1 Timautes 6
6
1Cov uas yog tubqhe yuavtsum suav hais tias cov tswv uas kav lawv yog cov uas tsimnyog hwm yam puvnpo, kom thiaj tsis muaj leejtwg thuam tau Vajtswv lub npe thiab thuam tej lus uas peb qhia. 2Cov tubqhe uas lawv cov tswv ho yog cov ntseeg, los lawv yuavtsum tsis txhob saib tsis taus cov tswv ntawd hais tias yog cov kwvtij ntseeg thiab xwb. Zoo tiag, lawv yuavtsum ua cov tswv ntawd li haujlwm kom hajyam zoo dua qub, rauqhov cov tswv uas lawv ua haujlwm rau ntawd puavleej yog cov ntseeg uas lawv hlub thiab xwb.
Tej Lus Qhia Cuav Thiab Kev Npluanuj Uas Tseeb Tiag
Koj yuavtsum muab tej no los qhia thiab nquahu kom sawvdaws coj thiab ua rawsli tej haujlwm no. 3Yog leejtwg qhia tej zaj kev ntseeg cuav thiab qhia tsis rawsli tej lus tseeb uas peb tus Tswv Yexus Khetos qhia, thiab qhia tsis rawsli cov ntseeg txoj kev ntseeg, 4tus ntawd lam khavtheeb qhuav xwb, nws yeej tsis paub dabtsi kiag li. Nws muaj ib lub siab tsis zoo uas nyiam sibcav txog tej lolus uas yuav ua rau muaj kev sibkhib, sibcav, sibthuam, thiab tsis sib ntseegsiab uas phem heev, 5thiab yuav ua rau cov neeg uas lub hlwb twb tsis ua haujlwm thiab twb tsis muaj qhov tseeb nyob rau hauv lawv lawm, niajhnub sibcav sibceg. Lawv xav tias kev ntseeg yog ib txojkev uas yuav ua rau lawv npluanuj.
6Tseeb tiag, kev ntseeg yeej ua rau peb npluanuj, yog tias peb paub txaussiab rau tej uas peb twb muaj lawm. 7Rauqhov peb coj tsis tau ib yam dabtsi los rau hauv lub ntiajteb no licas, ces peb yuav coj tsis tau ib yam dabtsi tawm hauv lub ntiajteb no mus li ntawd thiab. 8Yog peb twb muaj noj muaj hnav lawm, ces peb ciali txaussiab rau tej ntawd. 9Cov neeg uas xav npluanuj, poob rau kev simsiab thiab mag tej kev ntshaw lub voj hlua khi, thiaj ua rau lawv lam tau lam ua tej yam tsis zoo thiab ua rau lawv raug mob raug nkeeg; uas muab lawv rub kom poob mus rau txoj kev piamsij puasntsoog. 10Rauqhov txoj kev ntshaw nyiajtxiag yog ib tug cag ntawm txhua yam kev phem. Muaj ibtxhia neeg uas ntshaw nyiaj heev, tau tso lawv txoj kev ntseeg tseg lawm, ua rau lawv lub siab puasntsoog nrog ntau yam kev nyuajsiab.
Paulus Tej Lus Qhia Timautes
11Tiamsis Timautes, koj yog ib tug uas sawvcev Vajtswv, koj yuavtsum zam kom dhau tej no. Yeejmeem rausiab nrhiav kev ncajncees, kev hwm Vajtswv, kev ntseeg, kev hlub, kev ua taus siabntev tiv, thiab kev muaj lub siabmos siabmuag. 12Koj yuavtsum siv zog khiav kom kawg koj lub zog ntawm sab kev ntseeg; ncontsoov tuav rawv txojsia ntev dhawv mus ibtxhis uas Vajtswv tau hu koj los txais yuav thaum uas koj lees koj txoj kev ntseeg tabmeeg ntau leej timkhawv. 13Tabmeeg Vajtswv, tus uas pub txojsia rau txhua yam, thiab tabmeeg Yexus Khetos, tus uas lees Nws txoj kev ntseeg timntsej timmuag ntawm Pootius Philaj, kuv ntuas koj kom #Yauh 18:37 14tuav rawv tej lus no tsis pub muaj ib qho ceb los yog tsis pub leejtwg thuam tau mus txog Hnub uas tus Tswv Yexus Khetos rovqab los. 15Tus Tswv Yexus yuav los rawsli lub sijhawm uas Vajtswv teem cia lawm. Vajtswv yog tus uas muaj koobhmoov thiab Nws tibleeg yog tus uas Kav ibpuas tsavyam, Nws yog tus Vajntxwv ntawm txhua tus vajntxwv thiab yog tus Tswv ntawm txhua tus tswv huv tibsi. 16Vajtswv tibleeg yog tus uas tsis txawj tuag; Nws nyob hauv qhov pomkev uas tsis muaj leejtwg yuav nkag mus ti. Tsis tau muaj leejtwg pom dua Nws thiab tsis muaj leejtwg yuav muaj cuabkav pom tau Nws li. Thov kom Nws tau txais koobmeej thiab muaj hwjchim mus tag ibtxhiab ibtxhis! Amees.
17Hais rau cov neeg uas npluanuj rau tej khoom ntiajteb tiam no kom tsis txhob khavtheeb lossis ciasiab rau lawv tej nyiajtxiag thiab qhov txhia chaw uas yuav txawj ploj mus, tiamsis kom ciasiab rau Vajtswv, tus uas pub txhua yam nplua-mias rau peb tau siv txaussiab. 18Hais kom lawv ua qhov zoo, npluanuj rau txoj kev ua tes haujlwm zoo, muaj lub siabdawb siabzoo thiab txaussiab hlo muab tej uas lawv muaj faib rau lwmtus. 19Lawv ua li no, ces yog lawv npaj nyiajtxiag tseg cia rau lawv ua qhov chaw ruaj-khov tseg rau yav tomntej, kom lawv thiaj yuav ceev tau txojsia uas ntev dhawv mus ibtxhis los ua lawv tug.
20Timautes, koj ciali khaws nkaus kuv tej lus uas kuv tau hais tag rau koj lawm cia zoo-zoo. Ciali tseg tsis txhob hais tej lus uas tsis muaj qabhau thiab tej lus covnyom uas tsis muaj hauvpaus hauvntsis, uas qeeleej xav yuamkev hais tias yog kev “Txawjntse”. 21Rauqhov muaj ibtxhia khav hais tias lawv yog cov uas muaj kev txawjntse, vimli ntawd, thaum kawg lawv thiaj tso txoj kev ntseeg tseg lawm.
Thov kom Vajtswv txoj hmoovhlub nyob nrog nej sawvdaws.
Attualmente Selezionati:
1 Timautes 6: MWW2022
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.
1 Timautes 6
6
1Cov uas yog tubqhe yuavtsum suav hais tias cov tswv uas kav lawv yog cov uas tsimnyog hwm yam puvnpo, kom thiaj tsis muaj leejtwg thuam tau Vajtswv lub npe thiab thuam tej lus uas peb qhia. 2Cov tubqhe uas lawv cov tswv ho yog cov ntseeg, los lawv yuavtsum tsis txhob saib tsis taus cov tswv ntawd hais tias yog cov kwvtij ntseeg thiab xwb. Zoo tiag, lawv yuavtsum ua cov tswv ntawd li haujlwm kom hajyam zoo dua qub, rauqhov cov tswv uas lawv ua haujlwm rau ntawd puavleej yog cov ntseeg uas lawv hlub thiab xwb.
Tej Lus Qhia Cuav Thiab Kev Npluanuj Uas Tseeb Tiag
Koj yuavtsum muab tej no los qhia thiab nquahu kom sawvdaws coj thiab ua rawsli tej haujlwm no. 3Yog leejtwg qhia tej zaj kev ntseeg cuav thiab qhia tsis rawsli tej lus tseeb uas peb tus Tswv Yexus Khetos qhia, thiab qhia tsis rawsli cov ntseeg txoj kev ntseeg, 4tus ntawd lam khavtheeb qhuav xwb, nws yeej tsis paub dabtsi kiag li. Nws muaj ib lub siab tsis zoo uas nyiam sibcav txog tej lolus uas yuav ua rau muaj kev sibkhib, sibcav, sibthuam, thiab tsis sib ntseegsiab uas phem heev, 5thiab yuav ua rau cov neeg uas lub hlwb twb tsis ua haujlwm thiab twb tsis muaj qhov tseeb nyob rau hauv lawv lawm, niajhnub sibcav sibceg. Lawv xav tias kev ntseeg yog ib txojkev uas yuav ua rau lawv npluanuj.
6Tseeb tiag, kev ntseeg yeej ua rau peb npluanuj, yog tias peb paub txaussiab rau tej uas peb twb muaj lawm. 7Rauqhov peb coj tsis tau ib yam dabtsi los rau hauv lub ntiajteb no licas, ces peb yuav coj tsis tau ib yam dabtsi tawm hauv lub ntiajteb no mus li ntawd thiab. 8Yog peb twb muaj noj muaj hnav lawm, ces peb ciali txaussiab rau tej ntawd. 9Cov neeg uas xav npluanuj, poob rau kev simsiab thiab mag tej kev ntshaw lub voj hlua khi, thiaj ua rau lawv lam tau lam ua tej yam tsis zoo thiab ua rau lawv raug mob raug nkeeg; uas muab lawv rub kom poob mus rau txoj kev piamsij puasntsoog. 10Rauqhov txoj kev ntshaw nyiajtxiag yog ib tug cag ntawm txhua yam kev phem. Muaj ibtxhia neeg uas ntshaw nyiaj heev, tau tso lawv txoj kev ntseeg tseg lawm, ua rau lawv lub siab puasntsoog nrog ntau yam kev nyuajsiab.
Paulus Tej Lus Qhia Timautes
11Tiamsis Timautes, koj yog ib tug uas sawvcev Vajtswv, koj yuavtsum zam kom dhau tej no. Yeejmeem rausiab nrhiav kev ncajncees, kev hwm Vajtswv, kev ntseeg, kev hlub, kev ua taus siabntev tiv, thiab kev muaj lub siabmos siabmuag. 12Koj yuavtsum siv zog khiav kom kawg koj lub zog ntawm sab kev ntseeg; ncontsoov tuav rawv txojsia ntev dhawv mus ibtxhis uas Vajtswv tau hu koj los txais yuav thaum uas koj lees koj txoj kev ntseeg tabmeeg ntau leej timkhawv. 13Tabmeeg Vajtswv, tus uas pub txojsia rau txhua yam, thiab tabmeeg Yexus Khetos, tus uas lees Nws txoj kev ntseeg timntsej timmuag ntawm Pootius Philaj, kuv ntuas koj kom #Yauh 18:37 14tuav rawv tej lus no tsis pub muaj ib qho ceb los yog tsis pub leejtwg thuam tau mus txog Hnub uas tus Tswv Yexus Khetos rovqab los. 15Tus Tswv Yexus yuav los rawsli lub sijhawm uas Vajtswv teem cia lawm. Vajtswv yog tus uas muaj koobhmoov thiab Nws tibleeg yog tus uas Kav ibpuas tsavyam, Nws yog tus Vajntxwv ntawm txhua tus vajntxwv thiab yog tus Tswv ntawm txhua tus tswv huv tibsi. 16Vajtswv tibleeg yog tus uas tsis txawj tuag; Nws nyob hauv qhov pomkev uas tsis muaj leejtwg yuav nkag mus ti. Tsis tau muaj leejtwg pom dua Nws thiab tsis muaj leejtwg yuav muaj cuabkav pom tau Nws li. Thov kom Nws tau txais koobmeej thiab muaj hwjchim mus tag ibtxhiab ibtxhis! Amees.
17Hais rau cov neeg uas npluanuj rau tej khoom ntiajteb tiam no kom tsis txhob khavtheeb lossis ciasiab rau lawv tej nyiajtxiag thiab qhov txhia chaw uas yuav txawj ploj mus, tiamsis kom ciasiab rau Vajtswv, tus uas pub txhua yam nplua-mias rau peb tau siv txaussiab. 18Hais kom lawv ua qhov zoo, npluanuj rau txoj kev ua tes haujlwm zoo, muaj lub siabdawb siabzoo thiab txaussiab hlo muab tej uas lawv muaj faib rau lwmtus. 19Lawv ua li no, ces yog lawv npaj nyiajtxiag tseg cia rau lawv ua qhov chaw ruaj-khov tseg rau yav tomntej, kom lawv thiaj yuav ceev tau txojsia uas ntev dhawv mus ibtxhis los ua lawv tug.
20Timautes, koj ciali khaws nkaus kuv tej lus uas kuv tau hais tag rau koj lawm cia zoo-zoo. Ciali tseg tsis txhob hais tej lus uas tsis muaj qabhau thiab tej lus covnyom uas tsis muaj hauvpaus hauvntsis, uas qeeleej xav yuamkev hais tias yog kev “Txawjntse”. 21Rauqhov muaj ibtxhia khav hais tias lawv yog cov uas muaj kev txawjntse, vimli ntawd, thaum kawg lawv thiaj tso txoj kev ntseeg tseg lawm.
Thov kom Vajtswv txoj hmoovhlub nyob nrog nej sawvdaws.
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.