SABURI 82
82
Iruva Mwiitori Ang'ani
1Iruva mmbo asalallya ikwanu lyakwe;
mmbo otya ivingo marembo a maruva:
2“A kumande indii mwiletaa?
Kuleefo usumanu, na ikundya varavi?
3Niingeny vafwafwa na vana va ngwera usumanu lwawo,
Eto akee mwiinyale amwi na nkiva ningeny usumanu.
4Woteny efo maakony a varavi;
5Indi yeni mwiishi nta imanya-fo;
Yeni mmbo mukee yeenda ireminy kya ureti!
Nsuka wa usumanu ulaniny mmbo kyanrinyishwa.
6Yeny mmbo shileamba sheelyi yeni ni maruva,
Sheelyi yeni moose ni vana va Iruva yeto akee uwe.
7Naakwa ni indo mmbo mushefwa sha vandu woose,
Mmbo mushewaa sha vanini woose.”
8Woi Iruva salala kuutye ulana uvingo,
Mashika vandu va masanga moose ni masaa afo.
Attualmente Selezionati:
SABURI 82: MAS2
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
The Holy Bible in Kimashami © Bible Society of Tanzania, 2016.