LUKA 3
3
1Kyasia Kaisari ulya Tiberia ambada wukaisari kushikie maka fo ikumi na katanu, lilya mandi Pontio Pilato ai mchili o Yudaya, na Herode ai mangi ya Galilaya, na manomae Filipo ai mangi ya Ituraya na Oruka lo Tirakonyiti, na Lisanyia ai mangi ya Abilene. 2Mandi Ana na Kayafa wawewode wukohanyi wunene, naalyo kidedo kya Ruwa kikachea Yohane ulya mana o Sakaria kulya nuka kundu akeri. 3Nao kacha na kulya orukenyi kukinganyi na Yordanyi kose kaonguo-pfo mbonyi ya wupatiso wo ihaluka mrimenyi wuendie iletso njonyamaṟo. 4 Chando kii kiṟehie ipfo kitapunyi kya mwikimbi Yesaya kehamba “Ailyo ṟu lya mndu moedia kulya nuka! Teseheṟenyi mtanu fo Mndumii, muwetembecheṟa na njia tsake. 5Orio mapichi hose haweikilio, na orio mafumvu hose na shitoṟomoso shose shihende idemo; na handu ha kilemekonyi kuwehoṟo-tso kuwe njia njihoṟotsu. Na handu kui kipilipili kuweanjaṟyo kuwe njia njidamiri. 6Na orio wai na mbihu, na wehiwona okiio lo Ruwa.” 7 Kyasia kawia mamwingi fulya fuwekemchea ke wache ikupatisio nyio. “A lanye mui malea ha njoka, aichu alemoṟa ke mochikudichia nyashi iya yekaa iche nyiu? 8 Kyasia loṟenyi kui mawuto hasumhanyi ke modumbuya, ma mlawone mochideda muhambe, Luwode ndeadu nyi Abrahamu; cha kipfa ngamuwia, Ma maho-ho, Ruwa nechiidima yalutsia-ho Abrahamu luwa. 9 Wokya wulalu soka nyi li iwike tsindenyi ya mashidi-ho; akashika ikidi lilechiwika ndunda njicha chi lyechimanyo na ikumbo modonyi?” 10Mamwingi fulya fukambesa fukahamba, “Aka luwike luda ngesa?” 11Nao kahaluo kawawia, “Msa awode kanzi tsiwi nainenge ulya alawode, na ulya awode kando nawewika ado.” 12 Kukawecha na wasanyi wa okamba ke wapatisio-ho wakambia, “Mlosha, a so nyi lochiwika luda?” 13Nao kawawia, “Ma mlakiwese kindo kya ngoseṟa ya kilya mui wateṟie.” 14Na sa wawekehenda shidenyii wakawembesa, “A so nyi lochiwika luda?” Nao kawawia, “Ma mlawone mochisohuo mndu ma isoka mndu kindo kya wuilo, mwefuda na wueri-wo wonu.” 15Kyasia wandu walya wakawa mohinga-hinga, wakawehia-hia ngoonyi tsawo kya Yohane ke, kulako nyiio amonyi akeri Kristo. 16Naalyo Yohane kahaluo kawawia, “Inyi nyi njekempatisa na mṟinga; kyaindi nyi kukeri icha msa anjieṟie, nao kinsumuhanyie ma yoṟowuo ngowa tsa shadu shakepfo, o nyio echikaa nampatise na Mumuyo Mwele na modo. 17Nao nyiawode mpongo ipfo owokonyi loke, nyiechiseṟewenda kiwuha kyake kiile pang'a, mbeke-tso naingie kikumbinyi kyake, kyaindi muulu-fo nyiechifukoṟa na modo fulechiruma.” 18Kyasia kawa moongoya wandu walya mbonyi tsiwode sia na iwatutuma-tutuma shindo shingi shifoi. 19 Kyaindi mangi ulya Herode kekidedio nyio kipfa kya Herodia, ulya mka o manomae, na kipfa kya mawicho halya hengi Herode awenyiamaṟie hose. 20Kaengeṟa iwichuo, itane amshingia mbenyi ya wapfungo.
Yesu akeri ipatiso
(Mat 3:13-17; Mar 1:9-11)
21Kyasia lilyandi wandu walya waweikupatisio wose, na Yesu kekipatiso, kyechiterewa Ruwa; naalyo kulya ruwehu kukang'alawuka, 22 na Mumuyo Mwele kamsokia ai cha mbeta; na ṟu likawewuka kulya ruwehu likahamba, “Iyo nyi ui manoko mkunde unjichihiṟie.”
Oshari lo Yesu
(Mat 1:1-17)
23Nao Yesu amonyi lilyandi alewooka ilosha wandu nyiaweshikie kufui na mndu o maka makumi haṟaṟu, kyake nyi eeichio ke nyi ai mana o Yosefu nao ai o Eli; 24O Matati, o Lewi, o Meliki, o Yanai, o Yosefu, 25O Matatia, o Amosi, o Nahumu, o Esili, o Nagai; 26o Matatia, o Matatia, o Semei, o Yosefu, o Yuda; 27o Yoana, o Resa, o Zerubabeli, o Salatieli, o Neri; 28o Meliki, o Adi, o Kosamu, o Elimadamu, o Eri; 29o Yosua, o Elieseri, o Yorimu, o Matati, o Lewi; 30o Simeon, o Yuda, o Yosefu, o Yonamu, o Eliakimu; 31Melea, o Mena, o Matata, o Natanyi, o Dawidi; 32o Yese, o Obedi, o Boasi, o Salmone, o Naason; 33O Aminadabu, o Adiminyi, o Arinyi, o Hesironyi, o Faresi, o Yuda; 34o Yakobo, o Isaki, o Abrahamu, o Tera, o Nahori; 35o Seruki, o Ragau, o Pelegi, o Eberi, o Sela, 36o Kainanyi, o Arfakisadi, o Semu, o Noe, o Lameki; 37o Metusala, o Enoki, o Yeredi, o Mahalaleli, o Kainanyi; 38o Enoki, o Seti, o Adamu, o Ruwa.
Yesu aihesho nyi Satana
(Mat 4:1-11; Mar 1:12-13)
Attualmente Selezionati:
LUKA 3: KIM2
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Kimochi Bible © Bible Society of Tanzania, 2016.
