GENESIS THU MASA
THU MASA
Genesis ti umzia chu ‘Bul’ tinâk asi. Hi lasuibu nih hin laikulh siam zia, minung umtîrnâk, sual dawmhnâk leh laikulh ah tuarnâk leh Pathian nih minung rangah thil a tinâk tla thu a sim asi. Genesis hi mun nih hen ṭhen kho asi:
1. Tluan 1-11: Laikulh siamnâk leh minung phun dawmhtîrnâk thâwngthâng asi. Hinah hin Adam leh Evi, Kain leh Abel, Noa leh buanso thu leh Babulon Insâng thu tla a um.
2. Tluan 12-50: Israel thlâktu masa tla thâwngthâng a um. Churawhchun, a fapa Isak thâwngthâng nih a zûl le, chu nûnah a tupa Jakob (Israel ti hen an auh mi) leh Jakob fapa leinih Israel phun leinih dirhtu tla thu nih a zûl. A bîk hen theih ding mi chu Jakob fapa lakah pakhat Josef leh a fapa dang tla chu an dâwngsung tla hen Aigupta ah an um mi thu tla asi.
Hi lasuibu nih hin minung thâwngthâng leh Pathian nih zei thil a ti masa chem ti thu tla a sim asi. Pathian nih laikulh a siamtîr mi thu hen a dawmh le, Pathian nih a mi tla chu a thutiamnâk hen a zângfah kumza na awt zia zauhtir hen dawngh asi. Hi lasuibu pumpi thu umzia chu Pathian chu thilsual titu tla lâirêl hen rêptu, a mi tla rui hen ṭangpitu, an thâwngthâng tla siam piaktu thu asi. Hi a lânah mi lasuibu lakah hin mi le tla lungnâk thâwngthâng leh lungnâk nung hen an um mi a ṭangpi na zia thu tla rîn hen a um.
A Sungah mi Thu Riruatnâk
Laikulh leh minung siamnâk 1.1- 2.25
Sual dawmhnâk leh tuarnâk 3.1-24
Adam thawk hen Noa 4.1-5.32
Noa leh buanso 6.1-10.32
Babulon insâng 11.1-9
Sem thawk hen Abram 11.10-32
Abraham, Isak leh Jakob 12.1-35.29
Esau thlâk tla 36.1-43
Josef leh a unau tla 37.1-45.28
Aigupta ah Israel tla 46.1-50.26
Attualmente Selezionati:
GENESIS THU MASA: BCLBV
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Bawm Common Language Bible © Bangladesh Bible Society, 2004. All rights reserved.