SABURI 75
75
Iruva mwiileta mwaandu
1Lwakwaana, woi Iruva!
Mmbo lukeyaamba uniini lwa irina lyafo.
Na isununndya vandu kya mirunndye yafo ing'ani.
2Iruva kaamba, “Kwiifo nkonu wa-vayo,
Nkonu wa irummbwa mwaandu.
3Uruka lushererema na fyoose fii-fo,
Yeny shivangisaa nsuka wa-vayo.
4Eni mbafu; shamuvia, ‘Reny ikutuula!’
Na yewo veafinya mulakushobe!
Na isaamisa mbembe tany.
5Mulakusare, mmbo mukee nnu vandu vatoki,
Nta na irera marero a ukushobi.”
6Mirumbuye ya usumanu nnyukaa taari ya ngama ao nkwaany-fo,
Nta nnyukaa taari ya ndoo ao ya sinde-fo.
7Iruva mmbwe lleti;
Kautya maata uvingo na vengyi kavalekeiya.
8Nndumi Iruva mmbo atiri upata wokony;
Lutiri mfinyu unangaa wa unyasi lwakwe,
Mmbo asheuleta na valyamari woose mmbo vakeina,
Yee mmbo vainaa shoose piny.
9Indi yeny mmbo shishefiraa llung'anu;
Shishemwiimbya fiimbo we Iruva wa Yakobo.
10Mmbo ashefishaa mbembe ta vandu valyamari woose,
Indi mbembe ta yewo vasumanu mmbo tishaakarwaa.
Attualmente Selezionati:
SABURI 75: MAS2
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
The Holy Bible in Kimashami © Bible Society of Tanzania, 2016.