SABURI 32
32
Ikurya Ulyamari na Ifwaaywa
(Saburi ya Davidi)
1Ngoma nndu nsarye ulyamari lwakwe,
Na ulyamari lwakwe ilakikumbuwaa!
2Ngoma nndu Nndumi Iruva ammusarya,
Nndu nalatiri ntambo nriminy wakwe!
3Shiikimalallya shasiiyo ni finya,
Shasinda nkonu piti shiivavyoo.
4Kio na nsayiny sharovyo ni woko lwafo.
Shasiiyo ni finya shaoma pony,
Shava sha kisie kyatura mmbwa.
5Shakurambuya mitannyi yakwa
Nta nshilesuruma ukasha lwakwa-fo,
“Shapara ulyamari lwakwa loose kwa Nndumi Iruva.”
Na yewe kwashisarya urekwa lwakwa!
6Kwa ekyo wo nndu nsumanu,
Nakutereve kimmba kukee kufii kuleefo kindo kimpaana,
Kyeeri kya ngatara shiingyi.
7Yewe mmbwe finya yakwa;
Na andu kwakwa kwa ikusuruma,
Finya ya ukiro ikashisengetya.
8Nndumi Iruva kaamba,
“Shikoora shia kushiraa,
Shikuteteraa na ikusongoya.
9Mulashevaka frasi na kyoongo
Efyo fiitikyoo wo kindo
Sanda na ikapwa ngova,
Llyo fiidimi yiirikya.”
10Ngapo ta nravi ni shiingyi
Indi yeto akusirye kwa Nndumi Iruva;
kyeeri kyoose atiri nsia.
11Fureny eni vandu va usumanu!
Kapeny Nndumi Iruva mindoro,
Eni moose va mirima itiri nsia!
Attualmente Selezionati:
SABURI 32: MAS2
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
The Holy Bible in Kimashami © Bible Society of Tanzania, 2016.