Psalms 121
121
1အကျွန်ုပ်သည် တောင်များဆီသို့ မျှော်ကြည့်၏။ ငါ့ကိုကူညီမစခြင်းအကြောင်းသည် မည်သည့်အရပ်မှလာသနည်း။ 2ငါ့ကိုကူညီမစခြင်းအကြောင်းသည် ကောင်းကင်နှင့်မြေကြီးကို ဖန်ဆင်းတော်မူသော ဘုရားရှင်ထံတော်မှဖြစ်၏။ 3ကိုယ်တော်သည် သင်၏ခြေကို ချော်စေတော်မမူပေ။ သင့်ကိုစောင့်ရှောက်တော်မူသောအရှင်သည် ငိုက်မြည်းခြင်းရှိတော်မမူ။ 4အမှန်တကယ်ပင် အစ္စရေးအမျိုးကို စောင့်ရှောက်တော်မူရှင်သည် ငိုက်မျဉ်းအိပ်ပျော်ခြင်းရှိတော်မမူ။ 5ဘုရားရှင်သည် သင့်ကိုစောင့်ရှောက်တော်မူ၏။ ဘုရားရှင်သည် သင်၏လက်ယာ ဘက်၌ရှိသောအရိပ်ဖြစ်တော်မူ၏။ 6နေ့အချိန်၌ နေသည်လည်းကောင်း၊ ညအချိန်၌ လသည်လည်းကောင်း သင်ကိုထိခိုက်မည်မဟုတ်။ 7ဘုရားရှင်သည် ဘေးအန္တရာယ်အပေါင်းတို့မှ သင့်ကိုစောင့်ရှောက်တော်မူလိမ့်မည်။ သင်၏အသက်ကို စောင့်ရှောက်တော်မူလိမ့်မည်။ 8ဘုရားရှင်သည် သင်၏သွားခြင်း လာခြင်းတို့ကို ယခုမှစ၍ ကာလအစဉ်အဆက်စောင့်ရှောက်တော်မူလိမ့်မည်။
Attualmente Selezionati:
Psalms 121: TPV-RV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.