Psalms 57
57
1အို ဘုရားရှင်၊ အကျွန်ပ်ကိုသနားတော်မူပါ။ ကိုယ်တော် အကျွန်ကိုသနားတော်မူပါ။ အကြောင်းမူကား အကျွန်ုပ်သည် ကိုယ်တော်ထံတွင် ခိုလှုံပါ၏။ ပျက်စီးခြင်းဘေးများ ကျော်လွန်သွားသည်အထိ ကိုယ်တော်၏ အတောင်တော်အရိပ်အောက်၌ အကျွန်ုပ်ခိုလှုံပါမည်။ 2အကျွန်ုပ်၏အမှုအား ပြီးပြည့်စုံစေတော်မူသည့် ဘုရားရှင်တည်းဟူသော အမြင့်မြတ်ဆုံးသောဘုရားရှင်ကို အကျွန်ုပ်ခေါ်၏။ 3ကိုယ်တော်သည် ရွှေမြို့တော်မှထူးတော်မူ၍ အကျွန်ုပ်ကို ကယ်တင်တော်မူလိမ့်မည်။ အကျွန်ုပ်အား ညှဉ်းဆဲနှိပ်စက်သူတို့အား နှိမ်နင်းတော်မူလိမ့်မည်။ ဘုရားရှင်သည် မိမိ၏ခိုင်မြဲသောမေတ္တာတော်နှင့် သစ္စာတော်ကို အကျွန်ုပ်အား ပြသတော်မူလိမ့်မည်။ 4ရန်သူများသည် လူသားကိုစားသည့် ခြင်္သေ့များသဖွယ် အကျွန်ုပ်အား ဝန်းရံထားကြ၏။ သူတို့၏သွားများသည် လှံများ၊ မြားများနှင့်တူ၏။ သူတို့၏လျှာများသည် သန်လျက်ကဲ့သို့ ထက်ကြ၏။ 5အို ဘုရားရှင်၊ ကိုယ်တော်၏ ကြီးမြတ်တော်မူပုံကို မိုးကောင်းကင်တွင်လည်းကောင်း၊ ကိုယ်တော်၏ ဘုန်းအသရေတော်ကို ကမ္ဘာတစ်ဝှမ်းလုံးတွင်လည်းကောင်း ပေါ်လွင်ထင်ရှားစေတော်မူပါ။ 6သူတို့သည် အကျွန်ုပ်ခြေလှမ်းမည့်နေရာတွင် ပိုက်ကွန်ကိုဖြန့်ထားကြပါ၏။ အကျွန်ုပ်၏စိတ်နှလုံးသည် နိမ့်ကျနေရပါ၏။ သူတို့သည် အကျွန်ုပ်သွားမည့်လမ်း၌ ထောင်ချောက်တွင်းကိုတူးထားကြပြီး သူတို့ကိုယ်တိုင် ထိုတွင်းထဲသို့ကျကြရပါ၏။ 7အို ဘုရားရှင်၊ အကျွန်ုပ်စိတ်နှလုံးသည် တည်ကြည်ပါ၏။ အကျွန်ုပ်စိတ်နှလုံးသည် တည်ကြည်ပါ၏။ အကျွန်ုပ်သည် ကိုယ်တော်အား သီဆိုချီးမွမ်းပါမည်။ 8အို အကျွန်ုပ်၏စိတ်ဝိညာဉ်၊ နိုးထလော့။ စောင်းပြားနှင့်စောင်းကောက်တို့ နိုးထကြလော့။ အကျွန်ုပ်သည် အရုဏ်ဦးကိုနိုးထစေမည်။ 9အို ဘုရားရှင်၊ အကျွန်ုပ်သည် လူမျိုးတကာတို့၏အလယ်တွင် ကိုယ်တော်ကိုချီးမွမ်းပါမည်။ လူတို့၏အလယ်တွင် ကိုယ်တော်အား သီဆိုချီးမွမ်းပါမည်။ 10အကြောင်းမူကား ကိုယ်တော်၏မေတ္တာကရုဏာတော်သည် ကောင်းကင်ထိအောင်ကြီးမား၍ ကိုယ်တော်၏သစ္စာတော်သည် မိုးတိမ်ထိတိုင်အောင်ရောက်ပါ၏ 11အို ဘုရားရှင်၊ ကိုယ်တော်၏ ကြီးမြတ်တော်မူပုံကို မိုးကောင်းကင်တွင်လည်းကောင်း၊ ကိုယ်တော်၏ ဘုန်းအသရေတော်ကို ကမ္ဘာတစ်ဝှမ်းလုံးတွင်လည်းကောင်း ပေါ်လွင်ထင်ရှားစေတော်မူပါ။
Attualmente Selezionati:
Psalms 57: TPV-RV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.