Sakaria 11
11
Israel Bekisine Badubo Abi Bubo
1Lebanon, lɛmi ƒula ɔban kɔyakun wi
na ogya uduo-ku kemmo
na ɔkyula ƒula egyii enengudi kpakplaa ammɔ.
2Na amii egyii lidu bamba lɛnɔ biteewulo,
ɔsika egyii enengudi kpakplaa ammɔ atɛ kalɔ eebun.
Lɛni kani na amii Basan kalɔ egyii enengudi kpakplaa ammɔ lɛnɔ biteewulo,
ɔsika bina lɛkumiɔ lɛmmɔ lɛ́yii udu.
3Bise atu na binu! Baƒonu badane beewulo
ka bana bebuo kadikɔ ƒui káyii udu
ka livo buni lɛsɔ liiibo ɔsu.
Binu! Bagyata baakwanyi,
ɔsika Yordan Ɔkwalɛ aku ƒui áyii udu
na asɔ eeebo na ukyuli ɔnu.
Baƒonu Badane Inyɔ Badi Lɛlɔ Kɔtɛ
4Mina Unwoti Katɔti ɔ́su-mi ɔnini, “Baƒonu bani na nka béedie bése ka badu mmɔ ni, nu-ma lɛlɔ! 5Bekyuli bani muuyé-ma taatádu bakɛ ƒaa ɔni na balani ɔdi kɔtu. Na bani lɛnɔ muuti-ma teeye mmɔ ama enu na baakɔliku katɔ taasu banini, ‘Bɔɔgyá Unwoti enu ka bɔ́kɛ egulabi.’ Na baƒonu bammɔ baládu bana badane muedi kaƒɔ. 6Nu baƒonu bammɔ lɛlɔ, ɔsika ami Unwoti nsɔ lɛɛɛdubo kalɔ kamɛni lɛlɔ bekyuli kɔnyana bɔnu. Mmomu ndubɔya na bata benye lɛlɔ lɛlɔ na benwini kabla bablane bete ɔga ɔdi. Badubuti ɔgbankpi bonwu beboku kalɔ kammɔ lɛlɔ, na lɛɛɛdubo lɛla lɛdi bɔbla na likpo lidie-ma.”
7Anwuɔsu baƒonu bani na balati bédie bése ka badu mmɔ ni, línwini bana lɛlɔ ɔnune. Na ligyii inyɔ lɛni nda mɔɔkpanku-ma mmɔ ni, lɛ́sia-ni anyi. Na unwi mɔɔlɔ nnii Kɔnyana Bɔnu, na unyɔdi mɔɔlɔ nnii Unwi Bɔbla. 8Útedu kɔbuli kunwi asa na lɛ́ya na baƒonu badane ɛtɛ badi bátɔlɔ.
Na lɛ́nu ka baƒonu balayɔ-mi litemi, na ńsɔ ńtakɛ kayi ńtete-ma. 9Mmɔ na lɛ́su nnini, “Líni na nsɔ lɛɛɛdubo-mii bɔda aani baƒonu ɔdane kalɛ. Si baƒonu bani na bukpi na badubo ni, bakana na beteekpi. Na bani na badubo-ma udu bɔyila lɛnɔ ni, bakana na bataayila-ma udu. Na bakladi lɛnɔ bakana na bataakun lɛlɔ ku ngba ku ngba.”
10Limeyi lɛmmɔ kani lɛlɔ na lɛ́ƒɛ ugyii ɔni na nka mɔɔlɔ nnii Kɔnyana Bɔnu líti mɔɔtina ka Unwoti úbile bunyimi bɔni na únyimi ku bekyuli ƒui. 11Na kalɛ na úbile bunyimi bɔmmɔ ni, bekyuli bani mɔɔdi baƒonu bamɛni kuye bani nánu-mi ni, báti kɔnakunwi ka linyesia lɛmɛni lɛ́si Unwoti kudɔ. 12-13Lɛ́su-ma nnini, “Bɛƒɔ-mi mina kayu si bɛdubɔkana. Na si ulebo-nwu kemmo lɛni lɛnɔ ni, na bɛyiƒala lɛla biala.” Anwuɔsu báƒɔ-mi kayu kani ndi sika ɔƒualadi bebi avlaatɛ.
Mmɔ na Unwoti ɔ́su-mi ɔnini, “Bo sika ɔmmɔ wi ɔvɔne ɔmmɔ.” Anwuɔsu ami lɛnɔ líbo sika ɔmmɔ líwi-nwu na Katɔti kakpakɔ. 14Ɔmmɔ kama lɛ́ƒɔ ugyii ɔni na mɔɔlɔ nnii Unwi Bɔbla, na ɔ́tina ka líkulo kɔna kɔni nkya Yudaƒuɔ ku Israelƒuɔ ntɛ.
15Ɔmmɔ kama ni, Unwoti ɔ́su-mi ɔnini, “Sɔ taabla ƒula baƒonu ɔdane kabla aani baƒonu ɔdane ɔni lɛlɔ neeebo kɔsia kɔdi. 16Na nsɔ ndubo bɔya na ukyuli keeke ɔni naaadaku unwini baƒonu bammɔ ɔdane. Ukyuli ɔni naaadubo bɔdaku baƒonu bani mɔɔyii ulu ulakpete bani muuƒi na ɔbwi-ma iye ute-ma adila muedi na badi. Mmomu anwu ɔlati ɔdubɔkun baƒonu bani nélie lɛmwi mmɔ ƒui, na kebu ekubi ekubi.
17“Bɔbuɛ ute awɔ baƒonu ɔdane keeke ɔni neeebo kɔsia na eedie baƒonu atu! Mɔɔwia ka nka kewii kekulo-ɔ kɔnu na ɔbla lɛnuku, na ƒula kɔdianu lɛnumi lɛnɔ lɛbwɛ.”
Attualmente Selezionati:
Sakaria 11: lef
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.