Kuvululelwa 6
6
A ntlhanu wa zifungo ni zimbiri.
1Mina nzi lo wona laha a Yivana yi nga namula xinwe xa zifungo lezi za ntlhanu ni zimbiri; na nzizwa xinwe xa ximahwa lezi za mune zi hanyako, xi wula hi gezu ga kudzinza, xiku: Tana!
2Nzi lo cuwuka, nzi wona a haxi go basa; ni loyi a nga khilele hehla ka gona i wa hi ni wura; i lo nyikwa xidlodlo, i lo huma kota muhluli a yako kuhluleni. Tis. 45:4, 5; Zak. 6:3-11
3Laha yi nga namula a xifungo xa wumbiri, nzi lozwa a ximahwa xa wumbiri, xiku: Tana!
4Ku lo huma ginwani haxi, go pswhuka; loyi a nga khilele hehla ka gona i lo hiwa ntamu a kuva a susa kurula misaveni, kasi va dayana; i lo nyikwa a supado ya hombe. Zak. 6:2
5Laha yi nga namula a xifungo xa wunharu, nzi lozwa a ximahwa xa wunharu, xiku: Tana! Nzi lo cuwuka nzi wona a haxi ga ntima, ni loyi a nga gi khilele i wa hi ni xikalo canjeni gakwe.
6Nzi lozwa ku khwatsi i gezu xikari ka zimahwa zi hanyako za mune, giku: A litro yinwe ya tirigo i cheleni, ni tilitro tinharu ta sevada i cheleni; kanilezi u nga onhi a mafura ni vinya. Xip. 9:4
7Laha yi nga namula a xifungo xa wumune, nzi lozwa a gezu ga ximahwa xa wumune, giku: Tana!
8Nzi lo cuwuka nzi wona a haxi go balala; ni loyi a nga gi khilele a vito gakwe i wa hi Kufa, a wutshamu ga vafileko gi lo mu lanzela. Va lo nyikwa ntamu hehla ka xipanze xa wumune xa misava, kasi ku daya hi supado, ni ndlala, ni ntungu, ni zihari za misava! Levi 26:22; Ezek. 14:21; Zak. 6:3
9Laha yi nga namula a xifungo xa wuntlhanu, nzi lo wona lahasi ka alati a mihefemulo ya lava va delweko hi kota ya mhaka ya Nungungulu, ni wukustumunyu legi va nga hi nago. Tis. 40:3; Dan. 4:1; Rom. 3:24
10Va loba huwa hi gezu ga hombe, vaku: Hosi yo basa ni ya zinene, ku ta kala rini u nga lamuli u photela a nkhata wa hina ka lava va akileko misaveni ke? Ekso. 19:6; 1 Ped. 2:5, 9
11Ku lo hiwa ka munwe ni munwani wa vona a nguwo yo basa yo leha; va lo byeliwa a kuva va humula xikhatanyana, wu kala wu tatiseka a ntsengo wa malanza-kulobye ni vamakabye lava va ta nga dawa khwatsi hi vona. Tis. 68:17; Maheb. 12:22
12Nzi lo wona laha yi nga namula a xifungo xa wuntlhanu ni xinwe, ku wa hi kona a kutsekatseka ka hombe ka misava; a gambo gi lo hunzuka gi maha ntima khwatsi hi nguwo ya xirilo, a hweti yontlhe yi lo maha ku khwatsi i nkhata. Joeli 2:31; Mat. 24:29
13A tinyeleti ta tilo ti lowa misaveni, kotisa nkuwu wu tlhatlhako a makuwu ya wona ya mambisi, loku wu ninginizwa hi mheho ya hombe.
14A tilo gi lo suswa khwatsi hi bhuku loku gi: songiwa; ni zitsunga zontlhe ni zihlale zi lo suswa wutshanwini ga zona. Isa. 34:4; Jer. 3:23; Xip. 16:20
15A tihosi ta misava, ni tihosana, ni tinduna ta hombe, ni vanhu va fumileko, ni vanhu va ntamu, ni tikhumbi tontlhe ni lava va tlhatlhekileko, va lo fihlala mikovotlweni ni lomu maribyeni ya zitsunga; Isa. 2:19
16vaku ka zitsunga ni le maribyeni: Wanani hehla ka hina, mu hi fihla nghoheni ya loyi a tshamileko xitshanwini xa wuhosi, ni khulweni ga Yivana. Hos. 10:8; Lu. 28:30
17Hakuva a siku ga hombe ga khulo gabye gi chikele, himani a zi kotako ku yima ke? Tis. 76:7; Zef. 1:14
Attualmente Selezionati:
Kuvululelwa 6: TSC72
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Tshwa Bible © Bible Society in Mozambique, 1972, 2007.
