सपन्याह 2
2
1हे बेशर्म जात के माणसों, कठ्ठे हो! 2इसतै पैहल्या के सजा का हुकम पूरा हो अर बचाव का दिन भूसी की तरियां लिकड़ै, अर यहोवा का भड़कदा होया छो थारे पै आण पड़ै, अर यहोवा के छो का दिन थारे पै आवै, थम कठ्ठे हो। 3हे धरती के सारे नम्र माणसों, हे यहोवा के नियम नै मान्नण आळेयो, उसनै ढूँढ़दे रहो; धार्मिकता तै ढूँढ़ो, नम्रता तै ढूँढ़ो; हो सकै सै थम यहोवा के छो कै दिन म्ह शरण पाओ।
4क्यूँके गाज़ा शहर तो निर्जन अर अश्कलोन शहर उजाड़ हो जावैगा; अश्दोद शहर के बासिन्दे दिन-दोफारी लिकाड़ दिए जावैंगे, अर एक्रोन शहर उखाड़या जावैगा।
5समुन्दर तट के रहण आळयां पै हाय; करेती#2:5 करेती पलिश्तियाँ माणसां की एक जात सै। जात पै हाय; हे कनान, हे पलिश्तियाँ के देश, यहोवा का वचन तेरै खिलाफ सै; अर मै तेरे ताहीं इसा नाश करुँगा के तेरै म्ह कोए न्ही बचैगा। 6अर उसे समुन्दर तट पै पाळीयाँ के घर होवैंगें अर बाड़याँ समेत चराई ए चराई होवैगी। 7यानिके वोए समुन्दर तट यहूदा के घरान्ने के बचे होया नै मिलैगा, वे उसपै चरावैंगे; वे अश्कलोन के छोड्डे होए घरां म्ह साँझ ताहीं बोहड़ैगें, क्यूँके उनका परमेसवर यहोवा उनकी सुधि लेकै उनकी समृद्धि नै लौटा ले जावैगा।
8“मोआब नै जो मेरी प्रजा की बदनाम्मी अर अम्मोनियाँ नै जो उसकी निन्दा करकै उसके देश की हद पै चढ़ाई करी, वो मेरे कान्नां ताहीं पोहची सै।” 9इस करकै इस्राएल के परमेसवर, सेनाओं के यहोवा की या वाणी सै, “मेरे जीवन की कसम, जरुर मोआब सदोम#2:9 परमेसवर नै सदोम अर अमोरा नै ज्वालामुखी की तरियां फटण आळी चीज तै नाश करया क्यूँके उननै बुराई करी थी। (उत्प. 19:23-29) की तरियां, अर अम्मोनी गमोरा की तरियां बिच्छु दरखत्तां की जगहां अर नूण की खान हो जावैंगे, अर सदा उजड़े रहवैंगे। मेरी प्रजा के बचे होए उननै लूटैंगे, अर मेरी जात्ति के बाकी माणस उननै अपणे हिस्से म्ह पावैंगें।” 10यो उनके गर्व का बदला होगा, क्यूँके उननै सेनाओं के यहोवा की प्रजा की बदनाम्मी करी, अर उसपै बड़ाई मारी सै। 11यहोवा उननै डरावणा दिखाई देवैगा#2:11 यहोवा उननै डरावणा दिखाई देवैगा यानिके यहोवा के न्यायोचित सजा की घटनावां जरिये मोआब अर अम्मोन पै।, वो धरती भर के देवत्यां नै भूखा मार देगा, अर जात्ति-जात्ति के सारे द्वीपां के बासिन्दे अपणी-अपणी जगहां तै उस ताहीं दण्डवत करैगें।
12हे कूशियों#2:12 इस पद म्ह कूशी 25 वे राजवंश (ईसा पूर्व) तै मिस्री माणसां खात्तर खड़े होवैंगे अर सिंहासन कूशियाँ कै जरिये ले लिया गया होगा। इस भविष्यवाणी तै तीस साल पैहला ही उनका राज खतम होग्या था। , थम भी मेरी तलवार तै मारे जाओगे। 13वो#2:13 इतिहास कै मुताबिक 612 ईसा पूर्व म्ह मिद्दियाँ अर बाबेलवासियाँ नै नीनवे पै कब्जा कर लिया था। हो सकै सै के सपन्याह इस भविष्यवाणी नै पूरा होन्दे देखण खात्तर जिन्दा रह्या होवैगा। नहूम की किताब म्ह इस आनन्द नै दिखाया गया सै जिस म्ह नीनवे के गिरण की खबर पै अश्शूरी राज के जरिये सताव दिखाया गया सै। वो शहर पूरी तरियां खतम हो गया था जिब यात्री जेनोफोन 401 ईसा पूर्व म्ह आया था पर उसनै इसका कोए सबूत ना मिल्या। अपणा हाथ उत्तर दिशा की और बढ़ाकै अश्शूर के देश नै नाश करैगा, अर नीनवे की राजधानी ताहीं उजाड़ कै जंगळ की तरियां निर्जल कर देवैगा। 14शहर कै बीच म्ह सारी ढाळ के जंगळी-पशु झुण्ड के झुण्ड बैठेंगे; उसके खम्भ्यां की कँगणियाँ पै धनेश अर साही दोन्नु रात नै बसेरा करैंगे अर उसकी खिड़कियाँ म्ह बोल्या करैंगे; उसकी देहळी सून्नी पड़ी रहवैंगी, अर देवदार की लाकड़ी उघाड़ी जावैगी। 15या वाए नीनवे का नगर सै जो मगन रहया करदी अर निडर बैठ्ठी रहवै थी, अर सोच्चै थी के मै ए सूं, अर मेरे ताहीं छोड़ और कोए सै ए न्ही। पर इब या उजाड़ अर जंगळी-पशुआं के बैठण की जगहां बणगी सै, उरै ताहीं के जो कोए इसकै धोरै होकै चाल्लै, वो ताळी बजावैगा अर हाथ हिलावैगा।
Attualmente Selezionati:
सपन्याह 2: BGC
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.