Malumbo 2
2
1Nini weilimana mbare: nawo wandu wekigheshijia kisiwawe.
2Wekuara wafumwa wa masanga, nawo wabaha wekuliya mburi hamwe: wanga ya Mzuri na wanga ya Masihi wakwe.
3Tumabaebae machungo mawo: tukutaghie hae nzighe jawo.
4Ula eikee wanga eneseka: Mzuri enewang’olia masola.
5Niho enewatetia hena kureghija kwakwe: enewarisha wukiwa hena oro yakwe.
6Na nimbikie mfumwa wangu: wanga ya Sayuni, nduwi yangu ishenete.
7Ninelitinda aghanyo, Mzuri eniwurrie: Niwe mwana wangu, nimi yoo nikuwonie.
8Uniombe mi, nami ninejing’ola mbare kuoka uhodja wako: mito ya masanga kuoka maitorio mako.
9Unewahua hena isibo la chuma: unewabajabaja sa kiya kya muwumbi.
10Haya, wafumwa, areheni kucha: mukuloshe, unywi wachili wa masanga.
11Mtumikieni Mzuri hena nganyi: mureng’ara hena kudedema.
12Mnyonyozeni mwana, asiingiwe ni lureghijo, na muteke nzieni: amu lureghijo lwakwe luneaka wangu; wetasiwe wose wemwitikija ye.
Attualmente Selezionati:
Malumbo 2: TAVETA
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.