Psalmyn 121
121
PSAL. 121.
Levavi oculos.
1Trogg-ym seose my hooillyn gys ny croink:
vouesyn ta my chooney cheet.
2Ta my chooney cheet dy-feer veih’n Chiarn:
t’er chroo niau as thalloo.
3Cha lhig eh da dty chass dy v’er ny scughey:
as cha jean eshyn cadley ta dt’endeil.
4Cur-my-ner, cha jean eshyn ta freayll Israel:
saveenagh ny cadley.
5Ta’n Chiarn hene dt’endeilagh:
ta’n Chiarn dty niart er dty laue yesh;
6Myr shen nagh jean chiass ny greïney oo y lostey ’sy laa:
n’yn eayst ’syn oie.
7Nee’n Chiarn uss y choadey veih dy-chooilley olk:
dy-jarroo eshyn eh nee dt’annym y reayll.
8Freill-ee yn Chiarn dty gholl magh as dty heet stiagh:
veih’n traa shoh magh er son dy-bragh.
Attualmente Selezionati:
Psalmyn 121: PS1765
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Published with the Manx Book of Common Prayer in 1769.