मत्ती 28

यीशु दोबारा जी भुआ

(मरकुस 16:1-10; लूका 24:1-12; यूहन्‍ना 20:1-10)

1विश्रामदिन थऊँ बाद हप्तै रै पैहलै दिन भ्याग भुन्दै ही मरियम मगदलीनी अतै दूई मरियम कब्रा जो हेरना आई। 2अतै हेरा, अक्क बड़ा हिल्‍लण भुआ, क्ओकि प्रभु रा अक्क स्वर्गदूत स्वर्गा थऊँ ऊतरू अतै नेड़ै ईच्ची करी तिनी पत्थर जो हिलाई दिता, अतै तैस पुर बैही गो। 3तसेरा रूप बिजळी सांईयै अतै तसेरै कपड़ै पाळै सांईयै चंमकू करदै थियै। 4तसेरै ड़रा रै पैहरैदार कंमी पै, अतै मरूरै सांईयै भूच्ची गै। 5स्वर्गदूतै जनानी सोगी बल्लू, “मत ड़रा, अऊँ जाणदा कि तुहै यीशु जो जैडा क्रूस पुर चढाऊरा थू हेरना आई। 6सो ऐड़ी निय्आ, पर अपणै बचना अनुसार जी भच्छुरा। अईआ ऐह जगह हेरा, जैड़ी प्रभु पेऊरा थू, 7अतै झट गिच्ची करी तसेरै चेलै सोगी बला कि सो मरी करी जी भूआ, अतै तैस तूसु थऊँ पैहलै गलील जो गाणा, तैड़ी तूसु तसेरा दर्शन पाणा! हेरा, ऐह गल्ल मैंई तूसु तक पुजाई दितिआ।”

8सो ड़रा सोगी अतै बड़ी खुशी सोगी कब्रा थऊँ झट तसेरै चेलै जो ऐह खबर हुणाणा दौड़ी गई। 9ता यीशु तियां जो मुळु। अतै बल्लू, “प्रणाम”। तियैं नेड़ै ईच्ची करी अतै तसेरै पैर पकड़ी करी तैसिओ दण्डवत् करू। 10ता यीशुऐ तियां जो बल्लू, “मत डरा; मेरै चेलै सोगी बला कि गलील जो चली गच्छा, तैड़ी तियां मिन्जो हेरना।”

पैहरैदारा री सूचना

11सो जनानी गाणा लगुरी थी कि पैहरैदारै नगर मन्ज ईच्ची करी पुरा हाल प्रधान याजका जो हुणाई दिता। 12ता तिन्यै स्याणै सोगी किठ्ठी करी सलाह करी अतै सपाई जो मती सारी चाँदी दी करी बल्लू, 13“सबी जो ऐह बलै कि राती जैहणै अहै सोऊ करदै थियै ता चेलै ईच्ची करी यीशु री लाहश जो चोरी लेई गच्छुरै हिन। 14अतै अगर हाकमा रै कना तक पुजली कि तुहै सोऊ करदै थियै ता अहै तैसिओ समझाई लैलै अतै तुसिओ सजा थऊँ बचाई लैलै।” 15ता तियैं पैसा लेई करी जियां प्रधान याजकै बलणै जो सखाये तियां ही तिईयें करू। ऐह गल्ल अजा तक यहूदी मन्ज प्रचलित हा।

यीशु फिरी हुजै अतै आखरी हूक्म

(मरकुस 16:14-18; लूका 24:36-49; यूहन्‍ना 20:19-23; चेलै रै कम 1:6-8)

16ग्यारह चेलै गलीला मन्ज तैस पहाड़ा पुर गै, जैतिओ यीशुऐ तियां जो दसुरा थू। 17तियैं तसेरा दर्शन पाई करी तैसिओ प्रणाम करू, पर कसकि कसकि जो शक भुआ। 18यीशुऐ तंयारै नेड़ै ईच्ची करी बल्लू, “स्वर्ग अतै धरती रा पुरा हक्क मिन्जो दितुरा हा। 19ठेरैतांये तुहै गच्छा अतै, सब जाति रै मणु जो चेला बणा तियां जो पिता, पुत्र अतै पवित्र आत्मा रै नां रा बपतिस्मा देय्आ, 20अतै तियां जो सब गल्ला जैड़ी मैंई तुसिओ हूक्म दितुरै मनणा सिखा अतै हेरा, अऊँ संसार रै अन्त तक तून्दै सोगी हा।”

Attualmente Selezionati:

मत्ती 28: GBKNT

Evidenzia

Copia

Confronta