SABURI 112
112
Ifura lya nndu nsaari
1Haleluya!
Ngoma yeto avallya na shia ta Nndumi Iruva.
Kasennyo mmavavaso akwe.
2Vana vakwe mmbo vashetira finya ulaniny;
Na ufyari lwa yewo vesha luvikyo mbora.
3Usimba na masaa mfyo fikee efo kwakwe,
Na usumanu lwakwe lukalung'ana.
4Sa mmbo yoombuta ireema efo kwa nndu nsha.
Mmbwe muni ulyilyi, isarya na usumanu.
5Ngoma yeto ava mwiitana fya isarya na yaakuya vengyi findo,
Kava mwiitana findo fyakwe na usumanu.
6Mashika nnyashemandaa-fo,
Nndu wa usumanu mmbo ashekumbuwaa llung'anu.
7Nnyasheereyaa makasha-fo;
Mashika nrima wakwe mmbo ukee nkaari irunndya Nndumi Iruva,
Haleluya Nga'niseny Nndumi,
8Nnyasheereyaa-fo mashika nrima wakwe mmbo uvagyi
Kutani alollya veetuuro vakwe vallemwa.
9Katira maako kawuutisa vakiva.
Usumanu lwakwe llwa llung'anu.
Na ushilyi lwakwe lusheng'aniswaa luwoni nnduma.
10Yeto nalakee wa usumanu mmbo ashelollya ngatara.
Mmbo ashekabaa kiiyo na yaangara;
Nrolo wa yewo valatiri usumanu mmbo ushemandaa.
Attualmente Selezionati:
SABURI 112: MAS2
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
The Holy Bible in Kimashami © Bible Society of Tanzania, 2016.