruwut je baduhi te. Intu hete, Tuhan jadi mansanan arep-Ah Allah Abraham, Ishak tuntang Allah Yakub. 38Iye beken Allah akan kare uluh je matei tapi Allah akan kare uluh je belum. Awi urasah uluh belum mampahayak Iye. 39Mahining auh jite kawan guru Hukum Musa hamauh: “Guru auh-Mu te puna bujur tutu.” 40Awi te ewen dia bahanyi ndai misek narai bewei umba Yesus.
Eweh Masias?
(Mat. 22:41-46; Mrk. 12:35-37)
41Balalu Yesus misek umba kare imam Yahudi, kilenampi ewen mansanan Mesias te Anak Daud? 42Awi Daud jadi mansanan huang buku Mazmur:
Allah jadi mansanan akan Tuhanku;
Munduk ih intu hila gantaung-Ku.
43Sampai Aku manyarah karen musuh-Mu intu penda paim-Mu. 44Amun Masias te bujur-bujur anak Raja Daud, buhen Daud mantehau-Ah “Tuhan?”
Yesus maningak mangat Barendeng-rendeng taharep kare Guru Hukum Musa
(Mat. 23:5-7; Mrk. 12:38-40)
45Balalu Yesus mansanan akan kawan murid-Ah tuntang uras uluh mahiningah: 46“Barendeng-rendeng ih akan dia manguan kilau kawan guru Hukum Musa te. Je rajin mahapan pakayan jubah je hai rega mananjung taharep uluh are tuntang balaku ihormat awi uluh, amun sambayang intu huma ibadah ewen handak munduk intu baun tuntang uka je tehormat huang karen pesta te. 47Ewen manipu kare balu tuntang manduan kare huma ewen, tuntang manyahukan kapapan ewen dengan balaku doa je panjang. Awi te, hukuman ewen akan batambah hai.”
Attualmente Selezionati:
Lukas 20: AMGV
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Manuhing Bible by Beyond Translation is licensed under Creative Commons Attribution-ShareAlike 4.0 License.
