Psalms 64
64
1အို ဘုရားရှင်၊ အကျွန်ုပ်၏ အော်ဟစ်တောင်းလျှောက်သံကို နားထောင်တော်မူပါ။ အကျွန်ုပ်၏အသက်ကိုရန်ပြုသူ၏ ကြောက်မက်ဖွယ်ဘေးမှ ကာကွယ်တော်မူပါ။ 2ယုတ်မာကောက်ကျစ်သောအမှုကို ပြုသောသူတို့၏ လျှို့ဝှက်ကြံစည်မှုမှလည်းကောင်း၊ အပြစ်ဒုစရိုက်ပြုသောသူတို့ စုဝေးရာမှလည်းကောင်း အကျွန်ုပ်ကို ဖုံးကွယ်ထားတော်မူပါ။ 3သူတို့သည် မိမိတို့၏လျှာကို ဓားကဲ့သို့ထက်စေပြီး မိမိတို့၏ခါးသီးသောစကားကို မြားကဲ့သို့ချိန်ရွယ်လျက် 4အပြစ်တင်စရာမရှိသောသူကို ကွယ်ရာမှပစ်ခတ်တတ်ကြ၏။ သူတို့သည် ကြောက်ရွံ့ခြင်းမရှိဘဲ ထိုသူကို ရုတ်တရက်ပစ်ခတ်တတ်ကြ၏။ 5သူတို့သည် မကောင်းသောအမှုအရာအတွက် သူတို့ကိုယ်သူတို့ အားပေးကြ၏။ ထောင်ချောက်များကို လျှို့ဝှက်စွာထောင်ရန် တိုင်ပင်ကြလျက် "ထိုအရာတို့အား မည်သူမြင်မည်နည်း" ဟု ဆိုကြ၏။ 6သူတို့သည် မတရားမှုများကိုကြံစည်လျက် "ငါတို့သည် ပြည့်စုံသောအကြံအစည်ကို ကြံစည်ကြပြီ" ဟု ဆိုကြ၏။ အမှန်စင်စစ် လူ၏အတွင်းနှလုံးသားသည် နက်လှ၏။ 7သို့သော် ဘုရားရှင်သည် သူတို့ကိုမြားနှင့်ပစ်တော်မူ၏။ သူတို့သည် ရုတ်တရက်ဒဏ်ရာရကြလိမ့်မည်။ 8ကိုယ်တော်သည် သူတို့၏လျှာကြောင့် သူတို့ကိုလဲကျစေတော်မူလိမ့်မည်။ သူတို့ကိုမြင်သောသူအပေါင်းတို့သည် ထွက်ပြေးကြလိမ့်မည်။ 9ထိုအခါ လူအပေါင်းတို့သည် ကြောက်ရွံ့၍ ဘုရားရှင်၏လုပ်ဆောင်တော်မူချက်ကို ပြောကြားကာ ကိုယ်တော်ပြုတော်မူသောအမှုကို ဂရုပြုကြလိမ့်မည်။ 10ဖြောင့်မတ်သောသူသည် ဘုရားရှင်ထံ၌ ဝမ်းမြောက်၍ ကိုယ်တော်ကိုခိုလှုံလိမ့်မည်။ စိတ်နှလုံးဖြောင့်မှန်သူအပေါင်းတို့သည်လည်း ကိုယ်တော်ကို ချီးမွမ်းကြလိမ့်မည်။
Attualmente Selezionati:
Psalms 64: TPV-RV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.