Xo̱jo̱n Salmoo̱ 70
70
¡Tsá ndibékasíke̱jení!
Só xi katsꞌénda Ndabii̱.
1¡Ji Ne, ja̱bíꞌna̱xiéꞌéní!
¡Tsá ndibékasíke̱jení Ji Ne!
2Ngateꞌeé kjo̱a̱soboá ko̱jo ni̱ma̱kjo̱a̱ nga niꞌán,
kui xota̱ xi ndyi̱mongase nga an sa̱ꞌínkꞌiénna.
¡Ngatjíni nga̱xto̱n, ko̱jo ngatamatsobéjii̱n
kui xota̱ xi mejeén nga ni xi ndajín ka̱mana!
3Ngatjíni nga̱xto̱n, kó kui nii̱ xi nga ngatama chjií,
kui xota̱ xi chꞌo tsóna nga: éa éa, ndyi̱tsó.
4¡Ta̱nga tsjangatamaa̱, kó tsjangatꞌieé kjo̱a̱a̱ ji,
ngayeje xota̱ xi ji ndyi̱mongasee̱!
Kó kui xota̱ xi ndyi̱tsꞌèntjó kjo̱a̱ꞌnaxiéꞌáa̱, ngatsjéni̱xtjin nga bi̱ nga tsó:
¡Ngatꞌieé kjo̱a̱je Néná!
5Ta̱nga an achichí ndasen, ko̱jo ni̱ma̱ tsꞌén tikón an.
¡Ji Ne, tsá ndibéchin chiíní!
¡Jí boá xi bosíke̱jení, ko̱jo xi kiniꞌíndéní!
¡Ji Ne, ngata̱ niꞌínkꞌandíyejín Ji!
Attualmente Selezionati:
Xo̱jo̱n Salmoo̱ 70: MAIX
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014