2CO 6
6
पौलदी विश्वासयोग्य सेवा
1परमेश्वर जताक फनी शेशेतोर रुपला मिम मिक इल्ला विनंती शेस्ताम की, परमेश्वरदी आदी कृपा याद मिक शिक्कीनाद दान वाया फोनीयाकुंडा. 2येनटीक की वाड आंटाड,
'निन कृपा वेळला नीद इंटीन,
इंगा तारण दिनमुला नीद मदत शेस्तीन.'#यशया 49:8.
इंगा सुडना, परमेश्वर कृपाद वेळ इद्दे उंडाद, इंगा सुडना, इप्पुड तारणदी दिनमु इबदे उंडाद. 3मिम यवारकीच अडखळन येका दाम, दिनिचांग की यवारकीच मा सेवाला दोष कमसा राद. 4पण प्रत्येक परिस्थितीला परमेश्वर सेवक आंका, मिम मा बद्दल सिद्ध शेस्ताम; मिम शेंगेम हिम्मतता संकटला, आपत्तीला इंगा दुखला; 5देब्बाल तिने दिंटल्या, बंदीगृहला इंगा दंगलला; कष्टला, मोब्बुला जागरण शेशे दिंटल्या इंगा उपासला; 6शुद्धताता इंगा ज्ञानता, सहनशीलताता इंगा ममताता, पवित्र आत्माता इंगा निष्कपट प्रेमता; 7सत्य वचनता इंगा परमेश्वर सामर्थ्यता, मंची शेतल्या इंगा रोड्डा शेतल्या नितीमत्वय शस्रल फेट्टी, 8आदरता इंगा अपमानता, प्रशंसा इंगा निंदा इदी आंता माक शिक्या मोमलान कपटी समजाशीर, पण मिम खरेम माटलाडताम. 9गुरतु लेनोर लेका उंडाम इंगा तरी पण गुरतु उंडाम, मिम सच्ची फोयनाम तरी पण मिम जित्ता उंडाम. दंड तर भोगास्ताम तरी पण सय्या लेम.#१करिंथ 4:9; स्तोत्रसंहिता 118:18. 10मिम दुखला उंडाम, तरी नेहमी आनंद शेस्ताम, मिम गरीब, तरी शेंगेम मंदीन श्रीमंत शेस्ताम, मिम इल्ला उंडाम की मा देगार येमीच लेद, तरी पण मा देगार आंताच उंडाद.
वगा सारखा जोताला कट्टेदेंक दाकुंडा
11हे करिंथलोन आक्का तम्मुळ्ळालाला, मिम मी जताक नोर तेरशी माटलाडतीम; माय मनलु मिम मी इचांग तेरशीनाम. 12मी इचांग माद प्रेम कमी कालेद, पण मिद मा इचांग कमी आयनाद. 13दिनिचांग ना बिळ्ळु समजाशी निन मिक शपतान की, मीर पण मी मनलान म इचांग पुर्णपणे तेरस्काडना.
14यवार विश्वास फेट्टार वार जताक संबंध फेट्टी जोता यत्ताकुंडा; येनटीक की नितीमत्वद इंगा अधर्मदी येम संबंध? यलगु इंगा मोब्बु इदी यल्ला कुडी? 15ख्रिस्तद इंगा शैतानदी#6:15 शैतानदी बलियाल येम ताळ-मेळ? लेकाते वगा विश्वासीला इंगा वगा अविश्वासीला येम समानता उंडाद? 16इंगा परमेश्वर भवनदी मुर्तीला जताक येम संबंध? येनटीक की परमेश्वर आनीनाड की मीर जित्ता परमेश्वरदी भवन उंडार#6:16 मीर जित्ता परमेश्वरदी भवन उंडार विश्वासी मंदी परमेश्वर भवन आनीनार, दिनिचांग वार पवित्र निलवाबेक. येनटीक की परमेश्वर आनीनाड की,
'निन वार लोना निलच्यान इंगा वार नडमा तिरग्यान;
निन वार परमेश्वर आय्यान इंगा वार नाद प्रजा आय्यार.'#लेवी 26:11,12; यिर्मया 32:38; यहेज्केल 37:27.
17इंगा दिनिचांग 'प्रभुड आंटाड की,
वार दिंटल्योन्केल बैटीक दांडा
इंगा अलग कांडा ;
यादुच अशुद्ध वस्तु मुट्टाकुंडा;
आंटे निन मिद स्वीकार शेशान.#यशया 52:11; यिर्मया 51:45.
18इंगा निन मी आब्बाड आय्यान इंगा मीर ना बिळ्ळु आय्यार,
इल्ला सर्वसमर्थ प्रभुड आंटाड'.#2 शमुवेल 7:14; यशया 43:6; होशेय 1:10.
Attualmente Selezionati:
2CO 6: WNT
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi