मत्ती 6
6
पेंट दे बारै च शिखया
1“चकने रवो! तोस मनुक्खें गी दसने आसतै अपने तर्म दे कम नेई करो, नेई तां अपने सोर्गे दे पिता कोलां केश बी फल नेई पागे। 2एसकरी जेलै तू दान करें, तां अपने अग्गें टंढोरा नेई बजायां, जियां पखंडी, प्रार्थनाकार च ते गलीयें च करदे न, तां जे लोक उंदी सिफत करन। आंऊ थुआड़े कन्ने सच अखनां ऐ के ओ अपना नाम पाई चुके देन। 3पर जेलै तू दान करें, ते जे तेरा सज्जा हत्थ करदा ऐ, उसी तेरा खबे हत्थ नेई जानी सकै। 4तां जे तेरा दान खट्टे दा रवै, ते ओस बेलै तेरा पिता जेका गोप्त च दिखदा ऐ, तुगी नाम देग।
प्रार्थना करने दी शिखया
5“जिसलै तू प्रार्थना करै, ते पखंडीऐं आला लेखा नेई ओ, किके लोकें गी दसने आसतै प्रार्थनाकार च ते सिड़कें दे बश्कार खड़ोईयै प्रार्थना करना उनेंगी गी छैल लगदा ऐ। आऊँ थुआड़े कन्ने सच अखनां ऐ के ओ अपना नाम पाई चुके देन। 6लेकन जेसलै तू प्रार्थना करै, ते अपनी कमरे च जा; ते दराजा बंद करियै अपने पिता थमां जेड़ा ओस जगह गोप्त च ऐ प्रार्थना कर; ओस बेलै तेरा पिता जेड़ा गोप्त च दिखदा ऐ, तुगी नाम देग। 7प्रार्थना करदे बेलै दुई जातीयें आला लेखा बार बार नेई बोलेयो, किके ओ समझदे न के उंदे मता बोलने कन्ने उंदी सुनी जाग। 8इसै आसतै तोस उंदे जेया नेई बनो, किके थुआड़े पिता थुआड़े मंगने थमां पैलैं गै जानदा ऐ के तुसें गी के-के जरुरतां न।
9“तोस एस तरीके प्रार्थना करा करो
ऐ साड़े पिता, तू जेड़ा सोर्ग च ऐं; तेरा नां पवित्र मनया जा।
10तेरा राज अवै। तेरी मर्जी जियां सोर्ग च पूरी ओंदी ऐ, उआं गै तरती उपर बी ऊऐ।
11साड़े दिन पर दी रुट्टी जिन्नी अज्ज असैं चाईदी ऐ असेंगी दे।
12ते जेस चाली असैं अपने दुश्मनें गी माफ़ कित्ता ए, उआं गै तू बी साड़े पापें गी माफ़ कर।
13ते असेंगी परिख्या च नेई अन, लेकन शतान थमां बचा (किके राज ते समर्थ ते मैमा म्हेशा तेरे गै, आमीन)।”
14“एसकरी अगर तोस मनुक्ख दे पाप माफ़ करगे, तां थुआड़े सोर्ग दे पिता बी तुसेंगी माफ़ करग। 15ते जे तोस मनुक्ख दे पाप माफ़ नेई करगे, तां थुआड़े पिता बी थुआड़े पाप माफ़ नेई करग।”
उपवास दी शिखया
16“जिसलै तोस उपवास करो, तां पखंडीयें आला लेखा थुआड़े चेरे उपर दुआसी नेई छाई दी रवै, किके ओ अपना मुंह लमकाईयै रखदे न, तां जे लोग उनेंगी उपवासी समझन। आंऊ थुआड़े कन्ने सच आखना ऐं के ओ अपना नाम पाई चुके दे न। 17लेकन जिसलै तू उपवास रखें तां अपने सिरे उपर तेल मल ते मुंह तोओ, 18तां जे लोग नेई लेकन तेरा पिता जेड़ा गोप्त च ऐ, तुगी उपवास रखने आला जानें। एस आलत च तेरा पिता जेड़ा गोप्त च दिखदा ऐ, तुगी नाम देग।”
सोरग बेच तन्न किट्ठा करो
19“अपने आसतै तरती उपर तन्न किट्ठा नेई करो, जित्त्थें कीड़ा ते जंग खराब करदे न, ते जित्त्थें चोर सेतर लांदे ते चोरी करदे न। 20पर अपने आस्ते सोर्ग च तन्न किट्ठा करो, जित्त्थें नेई गै कीड़ा ते जंग खराब करदे न, ते जित्त्थें चोर न सेतर लांदे ते न चोरदे न। 21किके जित्त्थें तेरा तन्न ऐं उत्थें तेरा मन बी लगे दा रौग।
जिंदु दी लो
22“जिंदु दी लो अख आला लेखा ऐ; एसकरी जेकर तेरी आख ठीक उवै, तां तेरी सारी जेंद बी लोई च ओग। 23पर जेगर तेरी आख पैअडी उवै, तां तेरा सारा जेंद बी नेरे च ओग; एसकरी ओ लो जेकी तेरे च ऐ जेकर नहेरा उवै तां ओ न्हेरा जेड़ा तेरे अन्दर ऐ किन्ना बडा ओग!
किसे गल दी चेंता नेई करनी
24“कोई मानु दाऊँ मालकें दी सेवा एको बेलै नेई करी सकदा, किके ओ एक कन्ने बैर ते दुए कन्ने एर्ख रखग, जां एक कन्ने एर्ख रखग ते दुए गी तोछ समझग। तोस परमेसर ते तन्न-दौलत दौनीं दी सेवा नेई करी सकदे। 25एस आस्ते आऊँ तुसें गी आखना के अपने प्राण आसतै ऐ चिंता नेई करनी के अस के खागे ते के पीगे; ते नां अपनी जिंदु आसतै के के लागे। प्राण रुट्टी थमां, ते जेंद कपड़े कोलां बडी ए! 26अम्बर दे पैंछीयें गी दिखो! ओ नां राह्ंदे न, नां कटदे न, ते नां गै पांडार किट्ठा करदे न; पी बी थुआड़े सोरग दे पिता उनेंगी गी खलांदा ऐ। के तोस उंदे थमां मता मोल नेई रखदे? 27थुआड़े च ऐसा कोन ऐ, जेड़ा चिंता करियै अपनी उम्र बिचा एक कड़ी बी बदाई सकदा ऐ?
28“ते कपड़े आसतै के चेन्त्ता करदे ओ? जंगली घाह दे फूलें उपर ध्यान करो के ओ कियां बददे न; ओ नां गै मेंनत करदे, न नां कतदे न। 29तां बी आंऊ थुआड़े कन्ने आखना ऐ के सुलैमान राजा बी, अपनी सारी शानो-शौकत च उंदे बिचा कोदे आला लेखा कपड़े नेई लांदे नेई पादे हे। 30एसकरी जेलै परमेसर मदान दे काह गी, जेड़ा अज्ज ऐ ते कल अग्गी च सुट्ट्या जाग, ऐसा कपड़ा लुआंदा ऐ, ते ऐ कट विश्वास आलियो, तुसेंगी ओ कि नेई लुआग?
31“एसकरी तुसें चैनता करियै ऐ नीं आखना के अस के खागे, जां के पीगे, जां के लागे। 32किके गैर जातीयां इन्हें चीजें दी खोज बेच रैंह्दे न, लेकन थुआड़ा सोर्ग दा पिता जानदा ऐ के तुसेंगी इनें सब चीजें दी जरुरत ऐ। 33एस आसतै पैलैं तोस परमेसर दे राज ते ओदे तर्म गी टूंडो ते ऐ सब चीजां बी तुसें मिली जांघन। 34एसकरी कल दी चिंता नेई करो, किके कल दा धयाडा अपनी चैनता अप्पुं करी लैह्ग; अज्ज आसतै अज्जे दा दुःख गै मता ऐ।”
Attualmente Selezionati:
मत्ती 6: DOG
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
This work is licensed under Creative Commons Attribution-ShareAlike 4.0 License.
