1 Timautes 5
5
Tes Haujlwm Uas Saib Cov Ntseeg
1Tsis txhob siv tej lus hnyav ntuas ib tug txivneej uas twb laus lawm, tiamsis koj yuavtsum ua tibzoo ntuas nws ib yam li nws yog koj txiv. Ntuas cov tub hluas ib yam li lawv yog koj cov kwv. 2Ntuas cov pojniam uas laus lawm ib yam li lawv yog koj niam, thiab muaj lub siab dawbhuv ntuas cov pojniam uas tseem hluas ib yam li lawv yog koj cov muam.
3Yuavtsum saib taus cov pojntsuam uas tsis muaj leejtwg pab kiag li. 4Tiamsis tus pojntsuam twg uas muaj tub muaj ki lossis muaj xeebntxwv, lawv cov tubki ntawd yuavtsum xub coj thiab ua rawsli lawv txoj kev ntseeg qhia, xwsli, lawv yuavtsum tau saib thiab tu lawv tsev neeg uantej tso; qhov no thiaj yog lawv pauj lawv niam lawv txiv thiab lawv pog lawv yawg tej txiajntsig, vim tias qhov uas lawv ua li ntawd haum Vajtswv siab.
5Tus pojntsuam uas nws nyob nws ib leeg xwb es tsis muaj leejtwg pab li, nws yeej ciasiab ntsoov rau Vajtswv thiab niajhnub niajhmo thov Vajtswv pab nws tsis tu tsis so. 6Tiamsis tus pojntsuam uas nyiam ua plees ua yi, txawm yog nws tseem ua neej nyob los zooli nws twb tuag lawm. 7Koj yuavtsum muab tej no qhia rau sawvdaws kom thiaj tsis muaj leejtwg thuam tau lawv. 8Yog leejtwg tsis pab nws kwv nws tij, tshwjxeeb cov uas yog nws tsev neeg kiag, ces twb yog tus ntawd muab nws txoj kev ntseeg Vajtswv tsotseg lawm; nws tseem phem dua li tus uas tsis ntseeg Vajtswv thiab.
9Tsis txhob sau ib tug pojntsuam uas hnubnyoog tsis tau txog raucaum xyoo lub npe rau hauv phau ntawv pojntsuam. Nws yuavtsum yog ib tug uas yuav tibzaug txiv xwb,#5:9: yuav tibzaug txiv xwb; lossis ncajncees rau tus txiv. 10thiab yog ib tug uas sawvdaws pom tau hais tias nws tes haujlwm yeej zoo, xwsli, nws qhia thiab tu nws cov menyuam lojhlob zoo, nws nyiam qhua, nws ntxuav cov ntseeg li kotaw, nws pab cov neeg uas txomnyem, thiab nws muab siab rau ua txhua yam haujlwm uas zoo.
11Tiamsis koj tsis txhob sau cov pojntsuam uas tseem hluas tej npe rau hauv phau ntawv ntawd, rauqhov thaum lawv txoj kev ntshaw ntawm sab nqaijtawv kovyeej lawv lub siab uas npuab Khetos lawm, ces lawv yuav mus yuav dua txiv. 12Lawv ua li ntawd yog lawv rov rautxim rau lawv, vim lawv tsis ua rawsli tej uas lawv twb xub coglus tseg lawm. 13Dhau ntawd, lawv ciali xyaum mus laug haujlwm tashnub, thiab mus cuavzos rau ub rau no. Tsis tag li ntawd xwb, lawv tseem xyaum ua neeg taugxaiv, nyiam mus xyav txog lwmtus lub moo, thiab hais tej lus uas tsis tsimnyog hais. 14Yogli ntawd, kuv xav kom cov pojntsuam uas tseem hluas rov mus yuav dua txiv, rov muaj tub muaj ki, thiab mus tu lawv lub cuab lub yig, kom peb cov yeebncuab thiaj tsis muaj lus thuam tau peb. 15Kuv hais li no, vim ibtxhia pojntsuam twb tso Vajtswv tseg thiab twb nrog Xatas mus lawm. 16Yog ib tug pojniam twg uas ntseeg Vajtswv, muaj cov pojntsuam uas yog nws tsev neeg, nws yuavtsum pab yug lawv es tsis txhob cia ua ib lub nra rau pawg ntseeg, kom pawg ntseeg thiaj yuav pab tau cov pojntsuam uas tsis muaj leejtwg pab tiag-tiag.
17Cov txwjlaug uas coj tau zoo, yeej tsimnyog tau txais nqizog ob npaug, tshwjxeeb yog cov uas tuav tes haujlwm qhuabqhia thiab cobqhia. 18Rauqhov Vajtswv Txojlus hais tias, “Nej tsis txhob muab hnab looj nyuj lub qhovncauj, thaum uas nyuj tseem tabtom tsuj nplej hauv lub tshav nplej,” thiab “Tus uas ua haujlwm yeej tsimnyog tau nqizog.” #2Kev 25:4; Math 10:10; Lukas 10:7 19Tsis txhob muab ib lolus uas leejtwg lam nkaug ib tug txwjlaug coj los tham, yog tias tsis muaj ob leeg lossis peb leeg ua timkhawv. #2Kev 17:6; 19:15 20Cov uas tseem pheej ua kev txhaum, koj yuavtsum ntuas nws tabmeeg sawvdaws, kom lwmtus thiaj muaj chaw ntshai.
21Timautes, kuv hais cov lus no timntsej timmuag ntawm Vajtswv thiab ntawm Yexus Khetos thiab ntawm cov timtswv ceebtsheej uas tau raug xaiv lawm hais tias, koj yuavtsum ua rawsli tej lus no uas tsis xaiv leejtwg ntsejmuag thiab tsis lam mus tuaj ib leeg ib tug twg tog kiag li. 22Tsis txhob maj tsa leejtwg ua Vajtswv tes haujlwm thiab tsis txhob mus nrog lwmtus koom lawv tej kev txhaum. Yuavtsum ceev koj tuskheej kom dawbhuv.
23Koj tsis txhob haus dej nkaus xwb, tiamsis yuav tau haus mentsis cawv txivhmab pab rau koj lub plab thiab, rauqhov koj pheej ibsij muaj mob ib zaug.
24Qeeleej tej kev txhaum mas yeej ua rau sawvdaws pom meej kawg li; lawv tej kev txhaum ntawd tseem xub ua lawv ntej mus rau hauv lub chaw txiavtxim. Tiamsis muaj qeeyam kev txhaum mas twb yog tomqab ntawd lawm sawvdaws mamli paub. 25Ib yam nkaus li ntawd, tej haujlwm zoo uas neeg ua, sawvdaws yeej yuav pom meej nplhiav xwb. Txawm yog ho muaj qeeyam pom tsis meej los yeej muab zais tsis tau li.
Attualmente Selezionati:
1 Timautes 5: MWW2022
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.
1 Timautes 5
5
Tes Haujlwm Uas Saib Cov Ntseeg
1Tsis txhob siv tej lus hnyav ntuas ib tug txivneej uas twb laus lawm, tiamsis koj yuavtsum ua tibzoo ntuas nws ib yam li nws yog koj txiv. Ntuas cov tub hluas ib yam li lawv yog koj cov kwv. 2Ntuas cov pojniam uas laus lawm ib yam li lawv yog koj niam, thiab muaj lub siab dawbhuv ntuas cov pojniam uas tseem hluas ib yam li lawv yog koj cov muam.
3Yuavtsum saib taus cov pojntsuam uas tsis muaj leejtwg pab kiag li. 4Tiamsis tus pojntsuam twg uas muaj tub muaj ki lossis muaj xeebntxwv, lawv cov tubki ntawd yuavtsum xub coj thiab ua rawsli lawv txoj kev ntseeg qhia, xwsli, lawv yuavtsum tau saib thiab tu lawv tsev neeg uantej tso; qhov no thiaj yog lawv pauj lawv niam lawv txiv thiab lawv pog lawv yawg tej txiajntsig, vim tias qhov uas lawv ua li ntawd haum Vajtswv siab.
5Tus pojntsuam uas nws nyob nws ib leeg xwb es tsis muaj leejtwg pab li, nws yeej ciasiab ntsoov rau Vajtswv thiab niajhnub niajhmo thov Vajtswv pab nws tsis tu tsis so. 6Tiamsis tus pojntsuam uas nyiam ua plees ua yi, txawm yog nws tseem ua neej nyob los zooli nws twb tuag lawm. 7Koj yuavtsum muab tej no qhia rau sawvdaws kom thiaj tsis muaj leejtwg thuam tau lawv. 8Yog leejtwg tsis pab nws kwv nws tij, tshwjxeeb cov uas yog nws tsev neeg kiag, ces twb yog tus ntawd muab nws txoj kev ntseeg Vajtswv tsotseg lawm; nws tseem phem dua li tus uas tsis ntseeg Vajtswv thiab.
9Tsis txhob sau ib tug pojntsuam uas hnubnyoog tsis tau txog raucaum xyoo lub npe rau hauv phau ntawv pojntsuam. Nws yuavtsum yog ib tug uas yuav tibzaug txiv xwb,#5:9: yuav tibzaug txiv xwb; lossis ncajncees rau tus txiv. 10thiab yog ib tug uas sawvdaws pom tau hais tias nws tes haujlwm yeej zoo, xwsli, nws qhia thiab tu nws cov menyuam lojhlob zoo, nws nyiam qhua, nws ntxuav cov ntseeg li kotaw, nws pab cov neeg uas txomnyem, thiab nws muab siab rau ua txhua yam haujlwm uas zoo.
11Tiamsis koj tsis txhob sau cov pojntsuam uas tseem hluas tej npe rau hauv phau ntawv ntawd, rauqhov thaum lawv txoj kev ntshaw ntawm sab nqaijtawv kovyeej lawv lub siab uas npuab Khetos lawm, ces lawv yuav mus yuav dua txiv. 12Lawv ua li ntawd yog lawv rov rautxim rau lawv, vim lawv tsis ua rawsli tej uas lawv twb xub coglus tseg lawm. 13Dhau ntawd, lawv ciali xyaum mus laug haujlwm tashnub, thiab mus cuavzos rau ub rau no. Tsis tag li ntawd xwb, lawv tseem xyaum ua neeg taugxaiv, nyiam mus xyav txog lwmtus lub moo, thiab hais tej lus uas tsis tsimnyog hais. 14Yogli ntawd, kuv xav kom cov pojntsuam uas tseem hluas rov mus yuav dua txiv, rov muaj tub muaj ki, thiab mus tu lawv lub cuab lub yig, kom peb cov yeebncuab thiaj tsis muaj lus thuam tau peb. 15Kuv hais li no, vim ibtxhia pojntsuam twb tso Vajtswv tseg thiab twb nrog Xatas mus lawm. 16Yog ib tug pojniam twg uas ntseeg Vajtswv, muaj cov pojntsuam uas yog nws tsev neeg, nws yuavtsum pab yug lawv es tsis txhob cia ua ib lub nra rau pawg ntseeg, kom pawg ntseeg thiaj yuav pab tau cov pojntsuam uas tsis muaj leejtwg pab tiag-tiag.
17Cov txwjlaug uas coj tau zoo, yeej tsimnyog tau txais nqizog ob npaug, tshwjxeeb yog cov uas tuav tes haujlwm qhuabqhia thiab cobqhia. 18Rauqhov Vajtswv Txojlus hais tias, “Nej tsis txhob muab hnab looj nyuj lub qhovncauj, thaum uas nyuj tseem tabtom tsuj nplej hauv lub tshav nplej,” thiab “Tus uas ua haujlwm yeej tsimnyog tau nqizog.” #2Kev 25:4; Math 10:10; Lukas 10:7 19Tsis txhob muab ib lolus uas leejtwg lam nkaug ib tug txwjlaug coj los tham, yog tias tsis muaj ob leeg lossis peb leeg ua timkhawv. #2Kev 17:6; 19:15 20Cov uas tseem pheej ua kev txhaum, koj yuavtsum ntuas nws tabmeeg sawvdaws, kom lwmtus thiaj muaj chaw ntshai.
21Timautes, kuv hais cov lus no timntsej timmuag ntawm Vajtswv thiab ntawm Yexus Khetos thiab ntawm cov timtswv ceebtsheej uas tau raug xaiv lawm hais tias, koj yuavtsum ua rawsli tej lus no uas tsis xaiv leejtwg ntsejmuag thiab tsis lam mus tuaj ib leeg ib tug twg tog kiag li. 22Tsis txhob maj tsa leejtwg ua Vajtswv tes haujlwm thiab tsis txhob mus nrog lwmtus koom lawv tej kev txhaum. Yuavtsum ceev koj tuskheej kom dawbhuv.
23Koj tsis txhob haus dej nkaus xwb, tiamsis yuav tau haus mentsis cawv txivhmab pab rau koj lub plab thiab, rauqhov koj pheej ibsij muaj mob ib zaug.
24Qeeleej tej kev txhaum mas yeej ua rau sawvdaws pom meej kawg li; lawv tej kev txhaum ntawd tseem xub ua lawv ntej mus rau hauv lub chaw txiavtxim. Tiamsis muaj qeeyam kev txhaum mas twb yog tomqab ntawd lawm sawvdaws mamli paub. 25Ib yam nkaus li ntawd, tej haujlwm zoo uas neeg ua, sawvdaws yeej yuav pom meej nplhiav xwb. Txawm yog ho muaj qeeyam pom tsis meej los yeej muab zais tsis tau li.
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.