Psalms 11
11
1ငါသည် ဘုရားရှင်ထံတွင် ခိုလှုံ၏။ သင်တို့သည် ငါ၏စိတ်နလုံးအား "ငှက်ကဲ့သို့ သင်၏တောင်ပေါ်သို့ ထွက်ပြေးလော့" ဟု မည်သို့ဆိုနိုင်မည်း။ 2ကြည့်ရှုလော့။ သူယုတ်မာတို့သည် စိတ်နှလုံးဖြောင့်မတ်သူတို့အား ချောင်းမြောင်းပစ်ခတ်ရန်အတွက် လေးကိုတင်၍ မြားကို ချိန်ရွယ်လျက်နေပြီဖြစ်၏။ 3တိုင်းပြည်သည် ငြိမ်ဝပ်ပိပြားမှုမရှိသည့်အခါ ဖြောင့်မတ်သူတို့သည် မည်သို့ပြုနိုင်ကြမည်နည်း။ 4ဘုရားရှင်သည် သန့်ရှင်းမြင့်မြတ်သည့် ဗိမာန်တော်တွင် ကိန်းဝပ်တော်မူ၏။ ကိုယ်တော်၏ ပလ္လင်တော်သည် ရွှေမြို့တော်တွင် ရှိတော်မူ၏။ ကိုယ်တော်သည် လူအပေါင်းတို့အား စစ်ဆေူးကြည့်ရှုတော်မူ၍ သူတို့ပြုသည့် အမှုအရာများအား သိမြင်တော်မူ၏။ 5ဘုရားရှင်သည် ဖြောင့်မတ်သောသူအား စစ်ဆေးကြည့်ရှုတော်မူ၏။ သို့သော် ကိုယ်တော်၏ စိတ်နှလုံးသည် သူယုတ်မာနှင့် ရက်စက်ကြမ်းကြုတ်မှုကို နှစ်သက်သောသူအား မုန်းတီးတော်မူ၏။ 6ကိုယ်တော်သည် မီးခဲတို့အား သူယုတ်မာများအပေါ်သို့ ရွာကျစေတော်မူလိမ့်မည်။ မီး၊ ကန့်နှင့် ပူလောင်သောလေအား တိုက်ခတ်စေ၍ သူတို့အား ပြစ်ဒဏ်ခတ်တော်မူ၏။ 7အကြောင်းမူကား ဘုရားရှင်သည် ဖြောင့်မတ်တော်မူ၍ ဖြောင့်မတ်ခြင်းကို နှစ်သက်တော်မူ၏။ ဖြောင့်မတ်သောသူသည် ဘုရားရှင်၏ မျက်နှာတော်အား ဖူးမြင်ရလိမ့်မည်။
Attualmente Selezionati:
Psalms 11: TPV-RV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.