Kufuma 40
40
1Mzuri akamburra Musa, ekiteta. 2Musi wa kuwoka wa mweji wa kuwoka unelijenga hema la hema la mawunganyiko. 3Na unewika uko sanduku la luwondjo, na unelifinikira sanduku na pazia. 4Na uneingija meza, na uneareha vindu vikundie kuarehika wanga yakwe; na uneingija kinara, na uneasha taa jakwe. 5Na unekiwika kisiko cha thahabu hena fukijo msongorana wa sanduku ia luwondjo, na uneligera waniko la mbenge ya hema. 6Na unekiwika kisiko cha matasi la kushota msongorana wa mbenge ya hema la hema la mawunganyiko. 7Na uneliwika birika ghati na ghati ya hema la mawunganyiko na kisiko, na unegera mbombe uko 8Na unekiimusha kiwanza mbai na mbai, na unemawanika mawaniko mbengeni ha kiwanza. 9Na unemauha mafuta ma kugera, na uneligera mafuta hema, na vyose viohoho, na unelishenetija, na viya vyakwe vyose na linesheneta. 10Na unekigera mafuta kisiko cha matasi ma kushota, na viya vyakwe vyose, na unekizerrija kisiko na kineoka kisiko kishenete deng’i. 11Na uneligera mafuta birika na kughuu kwakwe, na unelizerrija. 12Na unewaete Harun na waana, wakwe mtano na mbenge ya hema la mawunganyiko, na unewaoja na mbombe. 13Na unemdoka Harun na nguo jishenete, na unemgera mafuta, na unemzerrija; nesa anitumikie ghati ya wukohani. 14Na unewaete waana wakwe, na unewadoka na makoti. 15Na unewagera mafuta, sandu umgerie mafuta wawee wawo, nesa wanitumikie ghati ya wukohani: amu kugerwa mafuta kwawo kuneoka kididi wukohani wa tendarasi ghati ya marika mawo. 16Huwo akaketa Musa: hena vyose Mzuri emwaghanyie, ni huwo akaketa.
17Ikaoka ghati ya mweji wa kuwoka wa mwaka wa keri, musi wa kuwoka wa mweji, masikani likaimushwa. 18Musa akaliimusha masikani, akamachunga mawiko makwe, akamakweja maboho makwe, akaigera miti yakwe, akajiimusha ngujo jakwe. 19Akaliwanika hema wanga ya masikani, akaligera finikiro la hema wanga yakwe; sandu Mzuri emwaghanyie Musa.
20Akauha akalugera luwondjo ghati ya sanduku, akakigera mitikio hena sanduku, akakigera kiikaiyo cha lusariyo wanga ya sanduku. 21Akaliingija sanduku na masikani, akalikweja pazia la funikiro, akalifinikira kisiko cha luwondjo; sandu Mzuri emwaghanyie Musa.
22Akaigera meza hemeni ha mawunganyiko, mbai ya masikani ya kaskazini, some ya pazia. 23Akamawika nezo mabumunda wanga yakwe msongorana wa Mzuri; sandu Mzuri emwaganyie Musa.
24Akakiwika kinara ghati ya hema la mawunganyiko, kuilikia meza, mbai ya masikani ya kusini. 25Akajiasha taa msongorana wa Mzuri; sandu Mzuri emwaghanyie Musa.
26Akakiwika kisiko cha thahabu hemani ha mawunganyiko msongorana wa pazia; 27Akashota wanga yakwe fukijo linonie; sandu Mzuri emwaghanyie Musa.
28Akalikweja waniko mbengeni ha masikaui. 29Akakiwika kisiko cha matasi ma kushota mbengeni ha masikani la hema la mawunganyiko, akamang’ola wanga yakwe matasi ma kushota na matasi ma kidjo; sandu Mzuri emwaghanyie Musa.
30Akaliwika birika ghati ya hema la mawunganyiko na kisiko, akagera mbombe uko, ya kuojia. 31Naye Musa na Harun na waana wakwe wakaoja uko mikono yawo na maghu mawo; 32Wekinaingie na hema ya mawunganyiko, na wekinasongerie na kisiko, wakaoja; sandu Mzuri emwaghanyie Musa. 33Akakiimusha kiwanza kya kulijunguluka masikani na kisiko, akaikweja waniko la mbenge ya kiwanza. Huwo Musa akaikurija ndima.
34Niho ijumbi likafinikira hema la mawunganyiko, uwedi wa Mzuri ukaliizuja masikani. 35Naye Musa teidimaye kuingia na hema la mawunganyiko, amu ijumbi laikee wanga yakwe, na uwedi wa Mzuri ukaliizuja masikani. 36Nalo ijumbi likinawushijwe ghati ya masikani, waana wa Israeli wakailikia kutonga hena vyaro vyawo vyose. 37Kake ijumbi lisawushijwe, tewezokawo mtano musi lawushijwa. 38Amu ijumbi la Mzuri liokie wanga ya masikani hemusi, na moto ukaoka wanga yakwe kio, mesoni ha nyumba yose ya Israeli, ghati ya vyaro vyawo vyose.
Attualmente Selezionati:
Kufuma 40: TAVETA
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.