SABURI 11
11
Kusirye kwa Nndumi Iruva
1Kwa Nndumi mfo kirishyony kyakwa,
Yeni mmbo mushiidimaa inda ishivia
rumbuka sha ndeye fika kulya ifumbu-u?
2Mashika yewo varavi mmbo vammiipoo ura
na mife vakunndye yaasa
vandu vasaari efo ireeminy.
3Nsuka wa mmba ukammbunduka
A-nndu nsaari mmbo ashiidimaa itana-kyi?
4Nndumi akee efo mmba yakwe sheele
Na kitima kyakwe kulya iruveeu
Na miso akwe mmbo alollye,
Wo kindo luketana.
5Nndumi eera yewo vasaari na vakasha,
Kasua yewo vakunndye itana fyaukasha.
6Muro ushakaa kwa vakasha wuuka iruveeu ushevarumataa,
Na uraato uniini lwanrike luve ngapo yaawo.
7Nndumi Iruva ni wa usumanu na mwikunda mashora mesha;
Neewo vetana fya usha vashelollyaa Iruva.
Attualmente Selezionati:
SABURI 11: MAS2
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
The Holy Bible in Kimashami © Bible Society of Tanzania, 2016.