Psalms 112
112
1ဘုရားရှင်ကို ချီးမွမ်းထောမနာပြုကြလော့။ ဘုရားရှင်ကိုကြောက်ရွံရိုသေ၍ ကိုယ်တော်၏ပညတ်တော်တို့ကို အလွန်နှစ်သက်သောသူသည် မင်္ဂလာရှိ၏။ 2သူ၏သားစဉ်မြေးဆက်တို့သည် ကမ္ဘာမြေပေါ်တွင် ခွန်အားကြီးသောသူများဖြစ်ကြလိမ့်မည်။ ဖြောင့်မှန်သောသူတို့၏ မျိုးဆက်သည် ကောင်းချီးမင်္ဂလာကိုခံစားရလိမ့်မည်။ 3သူ၏အိမ်ထောင်စုသားတို့သည် ချမ်းသာကြွယ်ဝလိမ့်မည်။ သူ၏ဖြောင့်မတ်ခြ်ငးသည်လည်း ထာဝရတည်တံလိမ့်မည်။ 4ဖြောင့်မှန်သောသူအတွက် အမှောင်ထဲတွင် အလင်းပေါ်ထွန်းတတ်၏။ သူသည် သနားကြင်နာတတ်၍ ဂရုဏာတော်နှင့်ပြည့်ဝတော်မူ၏။ 5သနားတတ်သောသူ၊ ချေးငှားပေးတတ်သောသူနှင့် မိမိ၏အမှုကိစ္စတို့ကို တရားမျှတစွာ စီမံခန့်ခွဲတတ်သောသူသည် ကောင်းကျိုးချမ်းသာကိုခံစားရ၏။ 6အကယ်စင်စစ် ထိုသို့သောသူသည် မည်သည့်အခါမျှတုန်လှုပ်ရလိမ့်မည်မဟုတ်။ ဖြောင့်မတ်သောသူသည် အစဉ်အမြဲအောက်မေ့စရာဖြစ်လိမ့်မည်။ 7သူသည် သတင်းဆိုးကို ကြောက်ရလိမ့်မည်မဟုတ်။ သူ၏စိတ်နှလုံးသည် တည်ကြည်လျက် ဘုရားရှင်ကိုယုံကြည်ကိုးစား၏။ 8သူ၏စိတ်နှလုံးသည် တည်ငြိမ်သည်ဖြစ်၍ သူသည် မိမိ၏ရန်သူတို့ကို အပေါ်စီးမှကြည်မြင်ရသည်အထိ ကြောက်ရွံခြင်းရှိလိမ့်မည်မဟုတ်။ 9သူသည် စွန့်ကြဲ၍ နွမ်းပါးသောသူတို့အားပေးကမ်း၏။ သူ၏ဖြောင့်မတ်ခြင်းသည် ထာဝရတည်၏။ သူ၏တန်ခိုးအာဏာတို့သည် ဘုန်းအသရေရှိစွာ ချီးမြောက်ခြင်းကိုခံရလိမ့်မည်။ 10ဆိုးယုတ်သောသူသည် ထိအမှုအရာကိုမြင်သောအခါ အမျက်ထွက်၍ အံကြိတ်ကာ ချုံးချုံးကျသွားလိမ့်မည်။ ဆိုးယုတ်သောသူတို့၏ အလိုဆန္ဒသည် ပျက်စီးသွားလိမ့်မည်။
Attualmente Selezionati:
Psalms 112: TPV-RV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.