Psalms 26
26
1အို ဘုရား၊ အကျွန်ုပ်သည် မှန်ရာကိုပြုကျင့်၍ ကိုယ်တော်အား အကြွင်းမဲ့ယုံကြည်ကိုစားသူဖြစ်ပါ၏။ ထို့ကြောင့် အကျွန်ုပ်တွင် အပြစ်မရှိကြောင်း ထုတ်ဖော်ကြေညာတော်မူပါ 2အို ဘုရားရှင်၊ အကျွန်ုပ်အား စမ်းသပ်စစ်ဆေးတော်မူပါ။ အကျွန်ုပ်၏ အလိုဆန္ဒများနှင့် စိတ်နှလုံးတွင်းမှ အကြံအစည်များကိုလည်း စစ်ဆေးတော်မူပါ။ 3အကြောင်းမူကား ကိုယ်တော်၏မေတ္တာဏာတော်သည် အကျွန်ုပ်၏မျက်မှောက်တွင်ရှိပါ၏။ အကျွန်ုပ်သည် ကိုယ်တော်၏သမ္မာတရား၌ လျှောက်လှမ်းပါ၏။ 4အကျွန်ုပ်သည် မဟုတ်မမှန်သောသူများနှင့် အတူထိုင်ခြင်းမရှိပါ။ သူတော်ကောင်းယောင်ဆောင်သူများနှင့်လည်း အတူသွားလာမည်မဟုတ်ပါ။ 5ဆိုးညစ်သောအမှုကို ပြုသောသူတို့၏ အပေါင်းအသင်းများကို မုန်းတီးပါ၏။ သူယုတ်မာများနှင့်လည်း အတူထိုင်မည်မဟုတ်ပါ။ 6အို ဘုရားရှင်၊ အကျွန်ုပ်သည်အပြစ်ကင်းခြင်းထဲ၌ အကျွန်ုပ်၏လက်ကိုဆေးကြော၍ ကိုယ်တော်၏ပလ္လင်တော်ကိုလှည့်ပတ်ကာ 7ကိုယ်တော်၏ကျေးဇူးတော်ကို ချီးမွမ်းသီဆို၍ ကိုယ်တော်ပြုတော်မူသော အံ့ဖွယ်အမှုအရာများအပေါင်းတို့ကို ပြောကြားပါ၏။ 8အို ဘုရားရှင်၊ ကိုယ်တော်ကိန်းဝပ်ရာအိမ်တော်နှင့် ကိုယ်တော်၏ ဘုန်းအသရေတော်တည်ရှိရာအရပ်တို့ကို အကျွန်ုပ်သည် ချစ်မြတ်နိုးပါ၏။ 9အကျွန်ုပ်၏စိတ်ဝိညာဉ်ကို အပြစ်သားတို့နှင့်အတူလည်းကောင်း၊ ကျွန်ုပ်၏အသက်ကို လူ့အသတ်ကိုသတ်သောသူတို့နှင့်အတူလည်းကောင်း ရုတ်သိမ်းတော်မမူပါနှင့်။ 10ထိုသူတို့၏ လက်ထဲ၌ ကောက်ကျစ်သောအကြံရှိ၍ သူတို့၏လက်ယာလက်သည် တံစိုးလက်ဆောင်ယူရန် အစဉ်အမြဲ အသင့်ရှိကြသူများဖြစ်ပါ၏။ 11အကျွန်ုပ်မူကား မှန်ရာကိုပြုကျင့်ပါ၏။ အကျွန်ုပ်အား သနားကရုဏာထား၍ ကယ်တင်တော်မူပါ။ 12အကျွန်ုပ်၏ခြေထောက်သည် ညီညာသောအရပ်၌ ရပ်နေပါ၏။ အကျွန်ုပ်သည် လူထုပရိသတ်ကြီးအလယ်၌ ဘုရားရှင်အား ချီးမွမ်းပါမည်။
Attualmente Selezionati:
Psalms 26: TPV-RV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.