Jäqui'ves Samuel 5
5
David ayoꞌbuꞌyi Israelĉan
1Aty men atsij in muꞌin tashcheꞌ buꞌyity Israeltyiꞌ vóshiꞌ in, cäts ñuruꞌ jịjcaij pạrej in, Hebrónĉan jịjcaij in ĉọcte in muꞌ David, jéte in:
—Tsun nash rụij chätidyeꞌ jítiĉaꞌ. 2Meꞌ tsanꞌ muꞌ Saúl ayoꞌbuꞌyi tsundyes jiquej, mi qui namꞌ tashcheꞌ buꞌyi tsundyes chutidyeꞌyaꞌ jiquej, mi cäc̣häꞌchuyac tsun Israeltyiꞌ vóshiꞌ tsun. Chimeꞌdye muꞌ Ayoꞌ jiquej jin mi: "Mi raꞌ ĉujcabutiꞌ mi muntyiꞌ yụ judyeyaꞌ ayoꞌbuꞌyi raꞌ mi muꞌindyes in", yi Jenꞌ jiquej —jéte in muꞌ David.
3Meꞌdye muꞌin tashcheꞌ buꞌyity in räj ĉọcte in muꞌ ayoꞌ David Hebrónĉan. Muꞌ yụꞌtyeꞌ p̂eyacdyeꞌ muꞌindyes in Jenꞌsiꞌyaꞌ vej muꞌ, chat qui muꞌin yụꞌte in paj qui muꞌ ayoꞌbuꞌyi muꞌindyes in. 4Chibin quiꞌtacdyemꞌ yómodyeꞌ tyiti muꞌ chat tiyacchuti ayoꞌbuꞌyi muꞌ Israeltyidyes vóshiꞌ in. Vạjpedyeꞌ quiꞌtac yómodyeꞌ muꞌcheꞌ ayoꞌbuꞌyi.
Attualmente Selezionati:
Jäqui'ves Samuel 5: CAS
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Copyright 2017 Nuevo Testamento en Chimane
Jen'si' P̂eyacdye'