Psalmyn 99
99
PSAL. 99.
Dominus regnavit.
1She yn Chiarn y Ree, lhig da’n pobble girree magh myr sailliu:
t’eh ny hoie eddyr ny cherubimyn ga dy vel y seihll cha anveagh.
2S’mooar ta’n Chiarn ayns Sion:
as ard er-skyn dy-chooilley phobble.
3Ver ad booise da dt’Ennym’s:
ta mooar, yindyssagh, as casherick.
4Ta pooar y ree graihagh er briwnys; t’ow er hoiaghey seose cairys:
t’ow er chooilleeney briwnys as ynrickys ayns Jacob.
5O cur-jee ard-voylley da’n Chiarn y Jee ain:
as tuitt-jee sheese er nyn ghlioonyn kiongoyrt rish stoyl e choshey, son t’eshyn casherick.
6Moses as Aaron mastey e haggyrtyn, as Samuel mâroosyn ta geamagh er e Ennym:
deïe ad shoh er y Chiarn, as cheayll eh ad.
7Loayr eh roo ass y phillar vodjallagh:
son dreill ad e recortyssyn, as y leigh v’eh er choyrt daue.
8Cheayll oo ad, O Hiarn nyn Yee:
leih oo daue, O Yee, as ren oo kerraghey ny obbraghyn fardalagh oc.
9O cur-jee ard-voylley da’n Chiarn yn Jee ain, as jean-jee eshyn y ooashlaghey er e chronk casherick:
son ta’n Chiarn yn Jee ain casherick.
Attualmente Selezionati:
Psalmyn 99: PS1765
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Published with the Manx Book of Common Prayer in 1769.