SABURI 126
126
Kiterevo kya ukiro
1Kyeeri Nndumi Iruva aleauwa yewo vakee vakamare mifungwa va Sioni,
Yese mmbo luleva sheelyi lukee yoorya,
2Na kana kyeru kakaishwa seko,
Na ulumi lukakaba ukoru neefura.
Lyo vandu va masanga valeamba,
“Nndumi Iruva mmbo ambatannya finiini.”
3Nndumi Iruva mmbo alelutannya finiini!
Neese lukakyesa nafyo!
4Woi Nndumi Iruva luviirye vandu veru valekamarwa mifungwa,
Vawuye sha mira taari ya sinde.
5Veevaaya na misoru,
vasheilulaa veefuraa.
6Valya valeenda veerye mbeu tawo teevaaya veeshiyaa,
Ni dede mmbo vashefuraa veewuyaa,
veerye milaa yaawo.
Attualmente Selezionati:
SABURI 126: MAS2
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
The Holy Bible in Kimashami © Bible Society of Tanzania, 2016.