HOSEA 14
14
1Wee Isiraeli-rĩ, cokerera Jehova Ngai waku; amu ũkĩrĩ mũgũu nĩ ũndũ wa waganu waku. 2Oya ndeto-ĩ, ũcoke kũrĩ Jehova, ũkĩmwĩre atĩrĩ, Eheria waganu wothe, na ũiyũkie ũndũ ũrĩa mwega; na noguo ithuĩ na ithuĩ tũrĩrutaga ĩheo cia mĩromo iitũ ituĩke ta ndegwa cia magongona. 3Ashuri ndangĩtũhonokia; na tũtigũcoka gũthiaga tũhaicĩte mbarathi; o na tũtigũcoka rĩngĩ kwĩra indo iria tũrutĩire wĩra na moko maitũ ũũ, Inyuĩ mũrĩ ngai ciitũ. Amu-rĩ, thĩinĩ waku wee, ciana cia ngoriai nĩciiguagĩrũo tha.
4Na niĩ-rĩ, nĩ kũhonia ngũmahonia kũrĩa macokete na thutha, na ndĩmende mũno o ndĩyendeire; amu-rĩ, marakara makwa nĩmamwehereire. 5Na nĩngũtuĩka ta ireera harĩ Isiraeli; nake-rĩ, nĩarĩrutaga kĩro ta gĩtoka, na atambie mĩri yake ehande ta mĩtarakwa ya Lebanoni. 6Honge ciake, ningĩ, no ithuune, na ũthaka wake ũtuĩke ta wa mũtamaiyũ, o na mũtararĩko wake naguo ũtuĩke ta wa Lebanoni. 7Arĩa matũũraga kĩĩgunyĩ-inĩ gĩake-rĩ, no macoke kũrurumũka ta ngano, na magĩe kĩro ta mũthabibu; mũtararĩko wao ũtuĩke ta wa ndibei ya Lebanoni. 8Nake Efiraimu ariuga atĩrĩ, Kaĩ ndĩ na bata ũrĩkũ na mĩhianano kuuma rĩu? Niĩ nĩndĩmũcokeirie ũhoro, na nĩndĩĩmũbaraga. ’Haana ta mũkarakaba mũruru. Namo maciaro maku-rĩ, marĩkoragwo moimĩte harĩ niĩ.
9Nũ mũũgĩ, aiguage maũndũ macio? Nĩ ũrĩkũ mũbarĩrĩri, amamenyage? Amu-rĩ, njĩra cia Jehova nĩ njerekereru, nao arĩa athingu no matũũre mathiaga nacio; no arĩa aagarari-watho maacigera-rĩ, marĩtirũkaga.
Attualmente Selezionati:
HOSEA 14: OGKBIBLE
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
©Bible Society of Kenya, 2019