उत्पत्ति 5
5
आदम की वंशावली
1आदम की पीढ़ी इस तरियां सै। जिब परमेसवर नै माणस की सृष्टि करी फेर अपणे ए स्वरूप म्ह उस ताहीं बणाया। 2उसनै नर अर नारी करकै माणस जात की सृष्टि करी अर उन ताहीं आशीष दी, अर उनकी सृष्टि कै दिन उसका नाम आदम धरया। 3जिब आदम एक सौ तीस साल का होया, तो उसकै जरिये उसकी समानता म्ह उसे कै स्वरूप कै मुताबिक एक बेट्टा पैदा होया। उसनै उसका नाम शेत धरया। 4शेत कै जन्म कै बाद आदम आठ सौ साल जिन्दा रह्या, अर उसकै और भी बेट्टे-बेटियाँ पैदा होए। 5आदम नौ सौ तीस साल तक जिन्दा रहया, अर उसकै बाद वो मर ग्या।
6जिब शेत एक सौ पाँच साल का था, तो उसतै एनोश पैदा होया। 7एनोश कै जन्म कै बाद शेत आठ सौ सात साल जिन्दा रह्या, अर उसकै और भी बेट्टे-बेटियाँ पैदा होए। 8इस तरियां शेत की कुल उम्र नौ सौ बारहा साल की होई; उसकै बाद वो मर ग्या।
9जिब एनोश नब्बे साल का होया, फेर उसनै केनान ताहीं जन्म दिया। 10केनान कै जन्म कै बाद एनोश आठ सौ पन्द्रह साल जिन्दा रह्या, अर उसकै और भी बेट्टे-बेटियाँ पैदा होए। 11इस तरियां एनोश की कुल उम्र नौ सौ पाँच साल की होई; उसकै बाद वो मर ग्या।
12जिब केनान सत्तर साल का होया, फेर उसनै महललेल#5:12 महललेल परमेसवर की स्तुति ताहीं जन्म दिया। 13महललेल के जन्म कै बाद केनान आठ सौ चाळीस साल जिन्दा रह्या, अर उसकै और भी बेट्टे-बेटियाँ पैदा होए। 14इस तरियां केनान की कुल उम्र नौ सौ दस साल की होई; उसकै बाद वो मर ग्या।
15जिब महललेल पैंसठ साल का होया, फेर उसनै येरेद ताहीं जन्म दिया। 16येरेद कै जन्म कै बाद महललेल आठ सौ तीस साल जिन्दा रह्या, अर उसकै और भी बेट्टे-बेटियाँ पैदा होए। 17इस तरियां महललेल की कुल उम्र आठ सौ पिचाणवे साल की होई; उसकै बाद वो मर ग्या।
18जिब येरेद एक सौ बासठ साल का होया, जिब उसनै हनोक ताहीं जन्म दिया। 19हनोक कै जन्म कै बाद येरेद आठ सौ साल जिन्दा रह्या, अर उसकै और भी बेट्टे-बेटियाँ पैदा होए। 20इस तरियां येरेद की कुल उम्र नौ सौ बासठ साल की होई; उसकै बाद वो मर ग्या।
21जिब हनोक पैंसठ साल का होया, फेर उसनै मतूशेलह ताहीं जन्म दिया। 22मतूशेलह कै जन्म कै बाद हनोक तीन सौ साल ताहीं परमेसवर कै गैल-गैल चालदा रह्या, अर उसकै और भी बेट्टे-बेटियाँ पैदा होए। 23इस तरियां हनोक की कुल उम्र तीन सौ पैंसठ साल की होई। 24हनोक परमेसवर कै गैल-गैल चाल्या करदा; फेर एक दिन वो न्ही रह्या क्यूँके परमेसवर नै उस ताहीं ठा लिया।
25जिब मतूशेलह एक सौ सत्तासी साल का होया, फेर उसनै लेमेक ताहीं जन्म दिया। 26लेमेक के जन्म कै बाद मतूशेलह सात सौ बियास्सी साल जिन्दा रह्या, अर उसकै और भी बेट्टे-बेटियाँ पैदा होए। 27इस तरियां मतूशेलह की कुल उम्र नौ सौ उनहत्तर साल की होई; उसकै बाद वो मर ग्या।
28जिब लेमेक एक सौ बियास्सी साल का होया, फेर उसकै एक बेट्टा पैदा होया। 29उसनै न्यू कहकै उसका नाम नूह धरया, के “यहोवा नै जो धरती तै श्राप दिया सै, उसकै बारै म्ह यो छोरा म्हारे काम म्ह, अर उस कड़ी मेहनत म्ह, जो हम करा सां, हमनै शान्ति देवैगा।” 30नूह के जन्म कै बाद लेमेक पाँच सौ पिचाणवे साल जिन्दा रह्या, अर उसकै और भी बेट्टे-बेटियाँ पैदा होए। 31इस तरियां लेमेक की कुल उम्र सात सौ सतहत्तर साल की होई; उसकै बाद वो मर ग्या।
32अर नूह पाँच सौ साल का होया; अर नूह तै शेम, अर हाम अर येपेत का जन्म होया।
Attualmente Selezionati:
उत्पत्ति 5: BGC
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
