Psalms 115
115
1အကျွန်ုပ်တို့၌မဟုတ်ဘဲ၊ အို... ဘုရားရှင်၊ အကျွန်ုပ်တို့၌မဟုတ်ဘဲ ကိုယ်တော်၏နာမတော်၌သာ ကိုယ်တော်၏ မေတ္တာဂရုဏာတော်နှင့် ကိုယ်တော်၏ သမ္မာတရားကြောင့် ဘုန်းအသရေရှိပါစေသော။ 2လူမျိုးခြားတို့က "သူတို့၏ ဘုရားရှင်သည် အဘယ်မှာရှိသနည်း" ဟုအဘယ်ကြောင့် ဆိုကြသနည်း။ 3ငါတို့၏ဘုရားရှင်သည် ရွှေမြို့တော်၌ရှိတော်မူ၏။ ကိုယ်တော်သည် အလိုတော်ရှိသမျှအတိုင်း ပြုတော်မူ၏။ 4သူတို့၏ရုပ်တုများမူကား ရွှေ၊ ငွေဖြစ်ကြပြီး လူ့လက်ဖြင့်ပြုလုပ်သောအရာများဖြစ်ကြ၏။ 5ယင်းတို့သည် နှုတ်ရှိသော်လည်း စကားမပြောနိုင်ကြ။ မျက်စိရှိသော်လည်း မမြင်နိုင်ကြ 6နားရှိသော်လည်း မကြားနိုင်ကြ။ နှာခေါင်းရှိသော်လည်း အနံ့ခံ၍မရနိုင်ကြ။ 7လက်တို့ရှိသော်လည်း မထိနိုင်မကိုင်နိုင်ကြ။ ခြေထောက်တို့ရှိသော်လည်း လမ်းမလျှောက်နိုင်ကြ။ ၎င်းတို့လက်ချောင်းဖြင့်လည်း အသံမပြုနိုင်ကြ။ 8ထိုရုပ်တုများကို ပြုလုပ်သောသူနှင့် ယုံကြည်ကိုးစးသောသူအပေါင်းတို့သည် ထိုရုပ်တုများကဲ့သိုဖြစ်လာကြလိမ့်မည်။ 9အို... အစ္စရေးလူမျိုးအပေါင်းတို့၊ ဘုရားရှင်ကို ယုံကြည်ကိုးစားကြလော့။ ကိုယ်တော်သည် ထိုလူမျိုးတို့ကို ကူညီမစသောအရှင်၊ သူတို့၏ဒိုင်းလွှားဖြစ်တော်မူ၏။ 10အို... အာရုန်၏အမျိုးအနွယ်တို့၊ ဘုရားရှင်ကို ယုံကြည်ကိုးစားကြလော့။ ကိုယ်တော်သည် ထိုအမျိုးအနွယ်တို့ကို ကူညီမစတော်မူသောအရှင်၊ သူတို့၏ ဒိုင်းလွှားဖြစ်တော်မူ၏။ 11ဘုရားရှင်ကို ကြောက်ရွံ့သောသူတို့၊ ဘုရားရှင်ကို ယုံကြည်ကိုးစားကြလော့။ ကိုယ်တော်သည် ထိုသို့သောသူတို့ကို ကူညီမစသောအရှင်၊ သူတို့၏ဒိုင်းလွှားဖြစ်တော်မူ၏။ 12ထာဝရဘုရားသည် ငါတို့ကိုအောက်၍ ကောင်းချီးပေးတော်မူမည်။ အစ္စရေးအမျိုးအနွယ်ကို ကောင်းချီးပေးတော်မူမည်။ အာရုန်၏အမျိုးအနွယ်ကို ကောင်းချီးပေးတော်မူမည်။ 13ဘုရားရှင်ကို ကြောက်ရွံသောသူ အကြီးအငယ်တို့ ကောင်းချီးပေးတော်မူမည်။ 14ဘုရားရှင်သည် သင်တို့ကိုလည်းကောင်း၊ သင်တို့မှစ၍ သင်တို့၏သားသမီးတို့ကိုလည်းကောင်း တိုးပွါးစေတော်မူပါစေသော။ 15သင်တို့သည် ကောင်းကင်နှင့်မြေကြီးကို ဖန်ဆင်းတော်မူသော ဘုရားရှင်ထံတော်မှ ကောင်းချီးမင်္ဂလာခံစားရပါစေသော။ 16ကောင်းကင်သည် ဘုရားရှင်၏ကောင်းကင်ဖြစ်တော်မူ၏။ ကမ္ဘာမြေကြီးကိုကား လူသားတို့အားပေးတော်မူ၏။ 17သေလွန်သောသူ၊ ဆိတ်ငြိမ်ရာအရပ်ထဲသို့ ဆင်းသွားသောသူ တစ်စုံတစ်ဦးမျှ ထာဝရဘုရားကို မချီးမွမ်းကြပေ။ 18ငါတို့မူကား ဘုရားရှင်ကို ယခုမှစ၍ ကာလအစဉ်အဆက် ကောင်းချီးထောမနာပြုကြမည်။ ဘုရားရှင်ကို ချီးမွမ်းထောမနာပြုကြလော့။
Attualmente Selezionati:
Psalms 115: TPV-RV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.