Psalms 75
75
1အို ဘုရားရှင်၊ ကျွန်ုပ်တို့သည် ကိုယ်တော်၏ကျေးဇူးတော်ကို ချီးမွမ်းကြပါသည်။ ကိုယ်တော်၏နာမတော်သည် နီးသည်ဖြစ်၍ ကိုယ်တော်၏ကျေးဇူးတော်ကို ချီးမွမ်းကြပါသည်။ လူတို့သည် ကိုယ်တော်၏အံ့ဖွယ်သောအမှုတို့ကို ပြောကြားကြပါသည်။ 2"ငါရွေးချယ်သတ်မှတ်ထားသော အချိန်၌ ငါသည် သမာသမတ်ရှိစွာ တရားစီရင်မည်။ 3မြေကြီးနှင့် မြေကြီးပေါ်၌ နေထိုင်သောသူအပေါင်းတို့သည် စိုးရိမ်တုန်လှုပ်ကြသောအခါ ငါသည် မြေကြီး၏တိုင်တို့ကို တည်ငြိမ်စေသည်။ 4ဝါကြွားသောသူတို့အား 'မဝါကြွားကြနှင့်' ဟူ၍ လည်းကောင်း၊ ဆိုးယုတ်သောသူတို့အား 'ဦးချိုမထောင်ကြနှင့်။ 5မိုးထိတိုင်အောင် သင်တို့ဦးချိုမထောင်ကြနှင့်။ မောက်မာစွာမပြောဆိုကြနှင့်' ဟူ၍လည်းကောင်း ငါမိန့်ဆိုနေသည်။ 6အကြောင်းမူကား ချီးမြှောက်ခြင်းသည် အရှေ့အရပ်၊ အနောက်အရပ်၊ သို့မဟုတ် တောကန္တာရအရပ်မှ လာသည်မဟုတ်။ 7တရားစီရင်သောအရှင်ကား ဘုရားရှင်ပင်ဖြစ်သည်။ ထိုအရှင်သည် တစ်ဦးကိုနှိမ့်ချ၍ တစ်ဦးကို ချီးမြှောက်တော်မူသည်။ 8အကြောင်းမူကား အရှင်၏လက်တော်၌ ခွက်ဖလားရှိ၍ ၎င်းထဲတွင် သမအောင်ရောစပ်ထားသည့် အမြှပ်ထနေသော စပျစ်ဝိုင်ရှိသည်။ ကိုယ်တော်သည် ထိုစပျစ်ဝိုင်ကို သွန်ချတော်မူ၍ ကမ္ဘာမြေကြီးပေါ်ရှိ ဆိုးယုတ်သောသူအပေါင်းတို့သည် ၎င်း၏အနည်ကိုပင် အကုန်အစင်သောက်ကြရလိမ့်မည်။ 9သို့ရာတွင် ငါမူကား ကိုယ်တော်အကြောင်းကို အစဥ်အမြဲပြောကြား၍ ယာကုပ်၏ဘုရားရှင်အား သီဆိုချီးမွမ်းမည်။ 10"ဆိုးယုတ်သောသူတို့၏ဦးချိုရှိသမျှတို့ကို ငါပိုင်းဖြတ်မည်။ ဖြောင့်မတ်သောသူတို့၏ဦးချိုသည် ချီးမြှောက်ခြင်းခံရလိမ့်မည်။" ဟု ဆိုလေသည်။
Attualmente Selezionati:
Psalms 75: TPV-RV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.