Zacarías 5
5
Balbil hun te wihl bahel
1Yan buelta la jquil mohel, la jquil balbil hun te yac ta wihlele. 2La sjoc'obon te ch'ul a'bat: ¿Bin yac awil? xchi.
La jac'be: Ya quil balbil hun te yac ta wihlel, te ha jtahb xuhc'ubil#5.2 10 metros snahtil soc lajuneb xuhc'ubil#5.2 5 metros sjamalil, xchihon.
3Hich la yalbon: Ha te schopol c'oblalil te ya xloc' bahel ta sba spisil te q'uinal; como spisil mach'atic ya x'elc'ajic ya me yich'ic jinel, hich te bin ut'il ya yal ta jehch te balbil hun, soc spisil mach'atic ay bin ya yalic ta jamal ta lot ya me yich'ic jinel, hich te bin ut'il ya yal ta yan jehch te balbil hune.
4Ha la jticon bahel,
xchi te Jehová te scuentahinej spisil,
ha ya x'och ta sna te j'elec'
soc ta sna te mach'a ay bin ya yal ta jamal ta lot
ta scuenta jbihil;
tey ya x'ayin ta sna
soc pajal ya slajin soc te sts'amte'el
soc te tonetic yu'une, xchi.
Te ants ay ta moch
5Loc' tal te ch'ul a'bat te yac sc'opombelon, hich la yalbon: Hacha asit, ilawil te bin yac ta loq'uel tal, xchi.
6La joc'obe: ¿Bin a ini? xchihon.
Ha jun efa#5.6 Jun moch te ya x'och 22 litros a. te ya xloc' talel, xchi. Soc la yal xan: Ha ini te schopolil spisil mach'atic ayic ta q'uinal, xchi.
7La sjambeyic te smahquil sti'il pasbil ta plomo, tey hucul a jtuhl ants ta yutil te efa. 8Hich la yal te ch'ul a'bat: Ha ini te bin chopole, xchi. La sten xan cohel ta efa soc la smacbe sti'il te pasbil ta plomo.
9La jquil mohel, la jquil cheb antsetic, lichbil tal ta ic' ta xiq'uic te hich yilelic te bin ut'il xic' sigüeña-mut, la sliquic mohel te efa ta ohlil yu'un ch'ulchan bahlumilal.
10Hich la joc'obe te ch'ul a'bat te yac sc'opombelon: ¿Banti ya yich'ic bahel te efa? xchihon.
11La sjac'bon: Ya xbaht spasbeyic sna ta sq'uinal Sinar. C'alal chapalix a, ya yaq'uic hilel te efa ta scajtajib, xchi.
Attualmente Selezionati:
Zacarías 5: TZH
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Biblia Tzeltal Bachajon © Sociedad Bíblica de México, A.C., 2006.