Va le Roma 13
13
1Ngha na munwe ni munwani a ingisa a mufumo; hakuva a ku na mufumo wu nga yimiswangiko hi Nungungulu; a wuhosi legi gi nga kona gi yimisilwe hi Nungungulu. Dan. 2:21; Joh. 19:11; 1 Kor. 7:21
2Hikwalaho loyi a alako mufumo, i vukela a kulaya ka Nungungulu; ni lava va ku vukelako va ta koniwa.
3Hakuva a vafumeli a va chabyiwi hi munhu loyi a mahako kusaseka, sine loyi a mahako kubiha. Xana wa ranza a kuva u nga chavi mufumo ke? Maha lezi zo saseka, na wena u ta dzunziwa ha wona. 2 Sam. 23:3; Tis. 94:20; 1 Ped. 3:13
4Hakuva a mufumeli i nanza ga Nungungulu a ku ku mahela zo saseka. Kanilezi loku u maha lezi zi bihileko, chava; hakuva mufumeli a nga khomi supado mahala; hakuva yena i nanza ga Nungungulu, a muphoteli wa zanga ka loyi a mahako kubiha.
5Hikwalaho zi lavekile a kuva mu ingisa, na ku nga hi kota ya ku chava zanga ntsena, kanilezi kambe hi kota ya livalo. Mutsa. 8:2
6Hi xigelo lexi mu humesa mikhupo; hakuva a vafumeli malanza ya Nungungulu, ma pinyamileko ntirweni lowu.
7Nyikani ka vontlhe lezi zi va faneleko: a khupo ka loyi a faneleko ku khupelwa; a nzhuvo ka loyi a faneleko ku lubyiwa; mu chava loyi a faneleko ku chabyiwa, mu dzunza loyi a faneleko ku dzunziwa. Levi 19:3; Lu. 20:25
8Ngha mu nga hi na nanzu ka munhu, sine ku ranzana ntsena; hakuva loyi a ranzako a munhu-kulobye i tatisa nayo. Mat. 7:12
9Hakuva a milayo leyi yi nge ngalo: U nga bhayi, U nga dayi, U nga yivi, U nga naveli, hambu ni wihi nayo munwani, yontlhe yi tlhanganyisilwe mhakeni leyi yaku: U ta ranza a waakelane kota lezi u ti ranzako wutsumbu. Levi 19:18; Gal. 5:14; Kol. 3:14
10A liranzo a li mahi za kubiha ka waakelane wakwe; hikwalaho a liranzo hi kutatisa ka nayo.
11Mahani zontlhe lezi, hakuva ma zi tiva lezaku xikhati xa ku vuka wurongweni; hakuva i nyamutlha lezi a kuhanyiswa ku le kusuhi na hina a ku hunza a xikhatini lexo hi nga sangula ku kholwa. 1 Kor. 15:34
12A wusiku gi hunzile, ni kuca ku tshinele; hikwalaho a hi tsikeni a mitiro ya munyama, hi hloma a matlhari ya kuwonekela. Efe. 6:13
13A hi fambeni hi fanelo, khwatsi hi laha hlikanhini; na ku nga hi wudakwa ni kupopiwa, ni wuoswi, ni manyala, ni kuholovisana, ni wukhuxu. Fil. 4:8; Jak. 3:14
14Kanilezi ambalani a Hosi Jesu Kristu, mu nga alakanyeli a nyama, a kuva mu lanza a kunavela ka yona. Gal. 3:27; 5:16
Attualmente Selezionati:
Va le Roma 13: TSC72
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Tshwa Bible © Bible Society in Mozambique, 1972, 2007.
