Xo̱jo̱n Salmoo̱ 122
122
¡Ngatꞌié kjo̱a̱xió na̱xi̱ńdáꞌniú Jerusale̱n!
Só xi katsꞌénda Ndabii̱.
1Achichí tsjá kamána nga bi̱ kiꞌmína:
¡Tjiàn Ndiꞌaa̱ Néná!
2¡Ji na̱xi̱ńdáꞌniú Jerusale̱n,
ndsa̱kojne̱ je ki̱a̱ síndo ki̱a̱ tꞌa nga̱ntjo̱a̱a̱!
3Ji na̱xi̱ńdáꞌniú Jerusalee̱n,
ji xi nda tsꞌén ko̱jo ꞌniú kamánda ji,
4nínga fínijíngí xota̱ tji̱e̱e̱, xota̱ tji̱e̱ xi tsi̱ꞌe̱ Néná,
xikótsꞌèn tikón kjo̱a̱xcha̱á xota̱ Israee̱l,
nga tsja̱á ndokꞌóchji̱ì Jaꞌeén Néná,
5ngatꞌa̱ ki̱a̱ boá nínga síndo ngi̱ndie nínga niꞌánjeé xotaa̱,
nínga tikón ngi̱ndie nínga botíxomaa̱ xota̱ ndiꞌaa̱ Ndabii̱.
6ꞌNiú chji̱a̱ꞌajnúu̱ Néná kjo̱a̱a̱ kjo̱a̱xioó na̱xi̱ńdáꞌniú Jerusale̱n.
Nda ngatjií xota̱ xi tjoó ji.
7Ngatꞌieé kjo̱a̱xió ngi̱yaa̱ xó xí tjíchjáꞌyáni ji,
ko̱jo ngi̱yaa̱ ndo̱bo̱a̱xáa̱.
8Ta̱ngatꞌanii̱ nga tjóna ntsꞌié án, ko̱jo xota̱ xi nijan ma an nga, bi̱ xi̱a̱n án ngotꞌe̱:
Ngatꞌieé kjo̱a̱xió ngi̱jìi̱n.
9Ta̱ngatꞌanii̱ nga tjóna Ndiꞌaa̱ Ndi̱a̱ná kui xi Néná,
sa̱ꞌin an kjo̱a̱ꞌniú nga nda ka̱mataꞌin ji.
Attualmente Selezionati:
Xo̱jo̱n Salmoo̱ 122: MAIX
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014