SABURI 101
101
Kyaasa kya mangyi
1Mmbo nshiimba kya usaari na usumanu.
Ee, Nndumi Iruva, mmbo nshiimba fiimbo kwa wiindi.
2Shia takwe ntivaa ta worotu
Ni indii kushaa kwakwa?
Mmbo nsheenda kwa worotu kwa nrima, efo mmbeny yakwa.
3Nshivikaa mbee yakwa irero iravi-fo
Mmbo shiswe mashora a vandu varavi.
Nnyavandamaa na yeny-fo;
4Ngoo ya umbafu mmbo ishuukaa kwakwa
Kindo kiravi nshikundye ikyimanya-fo.
5Yeto avikyaa uroye urere kwa kirika.
Yeto mmbo shimbyaa namalallye.
Yeto atiri miso a kyiila na ngoo ya ikuora, nshisisirya-fo.
6Miso akwa mmbo alolaa yewo vasaari kunu urukeny,
Yewo mmbo vakaa amwi neeny.
Yeto ashendaa shia shorotu mmbwe ashirundyaa
7Nndu atanaa fya ulembi nnyakaa efo mmba yakwa-fo,
Yeto mwirera wongo nnyasalala usanguny lwakwa-fo.
8Wo nkonu mmbo shikyemmyaa varavi woose
Varavi woose mmbo shivautaa urukeny.
Shirauwe vetana uravi na muri wa Nndumi Iruva.
Attualmente Selezionati:
SABURI 101: MAS2
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
The Holy Bible in Kimashami © Bible Society of Tanzania, 2016.