Malakai 4
4
1Dai a cheena ate bolim tuiluk ale dɛ kanjanta nyama ale wabaata nyama ase wuuk la. Naawen Dii Ale A Dɛ Tugurik Tɔŋdɔma Niŋ La a weeni ayen dai dila danni bu le dɛ ba meena ate naŋ yeŋ mɛ la a kan tali. 2Alege nama baai ale a zuli mi la, nalim ale kasim a nyaksi ni zuk ase ka wenbinni la. Ate tebika a bo di chaantika po. Ni le kasim yɔk a zi a berigi ase naabisa ale dɛ chak la. 3Dai dii danni ate mi a nye kude la ni le ŋɔriŋ nuru baataŋa ka nna se buntuem la a basi ni naŋsa po. Naawen Dii Ale A Dɛ Tugurik Tɔŋdɔma Niŋ La ale weeni.
4Ni teeri mi tomteerɔwa Moosis sinsaŋŋa wari. Ŋmarisi kaai ale buusa ŋaai ate mi a pai te wa Sinai guuku zuk ayen wa pai te Izirali demma meena la.
5Alege m le tom ate biisiteerɔwa Elaja jam alege ate Naawen dai kpien dila jam. Dai dii ate wa za wa bo buusa. Di ka yɔgsum dai. 6Elaja le maari nyam ate ba a yaali ba bisa abe bisa a yaali ba nyam. Dan kan daa di m le jam a ka te tɛŋka.>>
Attualmente Selezionati:
Malakai 4: BWU
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2023, Ghana Institute of Linguistics, Literacy and Bible Translation