Wĭkheegŭn 3
3
1Naga ooskedape āĭtsŭbŭnŏk’ Pălooseŭk oohŭkāwow’ ĭkŏŏk lewesoosŭbŭnŏk Nĭkoodĕm, tanŏk ĕtlĭtploodŭm‐ooenooĭtsŭbŭnŏk Lesweesoo ĭkŏŏk.
2Nāgŭm ootĕtle‐pŭkŭche‐anĕsŭp’ŭnĭl Sāsoosŭl nebayoo, ootehasŭp’ŭnĭl: N’sakŭmam, kŭjejehoolpŭn kŭnoodŭkĕhkekāmĭn wĕjehayĭn Nŭkskamoo ĭkŏŏk; eebŭchŭl skat wĕn ookeselātoonŭl yootŭl kŭnooŏskoodeegŭnŭl tanĭl kel kesetoonĭl, skat Nŭkskam wejehāma’kw.
3Sāsoos asedāmat ha ootĭhal: Ulāu, ŭlāu, yŏŏhool’, skat wĕn mĭnooĭnŭmee‐kooseekw, skatŭch oonŭmetooŭn Nŭkskam ookĭnchāmŭswagĭm.
4Nĭkoodĕm ootĭhal: Tanŭch wĕn tŭlekese‐nŭmekoosĭn kes kĕcheuskĭjenooĭt? kese pejĕsoo’p nesāwā’ wegooŭsŭl ha apch numekoosoo?
5Sāsoos asedāmat: Ulāu, ŭlāu, yŏŏhool, skat wĕn oochenŭmekoosekw samagwŏn ĭkŏŏk, ha neaga Wĕje‐oole‐newĕskwĭtooĭkŏŏk, skat nāgŭm kesĭksehāoo Nŭkskam ookĭnchāmŭswakemŭk.
6Tan kākw wĕjĭtkesĭtpehak ’mhŭkĕk, ’mhŭk net: ha tan kākw wĕjekesĭtpehak ’mchŭcha’kwooĭkook, ’mchŭcha’kw net.
7Moo sak asŭgetŭhasekŭch k’tehoolŭn choodĕhloo tĕpkaootoo k’tŭlnabeoolte’nea apch.
8Woochowsŭn wĕtsŭk tan ĕleoole‐dŭhadŭmooĭk, ha ke k’noo’tŭmŭn mĕtālămsŭk, kānookŭloo skat k’chĭjetoo’ŭn tan wĕjea’k kŭsŭna tan āleha’k. Net tĕlāĭt ’mseu wĕn tan wĕje‐ulnăb’eĭt Wĕje‐oole‐newĕskwĭt‐ooĭkŏŏk.
9Nĭkoodĕm asedāmat ootĭhal: Tanŭch yootŭl kĕkwsăl ŭlekeselāu?
10Sāsoos asedāmat ootĭhal: Kel ĕtŭ ĕtlenoodŭkĕhkekāmeŭn Islāl ĭkŏŏk, ha skat k’chĭjetoo’nŭl yootŭl kĕkwsāăl?
11Ulāu, ŭlāu, yŏŏhool’ nooskoo‐oodŭmŭnĕn’ tan kĕje’tooĕk, ha nŭspeuwŏŏlama’dŭmŭnĕn’ tan neme’tooĕk, kānookŭloo kelooow’ skat wĭhkwātoone’owweepŭn nŭspeuwŏŏlamāwa’gŭnŭn.
12Kese yŏŏhoolĕkwsŭbŭn tanĭl ooskĭtkŭmĭkwāwāăl skat oolămsŭtŭmooākoosŭbŭn, tanŭch k’tŭle‐oolămsŭtŭmŭn’ea yŏŏhoolāākw tanĭl spŭmkeek tŭlāyăl?
13Ha skat wĕn kese oona’gĕsu spŭmkeek nŭt tĕpŏŏkt nāgŭm tan wĕje‐pŭnāgwāsĭts spŭmkeek, ea’ pŭmowsooĭn Ookwŏŏsŭl tan eu spŭmkeek.
14Ha stŭkā’ Mooes tĕleunagĕlatpŭn hatoosĭsooŭl bakŭtakŭmeekw, net tŭkāch ootachooe‐leoonagĕhlan pŭmowsooĭn Ookwŏŏsŭl.
15Wĕlaman ’mseu wĕn tan wĕlămsŭtŭk oohŭkĕk ooteĭnch askŭmowsooagŭn.
16Eebŭchŭl Nŭkskam ĕdooche‐moosajĭtpŭn ooskĭtkŭmĭkw wĕjemelooĕtpŭn wĭhwebu Ookwŏŏsŭl, wĕlaman ’mseu wĕn tan wĕlămsŭtŭk oohŭkĕk, skatŭp ŭksekāhāwe, kānookŭloo ooteĭnp askŭmowsooagŭn.
17Eebŭchŭl Nŭkskam skat oocheŭlkemowe’bŭnĭl ookwŏŏsŭl ooskĭt’kŭmĭkw oonmăjĭt-ploodŭmŭlĭn ooskĭtkŭmĭkw, kānook oochĭl-kema’bŭnĭl wĕlaman ooskĭt’kŭmĭkw ooche-kekan oohŭkĕk.
18Tan wĕn wĕlămsŭtŭk oohŭkĕk skat oonmăjĭtploomaoo; kānookŭloo nāgŭm tan skat wĕlămsŭtŭmo’o’k tŭkāch oonmăjĭtplooma: eebŭchŭl skat wŏŏlămsŭtŭmooŭn Nŭkskamŭl wĭhwebu Ookwŏŏsŭl wesooŭn ĭkŏŏk.
19Ha yoot wejĭhak oonmăjĭtploodŭmooagŭn, eebŭchŭl pŭsakwhĕk egahak ooskĭtkŭmĭkw, kānookŭloo pŭmowsooenooŭk pāāmemoosaje’nea pĭskatĕk skat tĕtpu pŭshakwhĕk, eebuchŭl ookesetakŭnoowŏl skat kŭlooŭtoo’eŭl.
20Eebŭchŭl ’mseu tan wĕn pooske-wŏbŭlŭllookĕt oochŭseenŭmŭn pŭsakwhĕk, ha skat oopŭkŭcheowŭn pŭsakwhĕk, wĕlaman ootŭlookāwa’gŭnŭl skat oochemowŭnŭl.
21Kānookŭloo tan wĕn wĕlămālookĕt (ootŭlātoon oolămāwagŭn,) pŭkŭchehĕpŭsakwhĕk, wĕlaman ootŭlookāwa’gŭnŭl kŭjejeda’sooŭl oochekeseda’sooŭl Nŭkskam‐ooĭkŏŏk.
22Net kesĭtpehādool yootŭl kĕkwsāăl Sāsoos pŭkŭchehāāpŭn, ha neaga tanĭk wĕtŭkĕhkemoojĭk oohŭkĕk pĕdabasoo’bŭnĭk k’takŭmĭkŏŏk Lĕsweesooakĭk, ha net tĕt ĕtlemow-eooltetĭtpŭn, ha ĕtlepapteisooĕhlooatetĭtpŭn.
23Ha neaga Sabadĭs ĕtlepapteisooĕhlooāāpŭn Enŭnk kwĭheu’ Sālĕmk, eebŭchŭl k’tanagoot samagwŏn āĭkpŭn net. Ha pĕdabasoo’bŭnĭk ha papteisooĕhtasooltoo’bŭnĭk.
24Eebŭchŭl Sabadĭs māch mĕskw peesĕhloweepŭn laplesoonŭk.
25Naga toocheu’ pabĕhchetooagŭn eegĕhĕ Sabadĭsk wĕtŭkĕhkĭmkoosejĭk ha Lĕswees ooche wŏkŭmĕhlŭswagŭn.
26Ha pĕdabase’neăl Sabadĭsŭl ha ootehawŏl: Labei, (Tŭpĕltŭm,) nŭt ooskedap tan nesāowdeĕkpŭn Kamŭk Sooldŭnk, ha kel tan nĕspeuwŏŏlămāootŭpŭn, sagĭht, nāgŭm papteisooĕhlooĕ, ha ’mseu pŭmowsooenooŭk oopĕdabaseeneal.
27Sabadĭs asedāmat, eetŭm: Skadama wĕn oomŭsŭnŭmooŭn kākw, skat oocheme’lamook’ spŭmkek.
28Kelooow’ koojĭnspeuwŏŏlamhŭteeba nel yŏŏhoolākpŭn nel skat Newĕskwĭt, tan Mĭmkwānoo; kānookŭloo nekankĭmk’ nāgŭm oohŭkĕk.
29Nāgŭm tan ā’uŏt matamăleāwŏŏl, moosemăleā nŭt; kānookŭloo moosemăleā weda’beŭl tan sĕhkĕt ha oonoodoowŏl moosemăleāwŏŏl, kŭma’ch oole’dŭha’soo ooche moosemăleāool ĕltakwseelĭt. Netwāje yoot nooledŭhasooagŭn psŭntĕ.
30Nāgŭm chŏŏ pŭme’nŭgŭmkĭl, kānookŭloo nel chŏŏ n’pŭmeăpsŭgĭl.
31Nāgŭm tan wĕjehat spŭmŭk mowespāu. Tan tŭlā’ k’takŭmeegook, k’takŭmegwāwā’ net, ha ooskoo‐oo’dŭmŭn k’takŭmĭkw. Nāgŭm tan wĕjehat spŭmkek mowespāu.
32Ak tan nĕmetakwpŭn ha neaga tan noodŭkŭpŭn, wĕjĭnspeuwŏŏlamĕt, ha oonŭspeuwŏŏlamāwagŭn skadama wĕn wekwĕhtoo’ŭn.
33Nāgŭm tan wekwĕhtoon oonŭspeuwŏŏlamāwagŭn kesĭnspeuwŏŏlamalat Nŭkskamŭl oolămāwagŭnelĭn.
34Nāgŭm tanĭl Nŭkskam ĕlkematpŭnĭl eetŭmŭnŭl Nŭkskamŭl ookŭlooswa’gŭnŭl; eebŭchŭl Nŭkskam skat ootŭlemeloo‐owoonŭl Wĕje‐oole‐newĕskwilejĭl ŭtpeheegŭnŭk.
35Wĕgwŏŏsĭt Nŭkskam oomoosajenŭl Wĕmĭtakwselejĭl Nŭkskamŭl, ha ’mseu kākw oomelan oopetenŭk.
36Nāgŭm tan wĕlămsŭtŭk Wĕmĭtakwselejĭl oohŭkĕk, ooteĭn askŭmowsooagŭn. Kānookŭloo nāgŭm tan skat wĕlāmsŭtŭmook’ Wĕmĭtakwselejĭl, skatŭch oonŭmetoo’ŭn pŭmowsooagŭn; kānookŭloo Nŭkskam ookeiooagŭn ŭngĕsoo oohŭkĕk.
Attualmente Selezionati:
Wĭkheegŭn 3: PQM1870
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
First published by the British and Foreign Bible Society in 1870.