Psalms 101
101
1အို... အကျွန်ုပ်၏ဘုရားရှင် အကျွန်ုပ်သည် သစ္စာစောင့်သိခြင်းနှင့် တရားမျှတခြင်းအကြောင်းကို သီဆိုပါမည်။ ကိုယ်တော်၏ ရှေ့တော်၌ သီဆိုချီးမွမ်းပါမည်။ 2ကျွန်တော်မျိုးသည် အပြစ်ဆိုဖွယ်မရှိအောင် ကျင့်ကြံပါမည်။ ကိုယ်တော်သည် အကျွန်ုပ်ထံသို့ ဘယ်အခါမှ ကျွန်တော်မျိုးထံကြွလာတော်မူပါမည်နည်း။ အကျွန်ုပ်သည် မိမိအိမ်ထဲ၌ ဖြူစင်သောစိတ်နှလုံးဖြင့် အသက်ရှင်လျှောက်လှမ်းပါမည်။ 3မကောင်းသောအမှုကို အဘယ်အခါ၌ သီးခံမည်မဟုတ်။ ဘုရားရှင်အား ကျောခိုင်းသူတို့၏အပြုအမူတို့ကို မုန်း၍ ထိုအပြုအမှုတို့နှင့် မည်သို့မျှ ပတ်သက်မည်မဟုတ်။ 4ငါသည် လိမ်လည်ကောက်ကျစ်မည်မဟုတ်။ မကောင်းမှုပြုသူတို့နှင့် ပေါင်းသင်းမည်မဟုတ်။ 5သူတစ်ပါးမကောင်းကြောင်းကို တီးတိုးပြောဆိုတတ်သူများကို အကျွန်ုပ်ဖယ်ရှားပစ်ပါမည်။ မာန်မာနထောင်းလွား၍ ဘဝင်မြင့်သောသူတို့ကို သီးခံမည်မဟုတ်။ 6အကျွန်ုပ်သည် ဘုရားရှင်အား သစ္စာစောင့်သိသူတို့ကို နှစ်သက်ပါမည်။ သူတို့အား အကျွန်ုပ်၏ နန်းတော်တွင်နေခွင့်ပြုပါမည်။ လိမ်လည်ကောက်ကျစ်မှုကင်းရှင်းသူတို့အား ငါ၏အမှုတို့ကိုထမ်းဆောင်စေပါမည်။ 7လိမ်လည်ပြောဆိုတတ်သူတို့သည် ငါ၏နန်းတော်တွင် နေရမည်မဟုတ်။ သူတော်ကောင်းယောင်ဆောင်တတ်သူသည် ငါ၏ရှေ့မှောက်တွင် နေရမည်မဟုတ်ပါ။ 8မကောင်းမှုဒုစရိုက်ပြုသူအပေါင်းတို့ကို အကျွန်ုပ်သည် ဘုရားရှင်၏မြို့တော်မှ နေ့စဉ် ဖယ်ရှားသုတ်သင်ပစ်ပါမည်။ ဆိုးယုတ်သောသူအပေါင်းတို့အား ဘုရားရှင်၏မြို့တော်မှ နှင်ထုတ်ပါမည်။
Attualmente Selezionati:
Psalms 101: TPV-RV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.