Henplais 9
9
Ntiajteb Thiab Qaumntuj Kev Pehawm Vajtswv
1Thawj txojlus cogtseg tau muaj ntau txoj kev tswj rau kev pehawm Vajtswv thiab muaj ib qho chaw uas yog neeg ua rau sawvdaws mus pehawm. 2Lawv tau tsa ib lub tsevntaub uas muaj ob chav, thawj chav hu ua Chav Dawbhuv. Nyob hauv chav ntawd muaj tus ncej txawb teeb, muaj lub rooj thiab muaj ncuav fij rau Vajtswv. #Khiav 26:1-30; Khiav 25:31-40; Khiav 25:23-30 3Nyob tomqab ntawm daim ntaub thaiv yog chav thib ob, yog lub tsevntaub uas hu ua Chav Dawbhuv Kawg Nkaus. #Khiav 26:31-33 4Nyob hauv chav ntawd muaj ib lub thaj kub cia ua qhov chaw hlawv hmoov tshuaj tswqab, thiab lub Phijxab Lus Cogtseg. Nyob hauv lub phijxab ntawd muaj ib lub tais kub uas ntim manas, muaj Aloos tus cwjnrig uas twb hlav nplooj lawm, thiab muaj ob daim txiag zeb uas sau tej kevcai rau ntawd. #Khiav 30:1-6; Khiav 25:10-16; Khiav 16:33; Teev 17:8-10; Khiav 25:16-33; 2Kev 10:3-5 5Muaj ob tug khelunpees uas yog Vajtswv tus tshwjchim uas ci ntsa-iab nyob rau saum lub phijxab. Ob tug khelunpees ntawd nthuav tis los vov rau qhov chaw uas Vajtswv zamtxim rau neeg. Tiamsis tamsim no tsis yog lub sijhawm uas yuav muab txhua yam no coj los piav kom ntxaws-ntxaws. #Khiav 25:18-22
6Thaum npaj txhua yam ntawd txhij lawm, txhua-txhua hnub cov povthawj hlob yuavtsum mus hauv lub tsevntaub chav uas nyob sabnraud thiab ua lawv tes haujlwm. #Teev 18:2-6 7Tiamsis tsuas yog tus tuam povthawj hlob tibleeg xwb thiaj mus tau rau hauv Chav Dawbhuv Kawg Nkaus, thiab ib xyoos twg tsuas mus tau ib zaug xwb; nws nqa cov ntshav coj mus fij rau Vajtswv uas yog daws nws thiab sawvdaws tej kev txhaum uas tsis yog sawvdaws txhobtxwm ua. #Levi 16:2-34 8Los ntawm qhov no ntag, Vaj Ntsujplig tus Dawbhuv tau qhia meej-meej tias, txoj kev uas yuav mus tau rau hauv Chav Dawbhuv Kawg Nkaus yeej tseem tsis tau qhib, yog thaum twg uas lub tsevntaub chav sabnraud tseem muaj nyob.
9No yog lub cim uas qhia txog tiam tamsim no ntag. Lub ntsiablus txhais hais tias tej khoom thiab tej tsiaj uas muab tua fij rau Vajtswv ntawd pab tsis tau tus neeg uas tuaj pehawm Vajtswv kom ua tau neeg zoo, 10vim tej ntawd tsuas yog zaub yog mov yog dej haus, thiab yog tej kevcai ntxuav xwb. Tej ntawd yog tej kevcai uas ua sabnraud es siv mus txog hnub uas Vajtswv hloov dua qhov tshiab xwb.
11Tiamsis Khetos los ua tus Tuam Povthawj Hlob ntawm txhua yam zoo uas nimno twb muaj lawm.#9:11: uas nimno twb muaj lawm; tej phau ntawv qub uas xuas tes sau, muaj tabtom yuav los. Lub tsevntaub uas Nws mus ua haujlwm hauv yog lub uas tseemceeb thiab zoo dua lub qub. Lub ntawd tsis yog neeg txhais tes ua; txhais tau hais tias lub ntawd tsis yog lub uas Vajtswv tau tsim cia nyob rau hauv ntiajteb no. 12Thaum Khetos mus hauv lub tsevntaub uas yog hauv Chav Dawbhuv Kawg Nkaus, Nws mus tibzaug xwb tsis tag mus ntxiv li lawm; Nws tsis nqa tej ntshav tshis thiab ntshav txiv nyuj mus theej txhoj, tiamsis Nws muab Nws cov ntshav los theej; Nws ua li ntawd kom peb dim peb lub txim mus ibtxhis li.
13Lawv muab cov ntshav tshis, ntshav txiv nyuj, thiab tej tshauv uas hlawv tus menyuam nyuj ntawd nchos rau cov neeg uas ua txhaum kevcai. Tej ntawd yuav ntxuav lawv tej kev txhaum ntawm sab nqaijtawv mus. #Levi 16:15-16; Teev 19:9, 17-19 14Yogli ntawd, Khetos cov ntshav tseem hajyam muajnqis dua tej ntawd thiab! Los ntawm tus Ntsujplig uas muaj txojsia nyob mus ibtxhis, Nws thiaj muab Nws tuskheej los ua ib yam khoom fij uas zoo kawg nkaus pub rau Vajtswv. Nws cov ntshav yuav ntxuav peb lub siab uas nyiam ua tej haujlwm uas tsis muaj qabhau, kom peb thiaj yuav ua tau Vajtswv tus uas muaj txojsia nyob tes haujlwm.
15Twb yog vimli ntawd, Khetos thiaj yog tus uas nyob nruabnrab ntawm txojlus cogtseg tshiab, kom cov neeg uas Vajtswv tau hu lawm thiaj yuav tau txais qhov koobhmoov ibtxhis uas Vajtswv tau coglus tseg. Qhov uas ua tau li no vim yog muaj ib tug tau los tuag theej lawv tej kev txhaum thaum lawv tseem nyob rau hauvqab thawj txojlus cogtseg.
16Yog hais txog daim ntawv coglus uas sau feeb cuabtam, yuavtsum muaj timkhawv qhia tseeb hais tias tus uas ua daim ntawv ntawd tuag lawm tiag. 17Rauqhov yog tus uas ua daim ntawv ntawd tseem muaj sia nyob, ces daim ntawv ntawd yeej siv tsis tau dabtsi li; tsuas siv tau thaum tus ntawd tuag lawm xwb.
18Vimli ntawd, txawm yog thawj txojlus cogtseg#9:18: txojlus cogtseg: Nyob rau hauv lus Kilis mas tib lolus no txhais tau ob lub ntsiablus uas yog “qubtxeeg qubteg” thiab “thawj txoj kevcai.” los yeej siv tsis tau yog tias tsis muaj ntshav. 19Mauxes xub qhia txhua nqe uas muaj nyob rau hauv txoj Kevcai rau sawvdaws mloog, ces nws muab ib re nplooj hixauv thiab cov plaub yaj liab los raus cov ntshav txiv nyuj thiab ntshav tshis, muab dej tov rau, ces muab nchos rau phau ntawv uas sau txoj Kevcai thiab nchos rau cov pejxeem txhua tus. #Khiav 24:6-8 20Mauxes hais tias, “No yog cov ntshav ntawm txojlus cogtseg uas Vajtswv tau xaaj kom nej coj.” 21Mauxes tau muab ntshav nchos rau lub tsevntaub thiab rau txhua yam uas lawv siv thaum pehawm Vajtswv ib yam nkaus thiab. #Levi 8:15 22Qhov tseeb tiag, rawsli txoj Kevcai, yuavluag txhua yam yuavtsum raug ntxuav los ntawm ntshav, yog tsis muaj ntshav nrog ces yeej tsis muaj kev zamtxim kiag li. #Levi 17:11
Yexus Ris Neeg Lub Txim
23Txawm tej ntawd muaj tus qauv zoo nkaus li tej uas nyob saum ntuj ceebtsheej, los yuavtsum raug ntxuav los ntawm ntshav. Tiamsis tej uas nyob saum ntuj ceebtsheej yuavtsum muaj yam khoom fij uas tsimtxiaj dua tej ntawd thiab. 24Rauqhov Khetos tsis tau mus hauv Chav Dawbhuv uas yog neeg txhais tes ua uas muaj tus qauv zoo nkaus li Chav Dawbhuv tiag-tiag. Tiamsis Nws mus kiag saum ntuj ceebtsheej, thiab tamsim no Nws nyob ntawm Vajtswv xubntiag sawvcev peb. 25Cov Yudais tus tuam povthawj hlob niaj xyoo nqa ntshav tsiaj mus hauv Chav Dawbhuv Kawg Nkaus. Tiamsis Khetos tsis tau niaj xyoo muab Nws tuskheej mus theej neeg lub txhoj. 26Yog Nws ua li ntawd ces suav txij thaum tsim ntuj tsim teb los, ntshe Nws yuav raug kev txomnyem ntau zaug lawm. Tiamsis tiam kawg no Nws tsuas los tibzaug xwb tsis tag yuav los ntxiv li lawm, kom Nws thiaj yuav ntxuav tau txoj kev txhaum huvsi mus, los ntawm qhov uas Nws muab Nws tuskheej ua khoom fij rau Vajtswv. 27Txhua tus neeg puavleej yuav tuag ib zaug, thiab tomqab ntawd yuav raug Vajtswv txiavtxim. 28Tibyam nkaus li ntawd, Khetos tsuas raug muab fij rau Vajtswv tibzaug xwb, uas yog ris ntau leej lub txim. Nws yuav rovqab los zaum thib ob, tsis yog los rhuav tshem kev txhaum lawm, tiamsis yog coj txoj kev cawmdim los rau cov uas tabtom nyob tos Nws.
Attualmente Selezionati:
Henplais 9: MWW2022
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.
Henplais 9
9
Ntiajteb Thiab Qaumntuj Kev Pehawm Vajtswv
1Thawj txojlus cogtseg tau muaj ntau txoj kev tswj rau kev pehawm Vajtswv thiab muaj ib qho chaw uas yog neeg ua rau sawvdaws mus pehawm. 2Lawv tau tsa ib lub tsevntaub uas muaj ob chav, thawj chav hu ua Chav Dawbhuv. Nyob hauv chav ntawd muaj tus ncej txawb teeb, muaj lub rooj thiab muaj ncuav fij rau Vajtswv. #Khiav 26:1-30; Khiav 25:31-40; Khiav 25:23-30 3Nyob tomqab ntawm daim ntaub thaiv yog chav thib ob, yog lub tsevntaub uas hu ua Chav Dawbhuv Kawg Nkaus. #Khiav 26:31-33 4Nyob hauv chav ntawd muaj ib lub thaj kub cia ua qhov chaw hlawv hmoov tshuaj tswqab, thiab lub Phijxab Lus Cogtseg. Nyob hauv lub phijxab ntawd muaj ib lub tais kub uas ntim manas, muaj Aloos tus cwjnrig uas twb hlav nplooj lawm, thiab muaj ob daim txiag zeb uas sau tej kevcai rau ntawd. #Khiav 30:1-6; Khiav 25:10-16; Khiav 16:33; Teev 17:8-10; Khiav 25:16-33; 2Kev 10:3-5 5Muaj ob tug khelunpees uas yog Vajtswv tus tshwjchim uas ci ntsa-iab nyob rau saum lub phijxab. Ob tug khelunpees ntawd nthuav tis los vov rau qhov chaw uas Vajtswv zamtxim rau neeg. Tiamsis tamsim no tsis yog lub sijhawm uas yuav muab txhua yam no coj los piav kom ntxaws-ntxaws. #Khiav 25:18-22
6Thaum npaj txhua yam ntawd txhij lawm, txhua-txhua hnub cov povthawj hlob yuavtsum mus hauv lub tsevntaub chav uas nyob sabnraud thiab ua lawv tes haujlwm. #Teev 18:2-6 7Tiamsis tsuas yog tus tuam povthawj hlob tibleeg xwb thiaj mus tau rau hauv Chav Dawbhuv Kawg Nkaus, thiab ib xyoos twg tsuas mus tau ib zaug xwb; nws nqa cov ntshav coj mus fij rau Vajtswv uas yog daws nws thiab sawvdaws tej kev txhaum uas tsis yog sawvdaws txhobtxwm ua. #Levi 16:2-34 8Los ntawm qhov no ntag, Vaj Ntsujplig tus Dawbhuv tau qhia meej-meej tias, txoj kev uas yuav mus tau rau hauv Chav Dawbhuv Kawg Nkaus yeej tseem tsis tau qhib, yog thaum twg uas lub tsevntaub chav sabnraud tseem muaj nyob.
9No yog lub cim uas qhia txog tiam tamsim no ntag. Lub ntsiablus txhais hais tias tej khoom thiab tej tsiaj uas muab tua fij rau Vajtswv ntawd pab tsis tau tus neeg uas tuaj pehawm Vajtswv kom ua tau neeg zoo, 10vim tej ntawd tsuas yog zaub yog mov yog dej haus, thiab yog tej kevcai ntxuav xwb. Tej ntawd yog tej kevcai uas ua sabnraud es siv mus txog hnub uas Vajtswv hloov dua qhov tshiab xwb.
11Tiamsis Khetos los ua tus Tuam Povthawj Hlob ntawm txhua yam zoo uas nimno twb muaj lawm.#9:11: uas nimno twb muaj lawm; tej phau ntawv qub uas xuas tes sau, muaj tabtom yuav los. Lub tsevntaub uas Nws mus ua haujlwm hauv yog lub uas tseemceeb thiab zoo dua lub qub. Lub ntawd tsis yog neeg txhais tes ua; txhais tau hais tias lub ntawd tsis yog lub uas Vajtswv tau tsim cia nyob rau hauv ntiajteb no. 12Thaum Khetos mus hauv lub tsevntaub uas yog hauv Chav Dawbhuv Kawg Nkaus, Nws mus tibzaug xwb tsis tag mus ntxiv li lawm; Nws tsis nqa tej ntshav tshis thiab ntshav txiv nyuj mus theej txhoj, tiamsis Nws muab Nws cov ntshav los theej; Nws ua li ntawd kom peb dim peb lub txim mus ibtxhis li.
13Lawv muab cov ntshav tshis, ntshav txiv nyuj, thiab tej tshauv uas hlawv tus menyuam nyuj ntawd nchos rau cov neeg uas ua txhaum kevcai. Tej ntawd yuav ntxuav lawv tej kev txhaum ntawm sab nqaijtawv mus. #Levi 16:15-16; Teev 19:9, 17-19 14Yogli ntawd, Khetos cov ntshav tseem hajyam muajnqis dua tej ntawd thiab! Los ntawm tus Ntsujplig uas muaj txojsia nyob mus ibtxhis, Nws thiaj muab Nws tuskheej los ua ib yam khoom fij uas zoo kawg nkaus pub rau Vajtswv. Nws cov ntshav yuav ntxuav peb lub siab uas nyiam ua tej haujlwm uas tsis muaj qabhau, kom peb thiaj yuav ua tau Vajtswv tus uas muaj txojsia nyob tes haujlwm.
15Twb yog vimli ntawd, Khetos thiaj yog tus uas nyob nruabnrab ntawm txojlus cogtseg tshiab, kom cov neeg uas Vajtswv tau hu lawm thiaj yuav tau txais qhov koobhmoov ibtxhis uas Vajtswv tau coglus tseg. Qhov uas ua tau li no vim yog muaj ib tug tau los tuag theej lawv tej kev txhaum thaum lawv tseem nyob rau hauvqab thawj txojlus cogtseg.
16Yog hais txog daim ntawv coglus uas sau feeb cuabtam, yuavtsum muaj timkhawv qhia tseeb hais tias tus uas ua daim ntawv ntawd tuag lawm tiag. 17Rauqhov yog tus uas ua daim ntawv ntawd tseem muaj sia nyob, ces daim ntawv ntawd yeej siv tsis tau dabtsi li; tsuas siv tau thaum tus ntawd tuag lawm xwb.
18Vimli ntawd, txawm yog thawj txojlus cogtseg#9:18: txojlus cogtseg: Nyob rau hauv lus Kilis mas tib lolus no txhais tau ob lub ntsiablus uas yog “qubtxeeg qubteg” thiab “thawj txoj kevcai.” los yeej siv tsis tau yog tias tsis muaj ntshav. 19Mauxes xub qhia txhua nqe uas muaj nyob rau hauv txoj Kevcai rau sawvdaws mloog, ces nws muab ib re nplooj hixauv thiab cov plaub yaj liab los raus cov ntshav txiv nyuj thiab ntshav tshis, muab dej tov rau, ces muab nchos rau phau ntawv uas sau txoj Kevcai thiab nchos rau cov pejxeem txhua tus. #Khiav 24:6-8 20Mauxes hais tias, “No yog cov ntshav ntawm txojlus cogtseg uas Vajtswv tau xaaj kom nej coj.” 21Mauxes tau muab ntshav nchos rau lub tsevntaub thiab rau txhua yam uas lawv siv thaum pehawm Vajtswv ib yam nkaus thiab. #Levi 8:15 22Qhov tseeb tiag, rawsli txoj Kevcai, yuavluag txhua yam yuavtsum raug ntxuav los ntawm ntshav, yog tsis muaj ntshav nrog ces yeej tsis muaj kev zamtxim kiag li. #Levi 17:11
Yexus Ris Neeg Lub Txim
23Txawm tej ntawd muaj tus qauv zoo nkaus li tej uas nyob saum ntuj ceebtsheej, los yuavtsum raug ntxuav los ntawm ntshav. Tiamsis tej uas nyob saum ntuj ceebtsheej yuavtsum muaj yam khoom fij uas tsimtxiaj dua tej ntawd thiab. 24Rauqhov Khetos tsis tau mus hauv Chav Dawbhuv uas yog neeg txhais tes ua uas muaj tus qauv zoo nkaus li Chav Dawbhuv tiag-tiag. Tiamsis Nws mus kiag saum ntuj ceebtsheej, thiab tamsim no Nws nyob ntawm Vajtswv xubntiag sawvcev peb. 25Cov Yudais tus tuam povthawj hlob niaj xyoo nqa ntshav tsiaj mus hauv Chav Dawbhuv Kawg Nkaus. Tiamsis Khetos tsis tau niaj xyoo muab Nws tuskheej mus theej neeg lub txhoj. 26Yog Nws ua li ntawd ces suav txij thaum tsim ntuj tsim teb los, ntshe Nws yuav raug kev txomnyem ntau zaug lawm. Tiamsis tiam kawg no Nws tsuas los tibzaug xwb tsis tag yuav los ntxiv li lawm, kom Nws thiaj yuav ntxuav tau txoj kev txhaum huvsi mus, los ntawm qhov uas Nws muab Nws tuskheej ua khoom fij rau Vajtswv. 27Txhua tus neeg puavleej yuav tuag ib zaug, thiab tomqab ntawd yuav raug Vajtswv txiavtxim. 28Tibyam nkaus li ntawd, Khetos tsuas raug muab fij rau Vajtswv tibzaug xwb, uas yog ris ntau leej lub txim. Nws yuav rovqab los zaum thib ob, tsis yog los rhuav tshem kev txhaum lawm, tiamsis yog coj txoj kev cawmdim los rau cov uas tabtom nyob tos Nws.
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.