1 Thexalaunikes 5
5
Npaj Kom Txhij Tos Hnub Uas Tus Tswv Rov Los
1Cov kwvtij, tsis tag kuv yuavtsum sau qhia rau nej paub tias hnub twg thiab lub sijhawm twg yuav muaj tej ntawd. 2Rauqhov nej yeej paub meej lawm hais tias hnub uas tus Tswv los ntawd yuav zoo ib yam li ib tug tubsab tuaj hmontuj. #Math 24:43; Lukas 12:39; 2Pet 3:10 3Thaum sawvdaws hais tias, “Muaj kev thajyeeb thiab kev cobphum lawm lau,” ces tamsim ntawd kev puastsuaj yuav los raug lawv, ib yam li tus pojniam uas mob plab yuav yug menyuam, lawv yuav khiav tsis dim li.
4Tiamsis cov kwvtij, nej tsis yog cov uas nyob hauv qhov tsausntuj, txawm yog hnub ntawd yuav los ib yam li ib tug tubsab tuaj los yuav tsis ua rau nej ceeb. 5Nej sawvdaws yog cov uas nyob qhov kaj thiab nyob nruabhnub. Peb tsis yog cov uas nyob hmontuj lossis nyob hauv qhov tsaus. 6Yogli ntawd, peb tsis txhob tsaugzog li lwmtus, peb yuavtsum tsim thiab ceevfaj zov tos. 7Tsuas yog thaum tsausntuj neeg thiaj pw tsaugzog, thiab tsuas yog thaum tsausntuj neeg thiaj haus cawv qaug xwb. 8Tiamsis peb yog cov uas nyob nruabhnub, peb yuavtsum sawv khovkho. Yuavtsum muab kev ntseeg thiab kev hlub los ua daim hlau thaiv hauvsiab, muab kev ciasiab rau txoj kev dim txim los ua lub mom hlau ntoo. #Yaxaya 59:17; Efex 6:13-17
9Vajtswv tsis tau xaiv peb los tiv Nws txoj kev npautaws, tiamsis kom peb los txais txoj kev dim txim los ntawm peb tus Tswv Yexus Khetos, 10tus uas tau tuag theej peb lub txhoj; thaum Nws rovqab los txawm yog peb tseem muaj sia nyob lossis peb tuag lawm los xij, peb thiaj tau nrog Nws nyob. 11Yogli ntawd, nej ib leeg yuavtsum txhawb ib leeg lub zog, thiab ib leeg pab ib leeg, ib yam li nej niajhnub ua ntawd.
Tej Lus Xa Xov Thiab Tej Lus Qhia Thaum Xaus
12Cov kwvtij, peb thov kom nej yuavtsum hwm cov uas ua haujlwm khwv-khwv pab nej, hwm cov uas coj nej thiab qhia nej kom nej txawj ua lub neej haum Vajtswv siab. 13Nej yuavtsum hwm lawv rau lub chaw siab thiab hlub lawv vim lawv tes haujlwm. Nej sawvdaws yuavtsum nyob sib haumxeeb.
14Cov kwvtij, peb thov nquahu kom nej yuavtsum ntuas tus neeg tubnkeeg, txhawb tus uas siab yau, pab tus uas qaugzog, thiab ua siabntev rau txhua tus. 15Ua zoo saib kom tsis txhob muaj ib tug twg ua phem pauj phem, tiamsis ib tug yuavtsum nrhiav kev ua zoo rau ib tug thiab ua zoo rau sawvdaws tas mus li.
16Yuavtsum niajhnub zoosiab; 17yuavtsum thov Vajtswv tsis tseg tsis tu; 18txawm yuav zoo licas los xij, yuavtsum ua Vajtswv tsaug, rauqhov nov yog Nws tus dejsiab rau nej cov uas nyob rau hauv Yexus Khetos.
19Tsis txhob txwv Vaj Ntsujplig tus Dawbhuv; 20tsis txhob thuam tej lus uas cov xibhwb cev Vajtswv lus qhia. 21Yuavtsum muab txhua yam los sim seb yam twg zoo, khaws yam ntawd cia. 22Yuavtsum zam kom dhau txhua yam kev phem.
23Thov Vajtswv tus uas pub rau peb tau nyob kajsiab lug, ntxuav nej kom nej dawbhuv. Thov kom thaum peb tus Tswv Yexus Khetos rov los, nej tus ntsujplig, nej lub siab thiab nej lub cev tsis txhob muaj ib qho txhaum kiag li. 24Vajtswv tus uas hu nej los, Nws yog tus uas ncajncees, Nws yuav ua kom tej no tiav.
25Cov kwvtij, nej ncontsoov thov Vajtswv pab peb thiab.
26Nej ib leeg hais nojqab nyobzoo rau ib leeg thiab ib leeg nwj ib leeg ntawm txoj kev dawbhuv.
27Los ntawm tus Tswv lub hwjchim, kuv thov nquahu kom nej muab tsab ntawv no nyeem rau cov ntseeg txhua tus mloog.
28Thov kom peb tus Tswv Yexus Khetos txoj hmoovhlub nyob nrog nej txhua tus.
Attualmente Selezionati:
1 Thexalaunikes 5: MWW2022
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.
1 Thexalaunikes 5
5
Npaj Kom Txhij Tos Hnub Uas Tus Tswv Rov Los
1Cov kwvtij, tsis tag kuv yuavtsum sau qhia rau nej paub tias hnub twg thiab lub sijhawm twg yuav muaj tej ntawd. 2Rauqhov nej yeej paub meej lawm hais tias hnub uas tus Tswv los ntawd yuav zoo ib yam li ib tug tubsab tuaj hmontuj. #Math 24:43; Lukas 12:39; 2Pet 3:10 3Thaum sawvdaws hais tias, “Muaj kev thajyeeb thiab kev cobphum lawm lau,” ces tamsim ntawd kev puastsuaj yuav los raug lawv, ib yam li tus pojniam uas mob plab yuav yug menyuam, lawv yuav khiav tsis dim li.
4Tiamsis cov kwvtij, nej tsis yog cov uas nyob hauv qhov tsausntuj, txawm yog hnub ntawd yuav los ib yam li ib tug tubsab tuaj los yuav tsis ua rau nej ceeb. 5Nej sawvdaws yog cov uas nyob qhov kaj thiab nyob nruabhnub. Peb tsis yog cov uas nyob hmontuj lossis nyob hauv qhov tsaus. 6Yogli ntawd, peb tsis txhob tsaugzog li lwmtus, peb yuavtsum tsim thiab ceevfaj zov tos. 7Tsuas yog thaum tsausntuj neeg thiaj pw tsaugzog, thiab tsuas yog thaum tsausntuj neeg thiaj haus cawv qaug xwb. 8Tiamsis peb yog cov uas nyob nruabhnub, peb yuavtsum sawv khovkho. Yuavtsum muab kev ntseeg thiab kev hlub los ua daim hlau thaiv hauvsiab, muab kev ciasiab rau txoj kev dim txim los ua lub mom hlau ntoo. #Yaxaya 59:17; Efex 6:13-17
9Vajtswv tsis tau xaiv peb los tiv Nws txoj kev npautaws, tiamsis kom peb los txais txoj kev dim txim los ntawm peb tus Tswv Yexus Khetos, 10tus uas tau tuag theej peb lub txhoj; thaum Nws rovqab los txawm yog peb tseem muaj sia nyob lossis peb tuag lawm los xij, peb thiaj tau nrog Nws nyob. 11Yogli ntawd, nej ib leeg yuavtsum txhawb ib leeg lub zog, thiab ib leeg pab ib leeg, ib yam li nej niajhnub ua ntawd.
Tej Lus Xa Xov Thiab Tej Lus Qhia Thaum Xaus
12Cov kwvtij, peb thov kom nej yuavtsum hwm cov uas ua haujlwm khwv-khwv pab nej, hwm cov uas coj nej thiab qhia nej kom nej txawj ua lub neej haum Vajtswv siab. 13Nej yuavtsum hwm lawv rau lub chaw siab thiab hlub lawv vim lawv tes haujlwm. Nej sawvdaws yuavtsum nyob sib haumxeeb.
14Cov kwvtij, peb thov nquahu kom nej yuavtsum ntuas tus neeg tubnkeeg, txhawb tus uas siab yau, pab tus uas qaugzog, thiab ua siabntev rau txhua tus. 15Ua zoo saib kom tsis txhob muaj ib tug twg ua phem pauj phem, tiamsis ib tug yuavtsum nrhiav kev ua zoo rau ib tug thiab ua zoo rau sawvdaws tas mus li.
16Yuavtsum niajhnub zoosiab; 17yuavtsum thov Vajtswv tsis tseg tsis tu; 18txawm yuav zoo licas los xij, yuavtsum ua Vajtswv tsaug, rauqhov nov yog Nws tus dejsiab rau nej cov uas nyob rau hauv Yexus Khetos.
19Tsis txhob txwv Vaj Ntsujplig tus Dawbhuv; 20tsis txhob thuam tej lus uas cov xibhwb cev Vajtswv lus qhia. 21Yuavtsum muab txhua yam los sim seb yam twg zoo, khaws yam ntawd cia. 22Yuavtsum zam kom dhau txhua yam kev phem.
23Thov Vajtswv tus uas pub rau peb tau nyob kajsiab lug, ntxuav nej kom nej dawbhuv. Thov kom thaum peb tus Tswv Yexus Khetos rov los, nej tus ntsujplig, nej lub siab thiab nej lub cev tsis txhob muaj ib qho txhaum kiag li. 24Vajtswv tus uas hu nej los, Nws yog tus uas ncajncees, Nws yuav ua kom tej no tiav.
25Cov kwvtij, nej ncontsoov thov Vajtswv pab peb thiab.
26Nej ib leeg hais nojqab nyobzoo rau ib leeg thiab ib leeg nwj ib leeg ntawm txoj kev dawbhuv.
27Los ntawm tus Tswv lub hwjchim, kuv thov nquahu kom nej muab tsab ntawv no nyeem rau cov ntseeg txhua tus mloog.
28Thov kom peb tus Tswv Yexus Khetos txoj hmoovhlub nyob nrog nej txhua tus.
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.