SABURI 110
110
Nndumi na mangyi yakwe aisauye
1Nndumi Iruva karera na nndumi wakwa kyeamba,
“Kaa rembo yaa woko lwakwa usha,
Shitani shaara vakyiduva vafo si
Vave kwasi ya marende afo.”
2Nndumi Iruva asheorwaa uka Sioni;
Nsengye wa finya takwe.
Wiitorye nnang'ani a vakyiduva vafo.
3Nkonu kukapaa vakiduva wafo vandu vafo,
Mmbashekweekya sha laura elyi ngama,
Vasero vafo wooloke wooka efo ifumbuunyeele.
4Nndumi Iruva mmbo alelya mboo nta nnyashekuryaa-fo:
“Nyewe nkohani kumande llung'anu wa ngata ya Melkisedeki.”
5Nndumi Iruva akee yoo woko lwafo usha
Mmbo apaparaa vamangyi
Nkonu wakwe wa irosa unyafi.
6Asherumbwaa mwaandu efo nnang'ani a vandu va masanga;
Ashealalaa minying'a ashepaparaa nrwe wa ngyuruka shiingyi.
7Ashenaa mura wa efo shia.
Llyony asheinwaa nrwe shu.
Attualmente Selezionati:
SABURI 110: MAS2
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
The Holy Bible in Kimashami © Bible Society of Tanzania, 2016.