Dubbii Nagayaa Ka Maarqoosii 13
13
Yesuus Waan Diiggamuu mana woyyuu Dubbate
(Mat. 24:1-2; Luq. 21:5-6)
1Akkuma Yesuus mana woyyuu keessaa bayeen darasoota isaa keessaa tokko isaan, «Barsiisaa'a! dhagoota gugurdaa kanniinii fi ijaarsa gugurdaa kana mee laali!» jedheen. 2#Luq. 19:44 Yesuusillee deebisee, «Ati ijaarsa gugurdaa kana argitaa? kunniin martinuu hin diiggama; tokkochi isaaniillee wol irratti hin hafan» jedheen.
Yesuus Waan Bara Dhumaa Dubbate
(Mat. 24:3-14; Luq. 21:7-19)
3Yesuus uduu kolba mana woyyu'uutiin gaara ejersaa gubbaa taa'u Pheexroos, Yaaqoob, Yohaannisii fi Indiriyaas qofti gara isaa dhufanii, 4«Wonti kun yoom ta'a nutti himi? wonti kun martinuu hennaa ta'u malkanni isaa maali'i?» jedhanii hojja ufiititti isa gaafatan. 5Yesuus ammo akkana isaaniin jechuu jalqabe, «Eennullee akka isin hin dogoggorsine uf eeggadhaa'a! 6Namoonni hedduu, ‹Ani Kiristoos› jedha'aa maqaa kiyyaan dhufan; namoota hedduullee hin dogoggorsan. 7Hennaa lolaa fi oduu lolaa dhageettan hin sodaatinaa'a. Wonti akkasii kun hin ta'a; Haa ta'uu ammo barri dhumaa ammallee hin geenne. 8#Isa. 19:2; Sen. 2ffaa 15:6 Gofti gosatti, mootummaan mootumma'atti hin ka'a; bakka adda addaatitti sochiin lafaallee hin ta'a; beellillee hin dhufa. Haa ta'uu ammo kun ciniinsuu duraati.
9 #
Mat. 10:17-20; Luq. 12:11-12; Mar. 16:15 «Isin uf eeggadhaa'a; isaan yaa'ii gara garaatitti dabarsanii isin kennan; mana sagada Yihuudotaa keessattillee hin tumamtan; naaf jettanii bulchootaa fi mootota afoo hin dhaabattan; kunillee ragaa isaanitti ta'a. 10Haa ta'uu ammo, Dubbiin Nagayaa duraan dursee banii maraaf hin lallabama.
11«Hennaa qabanii gara murti'ii isin geessan waan dubbattaniif dura hin yaaddayinaa'a! Waanuma hennaa san isiniif kenname dubbadhaa'a; dubbii isin dubbattan ka dubbatu Ayyaana Woyyu'u malee isinii miti. 12#Mik. 7:6 Obboleessi obboleessa, Abbaanillee ilma ufii du'aaf dabarsee kenna. Ijoolleen worra ufiititti ka'anii ajjeesan. 13#Mat. 10:22; Yoh. 15:18-21 Anaaf jettanii nama maraa biratti hin jibbamtan; ka haga dhumaa jabaatu ammo hin fayya» isaaniin jedhe.
Yesuus Malkata Gara Garaa Kennee Uf Eeggachiise
(Mat. 24:15-28; Luq. 21:20-24)
14 #
Dan. 9:27; 11:31; 12:11 Haa ta'uu ammo akkuma raaga Daani'eeliitiin dubbatame, «Farri battumma'aa hulee dhaabatuun isi'iif hin malle dhaabattee yoo argitan ka kana dubbise haa hubatuu. Hennaa san worri Yihuudaa jiran gara gaaraa haa dheessanii#13:14 haa dheessanii: haa baqatanii 15#Luq. 17:31 Ka mana gubbaa jiru mana irraa gad bu'ee manaa waan tokko fudhachu'uuf hin seenin. 16Ka qonna keessa jiru uffata ufii fudhatu'uuf gara duubaa hin deebi'iin. 17#Luq. 23:29 Guyyoota san dubartoota ulfa ta'anii fi worra harma hoosisaniif aanne'e. 18Haa ta'uu ammo dheessuun keessan ganna akka hin taane Waaqa kadhadhaa'a! 19#Dan. 12:1; Mudh. Yoh. 7:14 Guyyoonni sun guyyoota rakkinni hamaan itti ta'u. Rakkinni akkasii hennaa Rabbi biyya lafaa uume irraa jalqabee haga ammaatitti hin taane; deebi'eellee hin ta'u. 20Uduu Gooftaan guyyoota san gabaabsuu dhabaatee namni tokkollee hin hafu. Haa ta'uu ammo Inni banii ufii filateef jedhee guyyaa san gabaabse.
21Hennaa san eennullee isiniin, ‹Ila laalaa'a! Kiristoos as jira!› yookaan, ‹Ila laalaa'a! achi jiraa!› yoo isiniin jedhe hin amaninaa'a. 22#Kes. Deb. 13:1-3; Mudh. Yoh. 13:13 Sababaanillee Kiristoosonni sobaatii fi raattonni sobaa dhufanii, yoo isaanii danda'ame worra filatamanillee dogoggorsu'uuf malkataa fi baasa hujan. 23Isin ammo uf eeggadhaa'a! Ani waan maraa dursee isinitti himeera.
Yesuus Waan Dhufuu Ilma Namaa Dubbate
(Mat. 24:29-31; Luq. 21:25-28)
24 #
Mudh. Yoh. 6:12 «Guyyootuma san keessa rakkinna saniin maayessa aduun hin dukkanoofti; jiinillee hin ifu. 25#Isa. 34:14; Iyyu. 2:10; Mudh. Yoh. 6:13 Urjiinillee samii irraa hin harcaati; hunniti Sami'iillee hin raafaman. 26#Dan. 7:13-14; Mar. 8:38; Tas. 1ffaa 4:15-16; Mudh. Yoh. 1:7 Achiin maayessa hennaa Ilmi Namaa hunna gudda'aa fi ulfinnaan duumessa keessaan dhufu hin argan. 27#Zakk. 2:6 Innillee hennaa san maleekkota ufii hin erga; kallattii arfanii fi qaccee lafa irraatii haga qaccee sami'ii worra filataman wolitti qaba.»
Muka Hurbuu Irraa Barachuu
(Mat. 24:32-35; Luq. 21:29-33)
28Yesuus amma ammo, «Muka hurbu'uu fakkeenna godhadha'aatii irraa baradhaa'a! Dameen isaa quqquuqee hennaa baala biqilchu, bonni akka dhiyaate hin beettan. 29Akkasuma isinillee kun martinuu hennaa ta'u yoo argitan akka inni dhiyaatee balbala irra jiru beekaa'a. 30Ani dhuga'aan isiniin jedha; haga wonti kun maruu ta'uuf, dhaloonni amma jiru kun hin jiraata. 31#Isa. 51:6; Mat. 5:18; Luq. 16:17 Ardii fi samiin hin lufti; Dubbiin kiyya ammo hin lufu.
Guyya'aa fi Hennaa San Ka Beeku Hin Jiru
(Mat. 24:36-44)
32 #
Hu. Er. 1:7
«Guyyaa san yookaan hennaa san eennullee hin beeku. Abbaa malee maleekkonni sami'iillee hin beekan; Ilmillee hin beeku. 33#Mat. 25:13; Luq. 21:36 Hennaan yoom akka ta'e isin waan hin beenneef uf eeggadhaa'a! Dammaqaa'a! 34#Mat. 25:14; Luq. 12:36-38; 19:12 Kun akka nama mana ufii hojjattoota ufiititti dhiisee isaan maraafuu hujii kennee ka balbala eegu jabaatee akka eegu seeree deeme fakkaata. 35Maarre! abbaan manaa yoom akka dhufu, galgala dhufa'aa fi halkan wodhakkaa dhufaa, iyya lukku'uu dhufaa fi ganama dhufaa hin beettan. 36Hennaa isin hin qabaannetti yoo dhufe, ka rafa'aartan akka isin hin argine, 37Waanuma isiniin jedhu, nama maraanuu jedhaa; dammaqaa'a!»
Attualmente Selezionati:
Dubbii Nagayaa Ka Maarqoosii 13: KitWoy
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
