S. Lucas 1
1
A ba' tu yʌn batan ts'ibta Lucas wuai
1Pim tu che tunto' u ki' t'sibtik a ba' menʌ' uchik avex to'nex jaxtojtaj. 2Abex toj e'za'to' a moc u yʌj chuni tu yiro yete u wich, a meajnʌ ti u t'ʌn a K'uj. 3Taj tin wira bexi ten, tin qui' kʌxta tu woro u yʌj chuni a ba' kin ts'ibtik tech toj tajkonta', ne yajech Teófilo. 4Tia ki k'ok'ontik a jax tu jey a ba' a toj e'sa' tech.
U yeiko u top'o a Juan.
5U tuk'in leji u k'ini akʌ' Herodes u wesi u lumi Judea, ti yʌn junturi' u k'ʌni' K'uj u k'aba Zacarias, tu ku xoc ti Abias; u la'k tiu tar te'to u nukiro Aaron, u kaba Elizabeth. 6Tu ka'to' jach tzoy u yira' ten K'uj, tan uki metik u t'ʌn a kuj tu' woro a ba' ku yeik K'uj. 7Mʌnʌ' u ti'a Elizabet, muj yʌntati' tu ka'to' nej nʌc u yaxkin.
8U kini tʌn u meaj Zacarias tu nʌji K'uj tucu met ku xoc. 9Lei teta' ti u yoco tiu tokik a ki u bok tou yatoch K'uj a bex suk ku metco'. 10Ka tonutokik a ki u bok tiu' tu woroa winiko' kaja' tita ti a' jaknʌki ton tanik K'uj.
11Y tu ye'su bʌj u k'ʌni' k'ju a bex tia' kʌ' chijickba' tu xax a tucu tojco' a kiu bok. 12Y ja'k u yor Zacarias ka tu yira', y tag'ti sajki. 13Y u k'ʌni K'uj a bex a bex a tia' kʌ' tu ya'ti': Zacarias, ma' sʌjtik; K'uj tu yua a t'snik, a lak' Elizabeth biu r'sa a tia', u k'aba' Juan. 14Binukaj s'toita wor y ne pimo' ku bij tsoitu yoro tu ku bij top's tia. 15Jach yaja acʌtʌn ti K'uj. Mʌnu yukik u y'ari uva y sidra, y binu kaj tursa' teu pixan K'uj, toj tu' yogu tsukui u nʌ'. 16Ku bu mete u, yaksik tu yor u t'ʌn K'uj tu woeo u tio' israel. 17Ku bij bin ʌcʌtʌn ti K'uj yetu pixan y u muk' Elias ti metik ku sutkintik u pixano' u teto' tiu tiao', ya bexa muj yuik t'ʌn tiu ki etik u metik a bexa ku metco' tdsoi ba ba' ti u ki utskintik tia' k'uk a winiko' jach poch u meti ku t'ʌn.
18Tu yaa' Zacarias tia' u k'ni' K'uj a bexa tia' ka': ¿bij ki bin wete o jach taj ka weikten? A ten ne ch'ije'n, in lag' nʌc u yaxji'n.
19Tu nuca u k'ʌni' K'uj a bexa ayi a' kʌ', tu ya'ti': tenen Gabriel, tien ʌcʌtʌn ti K'uj; y tuchinten tin tʌnkech, y in tsectech a je a s'tsoi tume tʌn. 20Y kaby p'ata mo' jak'a t'ʌn y mo' bik kabij t'ʌn, tukin ku k'uchu tu k'ini u metchʌ, aje' tin wa'tech ja' ka' t'ʌn, tu maj ch'a in t'ʌn, je u laj nup'chʌ ku k'uchu tu k'ini.
21A winico tʌn u ch'uctik a Sacarias, y tu tukro viken t'ʌn xʌnta yogo u naji K'uj, 22tukin kʌ jog'i, mʌ vik u jo'co u t'ʌn; y tu yet'o tʌn va e'zati ten K'uj. Jay tʌn u pesik u k'ʌ tiu t'ʌn, y p'ati m'a jo'co u t'ʌn.
23Katu nupza u k'ini u meaj tiu naji K'uj, vini tu yatoch. 24Pachi moni u k'ini yʌnij u tia Elizabeth y tu mʌku bʌj' ix yatoch jumuj k'ʌb aknʌ', ti tu ya' ra. 25Bex tu metʌ ten ak' tsuri ka tu ch'a ot'si ten tiu duc'sik in suraki tia' winko tu mʌ' yanta in ti'a.
U yeiko u top'o Jesús
26A taj'un yan k'ab aknʌ' u yʌjmasir u tʌn a K'uj u k'aba Gabriel tuchita' ten K'uj ich u kʌj'ta galilea u k'aba nazaret. 27Junturi' chopra mʌ' u wenek tu xi'ra k'atu k'ab ti junturi xiara u k'aba Jose, tiu tar u nukiro ti David y u k'aba a mejen chopra a mʌ'nwenek ti xira Maria. 28Kʌj oki u yʌjmasir u t'ʌn K'uj to' tu tia a mejen chupra, tu ya'ra ti; ¡tzoy ki ta wor, jach tzoy ba ku metik tech ku'j! K'uj tia yete tech; mʌnʌ tu jer chopra vix tech ne tzoy ba ku metik K'uj.
29Ka tu yira ti, jakj u yor tu t'ʌnʌ y tu tukrʌ bʌj vin vex ku t'ʌnken.
30U yajmasir u t'ʌn K'uj tu yati: Maria m'ʌ sʌjtic, K'uj ne jach otzi yikech. 31Y beje, ku bin yanta ich jamnen,ku bi to'po juntiri a tia xira, ka'aba ka ba' tʌkʌ' JESUS. 32A je ne nuk ku bin y ku bi t'ʌnʌ u ti'a K'uj a ne chich u muk'; y ak t'suri kuj biu tzati u wesintik tu okj' tu wesi u nukiri David u tet. 33Y biu weainte yogo u yatoch ti Jacob tu woro k'in, y m'ʌ bi tzoko u wesintik.
34Maria tu yʌti ti u yʌjmasir u t'ʌn K'uj: ¿bik ku bi mʌn a je? Mi k'obo xira.
35Ka tu nuka u yajmasir u t'ʌn K'uj, tu yati: u pixan K'uj ku bin tar yogo tech y muk' a nechich u muk biu bʌarech yete u bo'oy; mʌnʌ u sipir a ku bi topo a chomejen, y ku bi tʌna u tia K'uj. 36Ire a wire a bʌjo a bʌ'j Elisabet, vexi ti yʌnij u ti'a yogo u ch'ijanchoj; y veje tiʌ' taj'un yan k'ab ʌknʌ' ti; a ku llaba' ti' mʌ' yʌntʌ u ti'a. 37Mʌnʌ ba' ti K'uj mv' bik u metik.
38Maria tu yati: way yʌnen ten ti meaj ti tech, jach t'suri, metej yete ten a vex ta wa'a a t'ʌn, y u yaj masair tu t'ʌn K'uj vini tu t'ia.
María bin u ch'entic Elizabet
39Layo u k'ini, dik'i maria,b bvini seb' ix witz, jumpe kʌjtʌj u lumi juds. 40Yokij yogo u yatoch Zacarias, y tu t'ʌnʌ Elizabet. 41Y ka tu yua Elizabet u t'ʌn Marias, a cho mejen timnʌj ich u jʌmnen; y Elizabet turza' tiu pixan K'uj. 42Y ne k'ʌʌm t'ʌna, y tu yaa: mʌnʌ tu jer chopra vix tech ne tzoy ba' ku metik K'uj, jach tzoy ba' ku bi meta ti a tia' ix a jʌmnej. 43¿Biken ten ku tzabaten a je, u nʌ' in tzuri ku tar ti ten? 44To' ka' k'uch a t'ʌn yogo in xikin, a chomejen peknʌ tu ne t'zoy u yor yogo in jʌ'mne 45jach t'zoyech tech tu ta ch'au t'ʌn, a ku bi nup'xʌ a tu yatech a tsuri.
46Ia Maria tu ya'a,
I pixan ku k'ʌyink tu in t'suri jach ne nuk in tsuri;.
47In pixan ku tzoytʌyor ti k'uj y wʌtaki.
48A tu tyiren a tenen, mix k'as nuken a ten u k''ʌnen: y beje, ku bi a'baten, jach tzoyech tech tu woro k'in. 49Jach ne yab' ba tzoy tu meta ten a nechichumuk' k'uj.
50Tu woro q'uin kuj u ch'a'ic otsi a moc a kuj sʌjtic.
51Tu meta yete tu woro u muc': tu la luc'sa u tuku a vex ku yuk u bʌj' ne yue ba'. 52Tu la takati' a mok jʌk'ok u kuch y tu ts'a u muk' a mok muj yui'k u bʌj nuk.
53Awijo, ne yaab ba' tu ts'ati', y tu laj takati' a mok ne yʌnti'.
54Tu yʌnta tu woro u winki Israel u k'ʌni, 55kaj u yʌntaj tu woro u winiquir Israel, laji' u winic,
a ba' yaa' ti' ic nunquirex uch kaj u rʌc nups u t'ʌn tu ch'aj otsi ti',
ic nunquir Abraham yeje u bʌjo'.
56Ti' p'atij María ish yatoch Elizabet oxp'ej ʌc nʌ' pachi kaj sut ish yatoch María.
Kaj rocha' ten u nʌ' Juan laji' K'uj t'ubic ja' moc
57Kaj k'uchij tu q'uin p'isa'an ti' Elizabet kaj u rochaj u ti'a Elizabet. Xi'ra u ti'a. 58Kaj yu'yaj u rochaj u ti'a Elizabet u yet kʌjta quet kaj tar u bʌjob kaj tar u ch'entej Elizabet kaj ya'ar ti' Jach tsoyech tumen ta rocha a ti'a. K'uj tu metaj tsoy tech Elizabet. 59Kaj tar yiric u jer semana ti' ts'iric u yot'er tu K'uj tar u ch'ur cho xi'ra quir u nupsic u t'ʌn u nunquir Abram yete K'uj uch. U k'at u jaric u k'aba' ti' u quetquintic, yet u tet Zacarías. 60Kaj u ya'a u nʌ',
—¡Mʌ'!, Yʌn u jaric u k'aba' Juan.
61Kaj yaa' ti' Elizabet,
—¿Biquen mʌ' a jaric u k'aba' Zacarías quet yeter u tet? ¿Tumen ka wiric mʌna' u k'aba' Juan ish a bʌjo'?
62Kaj k'ata' ti' Zacarías u tet a cho xi'ra (a pim kaj u yesa u k'ʌb) kaj u k'atajo' ti', ba' u k'aba' ka bin a jaric u k'aba' a cho ti'ar? 63Zacarías kaj u k'ataj u cho xet'e che' ti' u ts'ibtic u k'aba' u cho ti'ar. Kaj u ts'ibta, ¡laji' u k'aba' Juan! Tu woro moc jaq'ui yor kaj yiraj u k'aba' Juan. 64Laji' u q'uinin kaj joc' u yʌjxchun u t'ʌn Zacarías. Laji' u q'uinin u yʌjxchun kaj u k'ʌyaj k'uj' tan u ya'aric ti' K'uj, ¡Jach tsoyech K'uj! 65A moc ti' kʌja'an tu kajar Zacarías kaj jaq'ui yor ti' kaj rʌc man tsicbatic tu woro u lu'umi ne wits u lu'umi Judea, «¿Bʌ'wir ti' kaj u pʌcha u k'aba' u ti'ar?» 66Kaj yu'yaj u man u jumintic kaj u tucraj tu yor
—¿Bʌ'wir ti' u ti'ar Zacarías? Laji' K'uj ku bin yamtic Juan.
Jach tsoy yor u k'ay Zacarías
67Laji' u tet Juan Zacarías kaj oc u pixan K'uj ti' Zacarías kaj ts'ab u tucu ten K'uj ti' Zacarías kaj u tsicbataj u t'ʌn K'uj kaj u ya'a,
68Jach chich a muc' tech K'uj, kaj tarech a kʌnʌntic a winic Israel tech ta ta'cajto'on ba'ic ta wantaj.
69Tech ta ts'aj to'on K'uj ʌcʌj ta'quir a jach chich u muc' rati' K'uj tar ti' ʌc nunquir David kaj tu wesintaj u winiquir Israel uch.
70Ba'ic kaj a toh a'araj ti' a toh ricsa'an ten K'uj a moc a ts'a'b u tucu ten K'uj uch ti' u tsicbato'on a ba' K'uj bin tar.
71Ba'ic kaj ya'ara K'uj uch, Je' in ta'quiquech a moc a K'uj p'atiquech ba'ic kaj u ya'a ti' u winico' judío. A p'ec yirico'on mʌ' u winico' judío'.
72Kaj ya'a K'uj, «Je' in ch'aic otsi ti' ʌ nunquir uch je' u yantic a mʌ' u bin tubur ti' aba' toj a'araj ti' uch.»
73Ba'ic K'uj kaj u toj a'ara ti' ic nunquir Abraham uch
74K'uj bin tacbir a moc a K'uj p'actico'on ti' u chichij in wor in wu'ic u t'ʌn K'uj. Mʌ' in ch'a'ic sʌjtic ti' a moc.
75Ti'a kʌjta jai ti K'uj, ti'a metik t'soi ba tu yicnʌ a K'uj, tu woro ak k'inex
76kaj u ya'a Zacarías ti' u ti'ar, «A tech in ti'ech. Je' u t'ʌniquech a K'uj tsec'ti u t'ʌn K'uj. Tech K'uj bin u pʌyic a ber K'uj laji' yue u bʌjo' u winico' judío yue je' u tar K'uj.»
77A K'uj kaj u tejta to'on a techo' a cho och ka bin a we'ic K'uj ku bin u ruc'sic ʌc si'pirex ti' u ta'quico'on.
78Ka wiric jach tsoy u pixan K'uj je' u ch'a'ic otsi to'on u q'uinin ka bin tac.
79Ʌj kʌj taquir je' u sasichʌjʌr ʌc pixan ten K'uj a moc a K'uj man tu ac'bir je' u k'axa' u pixan ten K'uj je' u sasichʌjʌr u pixan K'uj bin ruc'sic a ba' quic sʌjtic tu quic quiminex.
80Kaj ch'ijij Juan kaj bin kʌjtar tu mʌnʌ' che' u lu'um. Kaj u qui' kʌnaj K'uj Juan kaj k'uch tu q'uinin kaj u yesaj u bʌj ti' u bʌjo' uwiniquir Israel. Yʌj pʌyir in ber K'uj,
Attualmente Selezionati:
S. Lucas 1: PLacNaha
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Sociedad Biblica de México AC