यहेजकेल 35
35
एदोम नै परमेसवर की सजा
1यहोवा का यो वचन मेरै धोरै पोहच्या 2“हे माणस की सन्तान, अपणा मुँह सेईर पहाड़ की ओड़ करकै उसके खिलाफ भविष्यवाणी कर, 3अर उसतै कह, परमेसवर यहोवा न्यू कहवै सै: हे सेईर पहाड़, मै तेरै खिलाफ सूं; अर अपणा हाथ तेरै खिलाफ बढ़ाकै तेरे ताहीं उजाड़ ए उजाड़ कर दियुँगा। 4मै तेरे नगरां नै खण्डहर कर देऊँगा, अर तू उजाड़ हो जावैगा; फेर तू जाण लेवैगा के मै यहोवा सूं। 5क्यूँके तू इस्राएलियाँ तै युग-युग की दुश्मनांई राक्खै था, अर उनकी विपत्ति के बखत जिब उनके अधर्म की सजा का बखत पोहच्या#35:5 उनके अधर्म की सजा का बखत पोहच्या यानिके उस बखत जिब सेईर के कब्जे तै इस्राएल का अधर्म खतम हो गया (यहे. 21:29), फेर उन ताहीं तलवार तै मारे जाण ताहीं दे दिया। 6इस करकै परमेसवर यहोवा की या वाणी सै, मेरे जीवन की कसम, मै तेरे ताहीं हत्या करे जाणकै खात्तर त्यार करुँगा अर खून तेरा पिच्छा करैगा; तू तो खून तै घिण ना करै था, इस कारण खून तेरा पिच्छा करैगा। 7इस तरियां मै सेईर पहाड़ नै उजाड़ ए उजाड़ कर दियुँगा, अर जो उस म्ह आन्दा-जान्दा हो, मै उस ताहीं नाश करुँगा। 8मै उसके पहाड़ां नै मारे होया तै भर दियुँगा; तेरे टील्यां, तराइयां अर सारे नाळयां म्ह तलवार तै मारे होए गिरैंगे! 9मै तेरे ताहीं युग-युग कै खात्तर उजाड़ कर दियुँगा, अर तेरे नगर फेर न्ही बसैंगे। फेर थम जाणोगे के मै यहोवा सूं।”
10“क्यूँके तन्नै कह्या सै, ‘ये दोन्नु जात#35:10 ये दोन्नु जात इस्राएल अर यहूदिया अर ये दोन्नु देश मेरे होवैंगे; अर हम ए उनके माल्लिक हो जावांगे,’ तोभी भी यहोवा ओड़ै था। 11इस कारण, परमेसवर यहोवा की या वाणी सै, मेरे जीवन की कसम, तेरे छो कै मुताबिक, अर जो जळजळाहट तन्नै उनपै अपणे बैर कै कारण करी सै, उसे कै मुताबिक मै तेरे तै बरताव करुँगा, अर जिब मै तेरा न्याय करुँ, फेर थारे म्ह अपणे आप नै प्रगट करुँगा। 12तू जाणैगा, के मन्नै यहोवा नै तेरी सारी बदनाम्मी की बात सुणी सैं, जो तन्नै इस्राएल के पहाड़ां कै बारै म्ह कही, ‘वे तो उजड़गे, वो म्हारे ताहीं ए दिए गए सैं के हम उननै खा जावां।’ 13थमनै अपणे मुँह तै मेरे खिलाफ बड़ाई मारी, अर मेरे खिलाफ घणी बात कही सैं; इस करकै मन्नै सुण्या सै। 14परमेसवर यहोवा न्यू कहवै सै: जिब धरती भर म्ह आनन्द होवैगा, फेर मै तेरे ताहीं उजाड़ दियुँगा 15तू इस्राएल के घरान्ने के खास हिस्से के उजड़ण कै कारण आनन्दित होया, इस करकै मै भी तेरे तै उसाए करुँगा; हे सेईर पहाड़, हे एदोम के सारे देश, तू उजाड़ हो जावैगा। फेर वे जाण लेवैंगे के मै यहोवा सूं।”
Attualmente Selezionati:
यहेजकेल 35: BGC
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
