زبُور 128
128
خُداوند کی فرمانبرداری کا اَجر
معلوت یعنی ہَیکل کی زِیارت کا گِیت۔
1مُبارک ہے ہر ایک جو خُداوند سے ڈرتا
اور اُس کی راہوں پر چلتا ہے۔
2تُو اپنے ہاتھوں کی کمائی کھائے گا۔
تُو مُبارک اور سعادت مند ہو گا۔
3تیری بِیوی تیرے گھر کے اندر میوہ دار تاک کی
مانِند ہو گی
اور تیری اَولاد تیرے دسترخوان پر زَیتُون کے
پَودوں کی مانِند۔
4دیکھو! اَیسی برکت اُسی آدمی کو مِلے گی
جو خُداوند سے ڈرتا ہے۔
5خُداوند صِیُّون میں سے تُجھ کو برکت دے
اور تُو عُمر بھر یروشلِیم کی بھلائی دیکھے۔
6بلکہ تُو اپنے بچّوں کے بچّے دیکھے۔
اِسرائیلؔ کی سلامتی ہو!
Attualmente Selezionati:
زبُور 128: URD
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Revised Urdu Holy Bible © Pakistan Bible Society, 1970, 2010.