Henplais 8
8
Yexus Yog Peb Tus Tuam Povthawj Hlob
1Lub ntsiablus ntawm zaj uas peb tabtom hais yog li no: peb muaj ib tug Tuam Povthawj Hlob uas nyob ntawm tus uas muaj Hwjchim Loj Kawg Nkaus lub zwmtxwv sab xis saum ntuj ceebtsheej. #Nnkauj 110:1 2Nws ua haujlwm li ib tug tuam povthawj hlob nyob rau hauv Chav Dawbhuv Kawg Nkaus, qhov ntawd yog nyob hauv lub tseem-tseem tsevntaub uas yog tus Tswv ua tus tsa, tsis yog neeg ua tus tsa.
3Txhua tus tuam povthawj hlob puavleej yog tsa los ua cov uas muab khoom thiab tua tsiaj fij rau Vajtswv; yogli ntawd, peb tus Tuam Povthawj Hlob yuavtsum muaj ib yam khoom fij thiab. 4Yog Nws tseem nyob hauv ntiajteb no, Nws yuav tsis ua ib tug povthawj hlob, rauqhov twb muaj cov povthawj hlob uas yeej muab khoom fij rawsli cov Yudais txoj Kevcai lawm. 5Tej haujlwm uas cov povthawj hlob ua ntawd, tsuas yog tus qauv thiab tus duab uas muaj nyob saum ntuj ceebtsheej xwb. Ib yam li thaum Mauxes tabtom yuav ua lub tsevntaub, Vajtswv hais rau Mauxes hais tias, “Koj yuavtsum ua txhua yam rawsli tej qauv uas kuv qhia rau koj saum roob.” #Khiav 25:40 6Tiamsis Yexus tau txais tes haujlwm povthawj hlob uas tseem tseemceeb dua cov povthawj hlob ntawd tes. Ib yam li txojlus cogtseg tshiab uas Yexus yog tus nyob nruabnrab ua kom neeg thiab Vajtswv sib cuag tau, txoj ntawd yeej zoo dua txoj qub, rauqhov txoj ntawd yog tsa los ntawm tej lus cogtseg uas hajyam zoo dua qub.
7Yog thawj txojlus cogtseg ntawd twb zoo lawm, ces tsis tas yuav muaj dua txoj thib ob li. 8Tiamsis Vajtswv pom tej yam uas tsis zoo nyob rau hauv Nws haivneeg, Vajtswv thiaj hais tias:
“Tus Tswv hais tias, ib hnub tomntej no,
thaum Kuv yuav pub ib txojlus cogtseg tshiab rau cov Yixalayees thiab rau xeem Yudas.
9Txoj ntawd yuav zoo tsis thooj li txoj uas Kuv tau muab rau lawv cov yawgkoob,
uas yog hnub Kuv tuav lawv tes thiab coj lawv kev tawm hauv tebchaws Iziv los.
Lawv tsis ncajncees rau txojlus cogtseg uas Kuv muab rau lawv,
yogli ntawd, Kuv thiaj tsis quavntsej lawv li lawm.
10Zaumno, tus Tswv hais tias, no yog txojlus cogtseg
uas Kuv yuav muab rau cov Yixalayees rau yav tomntej:
Kuv yuav muab Kuv txoj kevcai tso rau hauv lawv lub hlwb,
thiab Kuv yuav sau rau hauv lawv lub siab.
Kuv yuav yog lawv tus Vajtswv,
thiab lawv yuav yog Kuv haivneeg.
11Tsis tas lawv yuav qhia rau lawv tej phoojywg
lossis neeg zejzog hais tias,
‘Ciali paub tus Tswv.’
Rauqhov lawv txhua tus yeej yuav paub Kuv,
tsis hais tus yau kawg nkaus mus txog rau tus loj kawg nkaus.
12Kuv yuav zam lawv tej kev txhaum
thiab yuav tsis cimntsoov lawv lub txim ib zaug li lawm.” #Yelemi 31:31-34
13Qhov uas Vajtswv hais txog ib txojlus cogtseg tshiab twb yog Nws suav hais tias thawj txoj ntawd qub lawm; thiab yam twg uas qub thiab dhau sijhawm lawm tsis ntev yeej yuav ploj mus.
Attualmente Selezionati:
Henplais 8: MWW2022
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.
Henplais 8
8
Yexus Yog Peb Tus Tuam Povthawj Hlob
1Lub ntsiablus ntawm zaj uas peb tabtom hais yog li no: peb muaj ib tug Tuam Povthawj Hlob uas nyob ntawm tus uas muaj Hwjchim Loj Kawg Nkaus lub zwmtxwv sab xis saum ntuj ceebtsheej. #Nnkauj 110:1 2Nws ua haujlwm li ib tug tuam povthawj hlob nyob rau hauv Chav Dawbhuv Kawg Nkaus, qhov ntawd yog nyob hauv lub tseem-tseem tsevntaub uas yog tus Tswv ua tus tsa, tsis yog neeg ua tus tsa.
3Txhua tus tuam povthawj hlob puavleej yog tsa los ua cov uas muab khoom thiab tua tsiaj fij rau Vajtswv; yogli ntawd, peb tus Tuam Povthawj Hlob yuavtsum muaj ib yam khoom fij thiab. 4Yog Nws tseem nyob hauv ntiajteb no, Nws yuav tsis ua ib tug povthawj hlob, rauqhov twb muaj cov povthawj hlob uas yeej muab khoom fij rawsli cov Yudais txoj Kevcai lawm. 5Tej haujlwm uas cov povthawj hlob ua ntawd, tsuas yog tus qauv thiab tus duab uas muaj nyob saum ntuj ceebtsheej xwb. Ib yam li thaum Mauxes tabtom yuav ua lub tsevntaub, Vajtswv hais rau Mauxes hais tias, “Koj yuavtsum ua txhua yam rawsli tej qauv uas kuv qhia rau koj saum roob.” #Khiav 25:40 6Tiamsis Yexus tau txais tes haujlwm povthawj hlob uas tseem tseemceeb dua cov povthawj hlob ntawd tes. Ib yam li txojlus cogtseg tshiab uas Yexus yog tus nyob nruabnrab ua kom neeg thiab Vajtswv sib cuag tau, txoj ntawd yeej zoo dua txoj qub, rauqhov txoj ntawd yog tsa los ntawm tej lus cogtseg uas hajyam zoo dua qub.
7Yog thawj txojlus cogtseg ntawd twb zoo lawm, ces tsis tas yuav muaj dua txoj thib ob li. 8Tiamsis Vajtswv pom tej yam uas tsis zoo nyob rau hauv Nws haivneeg, Vajtswv thiaj hais tias:
“Tus Tswv hais tias, ib hnub tomntej no,
thaum Kuv yuav pub ib txojlus cogtseg tshiab rau cov Yixalayees thiab rau xeem Yudas.
9Txoj ntawd yuav zoo tsis thooj li txoj uas Kuv tau muab rau lawv cov yawgkoob,
uas yog hnub Kuv tuav lawv tes thiab coj lawv kev tawm hauv tebchaws Iziv los.
Lawv tsis ncajncees rau txojlus cogtseg uas Kuv muab rau lawv,
yogli ntawd, Kuv thiaj tsis quavntsej lawv li lawm.
10Zaumno, tus Tswv hais tias, no yog txojlus cogtseg
uas Kuv yuav muab rau cov Yixalayees rau yav tomntej:
Kuv yuav muab Kuv txoj kevcai tso rau hauv lawv lub hlwb,
thiab Kuv yuav sau rau hauv lawv lub siab.
Kuv yuav yog lawv tus Vajtswv,
thiab lawv yuav yog Kuv haivneeg.
11Tsis tas lawv yuav qhia rau lawv tej phoojywg
lossis neeg zejzog hais tias,
‘Ciali paub tus Tswv.’
Rauqhov lawv txhua tus yeej yuav paub Kuv,
tsis hais tus yau kawg nkaus mus txog rau tus loj kawg nkaus.
12Kuv yuav zam lawv tej kev txhaum
thiab yuav tsis cimntsoov lawv lub txim ib zaug li lawm.” #Yelemi 31:31-34
13Qhov uas Vajtswv hais txog ib txojlus cogtseg tshiab twb yog Nws suav hais tias thawj txoj ntawd qub lawm; thiab yam twg uas qub thiab dhau sijhawm lawm tsis ntev yeej yuav ploj mus.
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.