1 कुरिन्थी 2
2
कुरूस रे राकाःब लिनी ख्रीस्त रअः बारे रे सन्देस
1ए बोयहाकु, जब ईङ आपे दुबाःड़े हीःग थिनिङ, आउर परमेसर आला उकु-उना संदेस ईङ अपन चलांक बात तरअः चाहे बड़े बुधी तरअः काईंग उदूः लआ। 2एता लःअय ची ईङ नोःआँ फैसला थिलिईंग ची आपे ताला रे ताही केते, ईङ ईसु ख्रीस्त आउर कुरूस रे हुयाव नेना, हुनी आला मराईन के बाई केते, ईङ जहान एटाअ बात के पाड़ी होः आलुईंग पाड़ी। 3#प्रे.कामी 18:9आउर हिना लःअय ईङ नरम केते आउर बोर रे, थर-थराअते, आपे दुबाःड़े हीःग निनिंग। 4ईङ आला बचन आउर परचार रे बुधी आउर लो-लोभाव वाला बात काम रे काईंग आगु थिलाअ, बकिर ईङ परमेसर आला आतमा आउर समरथ लोः साबित लाईङ। 5जेकर से ची आपे आला बिसवास मनवाकु आला बुधी रे कोवान बकिर परमेसर आला समरथ रे टिकाव ताहिनोअ चाही।
परमेसर आला बुधी
6सेरे होः जे ख्रीस्त रे बिसवास केते, मजगुत नाकु हिंकु के बुधी रेनअः बात सिखाव दिकुईंग। बकिर नोःआँ बुधी दुनिया रअः नलागे आउर ना गी दुनिया रिनकु हाकिमकु आला हेके, हुंकू नसोः वाला एदान कुआ। 7जे बुधी आले उदूः गेआले होना परमेसर आला उकु ओना बुधी गी हेके। नोःआँ बुधी पहिल रिनकु पुरखा तरअः उकु ओना ताहिना, बकिर नोःआँ बुधी आबु आला महिमा लःअय परमेसर जुग-जुग तरअः पहिल रे ठहराव थिलाआय। 8नोःआँ बुधी के नोःआँ जुग रिनकु हाकिमकु काकु समझाव नेना ची परमेसर एतान ताही लःअय। जदि हुंकू पाड़ी ताकेआकु दो महिमामय परभु के हुंकू कुरूस रे इरकु राकाःब ताकिया। 9#जसा 64:4बकिर परमेसर आला बचन रे नोकान लिखा लअः एदनाआ,
“ची परमेसर अपन दु-दुलार कु के जे तेयार तदाय,
होना के ओके होः काकु नेल तदा, ना जाहें नेल तदाकु,
आउर ना जाहें मन रे सोंचाव तदाकु।”
10बकिर परमेसर नोःआँ बुधी के अपन आतमा तरअः आबु रे दिसतार तदाय। एता लःअय ची आतमा जामा जिनीस के नामेआय, नोःआँ जगुत ची परमेसर आला भीतरी रेनअः बात केहोः पड़ीआय। 11मियांड होड़ आला सोंच के ओके होः काकु पड़िआ, हिनी आला आतमा भाईर पाड़ीआय, निआँ लकान परमेसर आला आतमा के बाई केते, ओके होः परमेसर आला विचार के काकु पड़ीआ। 12आबु नोःआँ दुनिया रअः आतमा के काबु नाम तदा, बकिर परमेसर तरअः पबितर आतमा के नाम तदाबु, जेकर से ची आबु होना बात के पाड़ी सकायबु ची परमेसर आबु के बकसिस रे एम तदाय।
13जे आले सिखाव कुआले होना मनवा आला बुधी तरअः सिखाव लअः बात नलागे, बकिर आले पबितर आतमा तरअः सिखाव उना बात के सिखाव कुआले। आतमिक बात के जे पबितर आतमा आले के उदूः गेआय, हिना तरअः आले होः उदूः गेआले जेके पबितर आतमा भेटाव ताना। 14दुनियादारी होड़, परमेसर आला आतमा रअः बात रे इरकु बिसवासेआ, एता लःअय ची होना बात के मुरुखता समझाव कोआय, हुनी होना के काय समझाव दड़ीआ। एता लःअय ची हुनी आला परखाव पबितर आतमा तरअः गी हुयाआ। 15जेकर रे पबितर आतमा एदनाआ हुनी जामा बात के परखायाय, हुनी के ओके होः इरकु परखाव दड़ीआ। 16#जसा 40:13एता लःअय ची परमेसर आला बचन रे लिखा लअः एदनाआ,
“परभु आला सोंच के ओके पाड़ीआय?
ओके हुनी के सिखाव दाड़ी कियाय?”
बकिर आबु रे दो ख्रीस्त आला मन एदनाआ।
Attualmente Selezionati:
1 कुरिन्थी 2: ASR
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2023 NLCI CC BY-NC-ND 4.0